Joni 17:25 - Godoni vuʼa maiuʼina

²⁵ O Amo A arimaa mwe'akaho A pahena pakamu kaivo Na A nihene kavura. Ara Na ranamiume roujaho ea ikipo niheju.

Joni 17:25 ပူးပေါင်းရင်းမြစ်များ

Matiu 11:27

'Enakaivo uneunecha mapokijija Amora Nuni ija tahi irechamana. Ijihuna'e eaka mapokijija Godoni Harihijaho hami pakama pahejura kaivo Amora huhusu hami hena kamuna. 'Eju'e eaka mapokijija Amoho hami pakama pahejura kaivo Hariahi huhusu hami hena kamuna. 'Enakaivo Hariahi ea irá ura renajiru Omaha'e nahume hu 'u'o Omaha hena kamuna 'wamana.

Matiu 16:16

Saimani Pitara eha vene ijá 'wama A Kerisona. A Godi ka'ene mai'o hiji'inijihuni Hariha 'wamana.

Ruku 10:22

'Enakaivo uneunecha ka'ene mapokijija Amora Nuni ija tahi irechamana. Ijihuna'e eaka mapokijija Godoni Harihijaho pakama pahejura kaivo Amora hena kamuna. 'Eju'e eaka mapokijija Amoho pakama pahejura kaivo Hariahi kama henuna. 'Enakaivo Hariahi ura renujiru Omaha najahuna 'wamana.

Joni 1:18

Vei pini emai Godi kahuna niho'o pana kaivo Huni Hariha nikwinu'wi ka'ene Omahoni vaji hinujara Hu kame ea 'aho'a najahe 'waramuna 'iamana.

Joni 10:15

Areri Amora Na hena kimuja'ina'e Na Amo hena kavura'omo Na sipia punijihuna'e kwahuna.

Joni 15:21

'Enakaivo Nuni ihijihuna'e pu ija'ina 'ahihuna. Ijihuni maijaho pu Godi ka'ene Na ranamiume roujaho paheju jihuna'e avahuna.

Joni 16:27

Amora ja oja mihu. Ijihuni maijaho ja Na oja mihe 'ee nimaa rojujaho Na Amo oni rena routa.

Joni 16:3

Pu Amo pahena kame Na pahena pakivu jihuna'e pu ja ijá 'ahihuna.

Joni 16:30

Nú iviamaa heju. A uneunecha maho'o nihe parana jihuna'e ei pini unenu'u pina Aa'e aporahuna areria pa'ana. Nú ike henare'e A Godoni rena roaji nimaa roju 'wavara.

Joni 17:11

Na iviamaa mwe'akaho kú'o pahihuna. 'Enakaivo pu pupuso iki mwe'i hi'eju'e Na Oni vu'u. Amo arimai ea ka'ene Ara vajihajija Oni iha 'ahi hami 'ajoha'amana. 'Ejakame Nú nikwinu'ini ja'ina'e pu 'u'o nikwinu'wi reja.

Joni 17:18

Ara Na ranamiume Na iki mwe'i rouja'ina'e Na pu 'u'o mwe'a ikino irechamiu.

Joni 17:21

'Enajihuna'e Na siporua 'ojukúne pu maho'o nikwinu re'avara. Amo pu nikwinu nú pu'úmo re'avara. Areri Ara Nuni vaji hiju'e Nara Oni vaji hijuja'ina'e pu 'u'o Núni vaji hihuna. 'Ejakame mwe'akaho Ara Na ranamiume rouji nimaa ro'avara.

Joni 17:23

Na puni vaji hiju'e A Nuni vaji hinu. 'Ejukame pu niho'o nikwinu rena para'avara. 'Ejakame mwe'akaho Ara Na ranamie 'ee oja ka'ene Na mihaja'ina'e A pu 'u'o oja mihujaho pu hena ka'avara.

Joni 17:3

Ikaho majama hihunijina. Pu A Godi ka'ene nikwinu'wi nimaa nimaiji hena kame 'ee Jesu Keriso ka'ene Ara ranavume roaji hena kahuna.

Joni 17:8

Ara Oni ira ka'ene Na vajihajija Na pu 'waravu'e pu hena vejara. 'Ene pu ijí hejujaho nimaa nimaa Na Oni rena routa. 'Ee Ara Na ranamiume roujaho pu nimaa nimaa roju.

Joni 3:17

Godi Hariaha ranavume iki mwe'i 'otua pave'i roana kaivo mwe'akara huni vaji mara'amarono roana.

