Joni 14:6 - Godoni vuʼa maiuʼina

⁶ 'Ejume Jesura ijá 'wama Na 'uname 'ee nimaa nimaa 'ee majama hihunijina. 'Ena'omo ei pini 'unama ani'ina venareje Amo uni rohuna areri pana kaivo nikwisu Nuni vajaruna.

Joni 14:6 ပူးပေါင်းရင်းမြစ်များ

Matiu 11:27

'Enakaivo uneunecha mapokijija Amora Nuni ija tahi irechamana. Ijihuna'e eaka mapokijija Godoni Harihijaho hami pakama pahejura kaivo Amora huhusu hami hena kamuna. 'Eju'e eaka mapokijija Amoho hami pakama pahejura kaivo Hariahi huhusu hami hena kamuna. 'Enakaivo Hariahi ea irá ura renajiru Omaha'e nahume hu 'u'o Omaha hena kamuna 'wamana.

Joni 1:14

'Ejume Irijaho roe haha apene nú pu'úmo ahuma hijume nú Huni hanaji'ina kavara 'ee Huni Hariha nikwinu'wi maa kajihuni hanaji'inijaho Amo ka'ene maiji vwihanúe 'ee nimaijihuni rena roana.

Joni 1:17

Varapa tamana Mosisi oni vajijino múhana kaivo maiji vwihanúe 'ee nimaijaho Jesu Keriso oni vaji rena roara.

Joni 1:4

Majama hihunijaho Huni vaji rena roane 'ee majama hihunijaho emaa puni hanaji'ina.

Joni 10:28

Na pu majama hihuna vajihu jihuna'ee pu papa'arehuna. 'Ee pu Nuni ija tahi hijujihuna'e ea 'ahopo 'etujihuna areria pana.

Joni 10:7

'Ejumakame Jesu kú'o 'waramarena ijá 'iama Na nimaa nimaa 'waravu Na sipia epuni vwicha.

Joni 10:9

Na vwicha'omo ea irara roe Nuni vaji aru'amajaho Na hu ni'ajahuna. 'Ejakame hu roe arume 'ee va 'e'uji'i 'iruma piunihuna.

Joni 14:19

'Enakaivo Na iki ma'uako hihuna kaivo ea ka'ene mwe'aki hijujija pakimamaa pakihuna kaivo ja Na kihuna. Ijihuni maijaho Na majama hijuja'ina'e ja 'u'o ija'ina majama hihuna.

Joni 15:1

Na aja nimaa nimaa 'ee Nuni Omijaho juara anesura.

Joni 18:37

'Ejume Pairati Hu ijá 'wama 'Ú A Kinie? 'wavume Jesu ijá 'wama A Na Kinia 'wimujaho Na ijí rehuna'e naheniara. 'Ee ijihuna'e Na iki mwe'i routa. Na iki roujihuni maijaho ea mapoka ka'ene iki mwe'i hijujihija'e raka ka'ene nimaa nimaiji 'wara'iro routa. Ea ka'ene nimaijihunijija Nuni ira hejura 'wamana.

Joni 5:21

Areri Omahi vejume kwamasahi'ina hijuja'ina'e Hariahi ea ka'ene Hu ura renujija 'u'o majama hihuna mihuna.

Joni 6:33

Godira Puretia ka'ene mihajaho kahi akúpi 'ahi rene roana. Hu majama hihuniji ea mapoka mihuna 'iamana.

Joni 6:51

Na majama hihuni puretia ka'ene kahi akúpi 'ahi rena roajina. Ea irara puretia kaji i'amajaho majama hihuna. Nara puretia vajihujaho Nuni haha iki ea mapoka mihuna. 'Ejakame pu majama hihuna 'iamana.

Joni 6:57

Oma ka'ene majama hiji'inijara Na ranamiume routa. Nara hijujihuni maijaho Amora hinujihuna'e hiju. Ea irara Na ini'amajaho Nara rejujihuna'e hu majama hihuna.

Joni 6:68

'Ejume Saimani Pitara Hu eha vene ijá 'wama Natohwe nú irahuni va'eja? Oni vaji majama hihuni vu'ijaho namu.

