Joni 18:11 - Godoni vuʼa maiuʼina

¹¹ 'Ejume Jesura Pita ijá 'wama Oni so'wa suta vaji ranama. 'Ú Na kapusia ka'ene Amora mihajaho pai'ejo? 'wamana.

Joni 18:11 ပူးပေါင်းရင်းမြစ်များ

Matiu 20:22

'Ejumakame Jesura pu ijá 'iama Ja niho'o raka ka'ene jara jaririvu kajihuni maijaho pahene pakavi'i maiji avaju 'iamana. 'Eji'i Hu 'ijá 'iama 'Ú ja Nara kapusia ka'ene mai'o ihunijaho ja areri ija'ina i'eja 'iavume pu ijá 'wava 'I'a nú areri i'eja 'wavara.

Matiu 26:39

'E'eme Hu ma'uaku'wi kahakaru vanamarena'a iji'a mwe'i 'one siporua 'one ijá 'wama Amo ike kapusia ikaho maka'eje asitiha ruva'ama kaivo ikaho Nuni ura pana 'avo Oni urijara renama 'wamana.

Matiu 26:42

'Enarena Hu kú'o pu irechami'i kaivo siporua 'o'i va'arena siporua 'one ijá 'wama Amo ike kapusia ikaho maka'eje asitiha ruva'ama vo pa'ana re'amajaho Na ihuna. 'Enakúne Oni ura ijara renama 'wamana.

Ruku 12:30

Ike uneunecha kijahija ea ka'ene kwaa ara mapokakino hijujija hina saravura. 'Enakaivo joni Oma ka'ene kahi akúpa 'ahi hinujara uneunechaka mapoka ka'ene ja pivusahujija nihe paranuna.

Ruku 22:42

Hu ijá 'wama Amo A ura rena'ipisa kapusiakaho Nuni rora apena ruvaa'a. 'Enakaivo Nuni ura pana kaivo Oni ura ija'ina'e ve'amana 'wamana.

Joni 15:10

Ja Nuni tamana veji'i hi'avajaho ja Nuni oja mihuri vajijino hihuna. Areri Nara Amo oni tamana hene venare'e Huni oja mihuri vajijino hijuja'ina'e hi'avara.

Joni 17:24

Amo A pu Na vajihajaho Nara hi'ujino pu 'u'o hihuna ura reniu. 'Ejakame pu Nuni pinana ka'ene Ara mihajaho ka'avara. Nitama mwe'akaho mai'o pavejajiri A oja mihana.

Joni 18:36

'Ejume Jesu eha vene ijá 'wama Nuni ara kwaa ikaho mwe'a pana. Nuni ara kwaa iki mwe'i re'ipisa Nuni pwehija pu areri ajira veja'a. 'Ejakamareje pu Juakija Na niho'o paapenia'a. 'Enakaivo Nuni ara kwaa ikaho panamu 'wamana.

Joni 20:17

Jesu ijá 'wama A Na pa'uniri'amana. Ijihuni maijaho Na mai'o Amo oni pavai'inakúne a va'e vwehu Nuna 'wara'amana. Na Nuni Oma 'ee joni Oma Nuni Godi 'ee joni Godi ijihuni va'u 'i'ama 'wamana.

2 Koritia 10:4

Ijihuna'e 'arasaravuri kukua ka'ene núra 'eke nana'ejujaho mwe'a kehuni kukuijija pana kaivo Godoni kukua ka'ene harura rukima'ura ka'ene uneunecha kisima'urijihi tirakuhunijina.

2 Koritia 6:7

'Ene ira nimaa vaja 'ee Godoni harura vaja 'ee kukua arimaijino mana'inija'i 'anihuna'e apene 'ee ana'inija'i tanuhuna apejara.

Hipuru 12:2

Jesu ka'ene núni nimairoa anejijine 'ee aneja rena va'e uri usehunijina. 'Enajihuna'e núni nia Hu kavi'i vahuna. Hu korosi 'ahi ahija apeji'i jumana vo ijí Hu juma kajaho semana. Hu ija'ina venajihuni maijaho Hu túna'i teamahuniji apehuni jihuna'e avanana. 'Ena'omo Hu iviamaa akúpi 'ahi Godoni toronu ija mana'inija'i asuma hinu.