Joni 15:8 - Godoni vuʼa maiuʼina

⁸ 'Ejakamareje ja 'ina mapoka re'avajaho ijara Amo oni pinana 'urihuna. 'E'avajihuna'e ijara naja'amajaho ja Nuni tisaiporu.

Joni 15:8 ပူးပေါင်းရင်းမြစ်များ

Matiu 5:16

Ija'ina'e joni hanaji'inijara ea mapoka puni una'i hanani'amana. 'Ejakame pu kive maaru vejakame pu joni Oma ka'ene kahi akúpa 'ahi hinuji ta'arohuna.

Matiu 5:44

'Enakaivo Na ijá 'iavo Ja joni naka oja mi'avara. 'Ene ea 'ahopo ja sise'i 'ahia ki'avajaho puni siporua 'ona'avara.

Matiu 9:8

'Ejumakame ea mapoka ijí Godoni harura kaji kamareja Godi ta'arohara. Ijihuni maijaho Godira harura kajaho emaa vajihana.

Ruku 6:35

'Enakúne joni naka oja mihe 'ee pununa'i hami vene 'ee eha 'ekahuna pavwihaji'i vaji'avara. Ijihuni maijaho ja eha natohwa'e kahi akúpi 'ahi apene 'ee ja Godi ka'ene niho'o Ichuto Maijihuni harihija'e rehuna. Godiho ea ka'ene Hu patea manavi'inijija 'ee ea ka'ene sisea ni'ima'ura veji'inijija hami 'ahiuna.

Joni 13:35

'Ejakamareje ea mapoka hena ki'avajaho ja Nuni tisaiporua 'wahuna. Ja ojono oja ma'arava jihuna'e ea mapoka hene ki'avajaho ja Nuni tisaiporua 'wahuna 'iamana.

Joni 15:5

Na aja kaivo ja anuama. Ea ka'ene Nuni vaji hije 'ee Na huni vaji hi'ujaho hu 'ina mapoka rehuna. Na pa'a ja unenu pina areri pavehuna.

Joni 8:31

'Ejume Jesura Jua ka'ene Hu nimaa rojajija ijá 'iama Nuni Ira ka'ene joni oja vaji namuji ja venapene va'avajaho ja nimaa nimaa Nuni tisaiporua.

1 Koritia 10:31

'Enajihuna'e ivi'a a toa i'ena ho a unenu'u pina iraka'e ve'amajaho pinanijaho Godi maho'o ma'amana.

1 Koritia 6:20

'Ene ja aneja ni'ima'uri 'imena 'ekarakúne joni hahijaho Godoni pinana'e 'urihunijiru ve'avara.

Piripai 1:11

'Ene 'unama arira ka'ene Jesu Keriso oni rena roajara joni vaja niho'o tinia apena para'ama jihuna'e Godiho aromahe 'ee ta'arohuna.

Taitasi 2:10

'Enakaivo pu puni mama'ini jihipuni uneunecha ma'u'umaa nesa pa'ekakame pu nimaa vetihuna. 'Ejakame Godi ka'ene núni Ni'ajúhi'ini jihuni irijaho richama para'amana.

Taitasi 2:5

'Enareje pu puni vwiha hami 'ajohe 'ee nia pakairasahe 'ee puni sea hami 'ajohe 'ee paruhwapuni ira hene veja. 'Ejakame pu ea 'aho'a Godoni vu'a areri sisea pa'wa'avara.

1 Pita 2:12

Joni kara ijija Jenitaru puni vajijaho mamaa'e re'amana. Pu ja sisea namahe 'warahuna kaivo jara mamaa ka'ene ve'avaji kimareje vea ka'ene Hura 'aiha vei ro'amajaho Godi ta'aro'avara.

1 Pita 4:11

Ea irara vu'a 'wara'amajaho maka'eje hu Godira 'waramu ja'ina'e 'wara'amana 'ee ea irara ea 'aho'a ni'aji'amajaho Godira harura ka'ene mahajino ni'aji'amana. 'Ejakame uneunecha mapoka vajakino Godiho Jesu Keriso oni vaji ta'arohuna. Ijihuni maijaho pinana 'ee uneunecha mapoka Huni harura hari aneja púsa pa'ana'e navu. Ameni.