Joni 8:32

Ijihuni hahi ja nimaa nimaiji he'avajaho nimaa nimaa kajara veje ja sisea huni harura hara pahihuna 'iamana.

Joni 8:51

Na nimaa nimai ja 'waravu. Ea irara Nuni ira ike ija kisi 'uname huni vaji rana'amajaho hu kwahuna pakahuna 'iamana.

Akisi 3:15

'Ejume ja Ea ka'ene majama hihuni anesurijaho 'anaara. 'Enakaivo Godira vejume kú'o 'urinaji kavara'omo nú ijí rone nimaa 'waravu.

Akisi 4:12

Godoni ari vahuni 'unamijaho Iha nikwinu reje nú vahuna. Ei pini mwe'aki nú ni'ajúhakame Godoni vahuna pana kaivo Godira Jesuho ea mapoka ikehipuni ni'ajihi'ina mihana'omo ijara ni'ajihakame Godoni vahuna 'iamana.

Akisi 9:2

'Ejumakame hu pasia vene vajahe 'eka va'e Tamasikasi Sinakoku mapokiji vajihe pu hu ni'ajahareje ea ka'ene 'Unama ikehunake veji'ina parui napari piuni'avajaho pu 'eke Soru vajahe kamorame hura 'eka Jerusaremi rohuna.

Romani 15:16

Na Jesu Keriso oni vu'a Jenitaru najahu. Na Godoni vu'a maiu'iniji najahi'ina'omo na Jenitaru puni swasa Godira pu kime teama'amarono veju. Ijihuni maijaho Godoni 'Avenijara Hunijihuna'e venaume ariramaa rejara.

Romani 5:2

Nú Huni vaji nimaa rojajihuna'e maiji vwihanúajaho apene ijihuni toi namiju'e aneja vene najuhe 'ee túna'i Godoni mamaa'e ka'ene 'ekahuniji teamanu'eju'e 'ajaha hiju.

Romani 5:21

Ni areri sisei jihuni 'unamijara natohwa rejume kwamasaha ja'ina'e vu ma ijí vwihaniujaho arimaa ijihuni vaji natohwa'e rene núni Natohwa Jesu Keriso oni vaji majama hihuna.

1 Koritia 15:45

Ika'ina 'u'o vejara. Atamu ka'ene ea amurijaho mai'o hiji'ina'e renana kaivo Atamu ka'ene túchamaijaho 'Avena ka'ene majama hihuna vajihi'ina'e renana.

Epasasi 2:18

'Ena'omo nú ja pu'úmo Huni vaji Godoni 'Avenijara venue Amo oni areri ma arira vahuna.

Korasia 2:17

Ikija raka ka'ene mai'o rohuni jihuni 'avena kaivo nimaijaho Keriso ona.

Korasia 2:9

Hura haha ka'ene apenana vajijino Godoni kara icha'inijaho maho'o Huni vaji navu.

Korasia 3:4

Vea ka'ene Keriso núni hiijara roe samaahira'amajaho ja 'u'o pu pu'úmo Huni mamaa ijihuni vaji samaahirahuna.

Hipuru 7:25

Ijihuni hahi ea irara Jesuni vaji Godoni nini ro'amajaho Jesu areri venae majama marania apena vahuna. Ijihuni maijaho Hu punijihuna'e majama hine pu vahaname puamu vena apene vahuna.

Hipuru 9:8

'Enakaivo Godoni 'Aveni 'waramajaho ruha ka'ene Ariramaa Nimaa Nimaijaho emaapo va'e aruhuna areri pana. 'Enavo ruha amurijara majama ija'ina navi'i na'ipisa ea areri pava'e aruva'a.

1 Pita 1:21

Ja Huni vajijino Godi nimaa rojara. Ijihuni maijaho Hura vejume Hu kwamajaho 'urinana 'ee Huni pinana vejume 'urinana. Ijihuna'e jara nimaa rojujaho Godoni vaji navu.

1 Pita 2:4

Ja Huni roajaho Hu muna ka'ene mai'u hiji'ina ka'ene emaapo senavajina. 'Enakaivo Godira Huni urijino Hu iji pijaha jihuna'e Godoni una'ijaho mavarasa'ina.