Joni 6:19

'E'eme pu toa 'ahi kwaa jopatu'ura vai'i kavume Jesuho toa 'ahi puni ro'i 'ahaume roe sisima rori ro'eme pu Hu kamareja niho'o juvara.

Joni 7:29

Na Hu hena kavura. Ijihuni maijaho Hura Na ranamiume Na Huni rena routa 'iamana.

Joni 8:19

'Ejume pu Hu ijá 'wava Omuna ichihune? 'wavara. 'Ejume Jesu eha vene ijá 'iama Ja Na pahene pakivu jihuna'e Nuni Oma 'u'o pahene pakavura. Ja Na hena ki'ipisa ja Nuni Oma 'u'o hena kava'a 'iamana.

Joni 8:55

Ja mai'o Hu paheji'ina kaivo Na Hu heji'ina. Nara ijá 'wara'ipisa Na Hu pahejura 'i'ipisa jara ira'ata vejuja'ina veju'u. 'Enakaivo Na Hu nihene 'ee Huni Irijaho vejura.

Akisi 17:23

Na iki joni ara vaji hina 'urahoji'i ja uneunecha mapoka ka'ene veju'e unenu'u 'aho'a puna'i reji'inijaho na nikivu kaivo ruha pinaka ja asura vejajaho Godi pina ka'ene nú pakavu jihuni ruha 'wavara'e kavuta. Ja Godi kajaho pahejura kaivo ja oja mahu kaji na Hu rone 'waravu.

Akisi 26:18

'Ejakame a veje puni nia jaraahuna. 'Ene pu nututi hijujaho are'i kaivo ta'arohe hanaji'iniji roajihuna 'ee Setani oni harura hari hijujaho are'ika'i Godoni rohuna. 'Ejakamareje sisea vwihanie arevujaho apene 'ee ea ka'ene nimaa rojajihuna Na iji pijihujipo aachia ka'ene 'ekahunijaho pu 'u'o ijihuni vaji 'ekahuna 'wimana.

Romani 1:28

Pu Godi hena kahuna areri parejumakame Godira pu ruha aremahume vwiha sisearu vwihane 'ee uneunecha ka'ene areri parehuniji vejura.

Romani 3:11

Ei pini Godi hena kamuna pana 'ee Godoni 'unama ariraka nimaa nimaiji sahuna pana.

Romani 3:26

'Enajihuna'e Godi iviamaa Huni arimaiji najuhe ea ariramaa 'iamujihuni maijaho pu Jesu nimaa rojujihuna'e 'waramuna.

1 Koritia 1:21

Mwe'a kehuni vwiha mamaa vajijaho paroe Godi hena kahunijaho nikimana. Godi teamamajaho ike vu'a ka'ene ea 'ahopo kavume maa pa'ana'e renuna vajakino najahume ea ka'ene nimaa rojajija maraniana.

1 Koritia 15:34

'Enakúne hami vwihanareje sisea vejujaho areha! Ijihuna'e ja ea 'aho'a Godi pahene pakavura. Na ikaho ja juname vahi'ena'amarono 'waravu.

2 Koritia 4:4

Mwe'a kehuni Godijara ea ka'ene panimaa roji'ini jihipuni vwiha ijija tanu'urihu'e puruva retiu. 'Eju'e vu'a maa maiu'ini jihuni hanaji'inijaho 'ee Keriso oni mamaijaho pahena pakavu. Hu Godi arerina.

2 Tesaronia 1:8

Pu vena harura vaji ea ka'ene Godi pahena pakame 'ee núni Natohwa Jesuni vu'a maiu'ina pahene vejajihi eha mihuna.

Hipuru 8:11

'Ejakame pu ehwaha 'ee kachihwaha Natohwiji hena kavi'ina re'ipisana pa'wahuna. Ijihuni maijaho emaina sesamaa maho'o pu Na hena kivi'ina rehuna.

1 Joni 1:9

'Enakaivo nú núni sisea Hu nahama 'wara'avajaho Hu pauchavi'ine 'ee ariri jihuna'e Hu núni sisea vwihana areme 'ee núni sisea maho'o somuhe pa'arehuna.

Revaresiani 13:8

'Ejakame ea mapoka ka'ene mwe'a kaki hijujija 'ee mwe'akaho mai'o pareji'inijino ea irahuni iha majama hihuni puka vaji panavajipo hanuhiji oja mahuna. Ijí majama hihuni puka ijaho Remu ka'ene kwamaji Huna.

Revaresiani 16:5

'Ejume na he'eme toa puni 'ona oji'inijara ika'ina 'waramana A ariramaa'e A nitama hine iviamaa hinu. A nimaa vene eha sisea ikaho mihajihuna'e A nimaa ariramaa.