Joni 16:5 - Godoni vuʼa maiuʼina

⁵ 'Enakaivo Na iviamaa Godi ka'ene Na ranamiume roujihuni va'u. 'Eju'e ja ea pina A ichihi va'o? pa'wivu.

Joni 16:5 ပူးပေါင်းရင်းမြစ်များ

Joni 13:3

Amoho uneunecha mapoka Huni ija 'ahi irechame 'ee Hu Godi oni rena roana'omo Hu kú'o 'unama Godi oni vahunijaho nihena kamana.

Joni 13:36

Saimani Pitara Hu ijá 'wama Natohwe A ichihi va'o? 'wamana. 'Ejume Jesura eha vene ijá 'wama Na va'u kajaho a iviamaa pavuhuna kaivo túna'i a ijí vuhuna 'wamana.

Joni 14:28

Ja nihe'eju'e Na ijá 'ivo Na va'ura'omo Na kú'o joni rohuna. Ja Na oja mi'ipisa ja teamanava'a. Ijihuni maijaho Na Amo oni va'u. Amoho natohwa kaivo Na Hu paasivuta.

Joni 16:10

Arimaiji najahuni jihuni maijaho Na Amo oni va'ura'omo ja Na kú'o pakihuna.

Joni 16:16

'Aha josu pare'eje ja Na pakihuna. 'Enareje kú'o 'aha josu'a pare'eje ja Na kihuna. Ijihuni maijaho Na Amo oni va'ujihuna'e 'iamana.

Joni 16:17

'Ejume Huni tisaiporu 'ahopo 'aho'a ijá 'iava Hu 'warumu kajihuni maijaho irake? Na 'aha josu'a pare'eje ja Na pakihuna. 'Enareje 'aha josu'a pare'eje kú'o ja Na kihuna. Ijihuni maijaho Na Amo oni va'ujihuna'e 'waravu 'úmujaho rakijihuna'e 'warumo? 'wavara.

Joni 16:28

Na kahi Amo oni rena roe iki mwe'i routa. 'Ena'omo Na iviamai ike mwe'akaho areme kú'o kahi Amo oni va'u 'iamana.

Joni 17:13

'Enakaivo Na iviamaa Oni vu'u. Vu'a ikejahija Na iki mwe'i 'waravu jihuna'e puni vajijaho Nú temarijara rarena parahuna.

Joni 17:4

Na iki mwe'i kaukara ka'ene A mihajaho nive paraju jihuna'e Oni pinana natohwa 'urinu.

Joni 6:62

'Enakaivo ja ka'eje Emaa Puni Harihijara kú'o ajima va'e kwaa ka'ene Hura marako hinaji va'ipisa ja ichá veja'e?

Joni 7:33

'Ejume Jesu ijá 'iama Na ja pu'úmo ma'uako hinareje Na kú'o Godi ka'ene Na ranamiume roujihuni vahuna.

Hipuru 1:3

Godi Hu ichá'inijaho Hariaha ija'ina'omo Hu najuhana. Hariahijara raka ka'ene venajaho Godi ija'ina venuna. 'Ene Huni harurijino uneunecha mapoka ka'ene maira 'wara'eme rejajija Hu 'uninamiu'e puni tiniji navura. 'Enavo Hu kwama núni sisea sovume paranajaho akúpa huni Godi ni'ima'uri jihuni ija mana'inija'i tinia ka'ene Hu ta'arohuniji asuma hinana.

Hipuru 12:2

Jesu ka'ene núni nimairoa anejijine 'ee aneja rena va'e uri usehunijina. 'Enajihuna'e núni nia Hu kavi'i vahuna. Hu korosi 'ahi ahija apeji'i jumana vo ijí Hu juma kajaho semana. Hu ija'ina venajihuni maijaho Hu túna'i teamahuniji apehuni jihuna'e avanana. 'Ena'omo Hu iviamaa akúpi 'ahi Godoni toronu ija mana'inija'i asuma hinu.