1 Pita 3:18

Ijihuni maijaho Kerisoho ni'aha kwino sisei jihuna'e kwamana. Ariramaa ka'ene sisea pa'ajara sisea rukini jihipuni hahi kwamana. 'Enarena aherume Godoni roana. Hu hahijihuniji kwamana kaivo 'Avena vajijino vejume 'urinana.

1 Joni 1:8

Nú niho'o sisea pa'ana 'wavujaho nú onuno pisivaravu. 'Eju'e nimaijaho núni oja vaja panamu.

1 Joni 2:23

Ea irara Hariha pataarohujaho hu Omaha 'u'o pataaroha avanu. 'Enakaivo ea irara Hariha nimaa ronujaho hu Omaha 'u'o nimaa ronu.

1 Joni 5:20

Nú niheju. Godoni Harihijaho niroana. Hu nimaiji hena kahuni henaka ijaho múhana. 'Eju'e nú Huni hariha Jesu Keriso ka'ene nimai jihuni vaji hiju. Ijaho Godi nimaa ka'ene majama hihunijina.

1 Joni 5:6

Ikaho Ea ka'ene toa 'ee 'aa vaji roajina. Hu Jesu Kerisona toaru pana kaivo toa 'ee 'aiji'i roajina.

2 Joni 1:9

Ea irara Kerisora najahuji pave'i kaivo karokaha venujaho Godi huni oja vaja pahinu. Ea irara Kerisora najahuji venujaho Omahe'o Hariahe'o huni oja vaji hiju.

Revaresiani 1:5

Jesu Keriso ka'ene nú maiji vwihanúe oja soni samuhajara vu'akaho 'warumu. Eaka mapoka ka'ene kwamasahi'inijipo kú'o 'urihuni amurijaho Jesura 'urinana. Hu mwe'a kakehuni ea mama'ini jihipuni 'Ajoahi'ina. Nú Jesu ta'arohu jihuni maijaho Hu nú oja múhe Huni 'aiji núni sisea somuhana.

Revaresiani 19:11

'Ene na ka'eme akúpa 'aha vwicha jara'eme hosi sajasa'ina ijí naminana. Ea ka'ene ijihuni toi asuma hinajaho huni iha Pauchavi'ina 'ee Nimaa Nimaijina. Ijihuni maijaho Hu 'otua arira vene 'ee ajira veji'ina.

Revaresiani 20:15

'Ena'omo majama hihuni puka vajijino ea irahuni iha pana'amajaho vena ni'ima'ura nahúna na'amajino pi'onahuna.

Revaresiani 22:1

'Enarena 'ona oji'inijara toa ka'ene majama hihuni toijaho najihana. Toa kajaho chiha niho'o pa'a maa'omo Godi'o 'ee Remuiji'o puni toronu 'ahi rena roana.

Revaresiani 22:17

'E'ejume Godoni 'Avenijaho 'ee Napasi nehuniji'o ika'ina 'waravara Roa! Ea irara he'amajaho hu ika'ina 'wara'amana Roa! 'Ene ea irara toa hua'amajaho hu ika'ina 'wara'amana Roa! 'Ena'omo ea irara majama hihuni toiji ape'iro ve'amajaho pa'imehuna vo maape'ena.

Revaresiani 3:14

Ike vu'a kakaho Reatasia sosi 'ajohuni 'ona oji'ina ika'ina venareje 'wara'amana. Ea ka'ene nimaa túchamaijine 'ee paseme pauchavi'inijine 'ee Godoni vu'a hena kime nimaa 'waravi'inijine 'ee Hu Godira uneunecha mapoka ka'ene venajihuni Húmatijara ijá 'waramu.

Revaresiani 3:7

Ike vu'a kakaho Pirateripia sosi 'ajohuni 'ona oji'ina ika'ina venareje 'wara'amana. Ea ka'ene niho'o ariramaa'e ea ka'ene niho'o nimaa nimaaru 'waravi'ine 'ee Teviti oni kia 'ajohi'ina'omo Hura vwicha tirasa'amajaho ei pini kuhuna areri pana. 'Ene Hura vwicha ka'ene ku'amajaho ei pini areri tirasahuna pana. Ijara ika'ina 'waramana.