Joni 15:19 - Godoni vuʼa maiuʼina

¹⁹ Ja mwe'a kehuna re'ipisa ja hunijihuna'e hu ja oja miha'a. Ja mwe'a kehuni vajakino Nara ja iji pijihe 'ekauta. Ijihuna'e mwe'akaho ja senavu.

Joni 15:19 ပူးပေါင်းရင်းမြစ်များ

Matiu 10:22

'Enakaivo Nuni hahijihuna'e ea ja senahuna. 'Ene ea irara 'ata kairane hi'eje mwe'akaho pa'are'amajara marana parahuna.

Matiu 24:9

'Enajihuna'e ea 'ahopo ja 'eka sise'i 'ahie 'ee 'anie kwamasahuna. Ijihuna'e kwaa araka mapoka kijahija Nuni ihijihuni hahi ja niho'o senama paranihuna.

Ruku 6:32

Ja ea ka'ene jaa'e oja mihujiru oja mi'avajaho ja maa iraka vejare? Ijihuni maijaho ea sisea 'u'o ea ka'ene pu oja vajihujiru oja mihura.

Joni 13:18

Na ja eaka mapokakaho parona 'waravu kaivo Nara iji pijihujaho Na nihena kivu. 'Enakaivo Godoni ira vaji ika'ina ka'ene 'waramajara roe nimaa renu. Ea ka'ene puretia Nuna'e inujara huni ateja tajahene Na ninamiana.

Joni 15:16

Ja Na iji papijihara kaivo Nara ja iji pijihuta. 'Ene Na ja irechamiu. 'Enakúne ja va'e 'ina mapoka re'avara. 'Ejakame joni 'ina kajija majama hihuna'e re'avara. 'E'ira'omo ja Nuni ihi 'urahe raka Amo jari'avajaho Hu ja vajihuna.

Joni 6:70

Jesu eha vene pu ijá 'iama 'Ú Na onuno ja ea iropu ropu no'o iji papijihute? 'Enakaivo joni vajaki ea kwinu 'avena sisea 'iamana.

Jemisi 4:4

Godoni hura pavenahi'inakije 'Ú ja mwe'a ike'i napura vejujara reju'e Godoni naka rejujaho ja pahene pakavo? Ijihuni hahi ea irara mwe'ake'i napura vehuna ura renujaho hu ori veju'e hu Godoni naka renuna.

1 Pita 4:3

Ijihuni maijaho joni vea ni'ima'ura ja nisame Jenitarupo ura renae 'ee hahijara ura renaujiru vejara. 'Ene 'uasa vene hahijara itunavaji vene 'ee toa sisea ine nanamie 'ee 'unama sisea vene temarasahe 'ee toa sisea ine 'unama ani ani vene 'ee godia ira'ata siseijihi oja mihura.

1 Joni 3:12

Nú Keni vare'ina pana. Hu 'avena sisei jihuni ea ijihuna'e hu huni 'u'ua 'anaume kwamana. Hu 'u'uaha rakijihuna'e 'anaume kwamane? Ijihuni maijaho hura raka ka'ene venajaho sisei jihuna'e pamaranana. 'Enakaivo 'u'uahi venajara marana jihuna'e avanana.

Revaresiani 12:17

'Ejume anakijaho naparijara niho'o ajima parajume huni amuhija ka'ene Godoni varapa 'ajohe 'ee Jesuni vu'a 'unanavu jihipu'úmo ajira ve'iro va'ana.

Revaresiani 12:9

Ijí anaka ni'ina ka'ene pi'onavajaho hu tapara nitama orijine huni iha 'u'o 'avena sisea 'ee Setanina. Hu ea maho'o ka'ene iki mwe'i hijujaho pisimiu jihuna'e hu huni 'ona oji'inijihi pu'úmo ato'arumaume mwe'i roara.