Joni 14:26 - Godoni vuʼa maiuʼina

²⁶ 'Enakaivo joni Ni'ajihi'inaka Godoni 'Avenijaho Amora ranave Nuni iha 'ahi ro'amajara uneunecha mapoka najahune 'ee Hura Nara 'waravujaho veje ja vwihahuna.

Joni 14:26 ပူးပေါင်းရင်းမြစ်များ

Matiu 1:18

Ikaho Jesu Keriso 'unama ichá'ina ka'ene nahejajina. Meri ka'ene Jesuni ohijaho Josapira mwamuna kaivo pu mai'o pa'wa'ara'eme Godoni 'Aveni vejume hu hari'i nenana.

Matiu 1:20

Hu hine ijí vwihanani vea kajino Natohwi jihuni ona oji'ini roe navahi ijá 'wama Josapi ka'ene Teviti oni harihakera a Meri aheve oni napara rehunijaho paju'amana. Ijí hu hari'i nena kajaho Godoni 'Aveni vejume hari'i nenana.

Matiu 28:19

'Enakúne kwaka mapokakino va'ajimareje najahakame Nuni tisaiporu re'avara. 'Ene Amo Hariha 'Avena ijihipuni ihi 'ahi 'unirama toi sama'avara.

Matiu 3:11

Na ja toa vaji samaume 'urijajihuni maijaho ja joni sisea vwihane temukavume nahama Godi 'wara'ika'i aremama arevaji najaharejo ijihuna'e toa vaji samauta kaivo Ea ka'ene nuni túna'i roujara Godoni 'Avena 'ee haruriji'i samahuna. Na Hu Hu'úmo areria pana 'ee nara Huni mumora hwana jahenahuna areria pana.

Maka 12:36

Teviti ori'ini Godoni 'Avena vaji ika 'waramana Natohwijara nuni Natohwiji ijá 'wama A Nuni ija mana'inika'i asuma hi'eje Na Oni nana'eji'ina Oni mumora hari irechavuma 'wamana.

Maka 13:11

Pu ja 'eke 'otua ve'iro va'avajaho ja va'e uné raka ka'ene 'warahuniji pavwiha'avara. 'Enakaivo ja 'otua ve'iro ve'eje vu'a pina vwiha'avajaho ja pavwihahuna kaivo Godoni 'Aveni vaji'enakúne 'wara'avara.

Ruku 1:15

Hu niho'o Godoni rori ea ni'ima'ura mavarasa'ina'e 'urihuna. Hu niho'o 'wainia 'ee toa kikisina paihuna. Hu nahe'avari anejijino rene Godoni 'Aveni samahe tinia apena parahuna.

Ruku 1:35

'Ejume 'ona oji'inijara eha vene ijá 'wama Godoni 'Aveni samahuna. 'Ee harura ka'ene maho'o Ichuto Maijihunijara raorahuna. Ijihuni hahi Hariha ka'ene arira maiji nahe'amajaho Godoni Hariha 'wahuna.

Ruku 1:41

Vea ka'ene Merira 'ajomaji Irisapeti he'eme hariha huni tea vaja kají pipijuku'eme Godoni 'Aveni Irisapeti oni vaja ruha apenana.

Ruku 1:67

Huni oma Jakaraiasiho Godoni 'Aveni tinia apejume raka ka'ene iji'a rehunijaho ika'ina 'waramana.

Ruku 11:13

'Enakaivo ja ea siseakija joni harihija swara mamai vaji'avajaho joni Oma ka'ene akúpa 'ahi hinuji jari'avajaho Hura Huni 'Avena mihuna 'iamana.

Ruku 2:25

Heha! Ea pina huni ihijaho Simionina hu Jerusaremi vaji hinuna. Hu ea arira 'ee huni kaukara oja mahi'ina'omo hu Isureri opuni Mesaia 'ajaha hinuna. 'Ena'omo Godoni 'Avena hu samahana.

Ruku 24:49

Heha! Na Nuni Omijara raka ka'ene nahama ja 'waramajaho Nara ranave joni ro'enakúne ja ara natohwa ikino hi'eje Godoni harura kahino akúpa 'ahi rene roe ja sama'amana 'iamana.

Ruku 3:22

'E'eme Godoni 'Avena areri marahu'ora puna'i jaima ariha roe huni haha 'ahi ajimana. 'E'eme ira akúpa 'ahi rene roe ijá 'wama A Nuni Hariha ka'ene Na oja mahujina. Na A niho'o teamanimu 'wamana.

Joni 1:33

Na Hu pakavura kaivo Godia ka'ene na ranamiume roe ea toi samaujara ijá 'wima A ka'eje Godoni 'Avena kahi akúpi 'ahi rena 'ariha roe Huni haha 'ahi hija ka'amajaho ijara ea Godoni 'Avenijino samahuna.

Joni 12:16

Huni tisaiporu ikaho maraku'a pahejara kaivo Jesura kwamarena 'urina va'eme iji'a túna'i pu vwihajara. Ijí uneunecha ka'ene pura Hununa'i vejara 'ee Godi oni ira vaji marako Hua'e rone nahama 'waramajaho iji'a pu vwihajara.

Joni 14:16

'Eje Na Amo jarivakame Hura joni Ni'ajihi'ina pina mihe Hu ja pu'úmo majama hihuna.

Joni 14:25

Na ikijahija ja pu'úmo iviamaa hiji'i 'waravu.

Joni 15:26

'Enakaivo joni Ni'ajihi'ina ka'ene Nara Amo una'i rene ranave ro'amajaho Godoni 'Avena ka'ene nimaijina. Hu Amo una'i rena rohuni jihuna'e Hu Na rone 'warahuna.

Joni 16:7

Na ja nimaa 'waravu. Ja maranihuni jihuna'e va'u. Ijihuni maijaho Nara pava'ujaho joni Ni'ajihi'ina parohuna. 'Enakaivo Na va'ujaho Na Hu ranave joni rohuna.

Joni 2:22

'Ena'omo vea ka'ene Hu kwama 'urinajino Huni tisaiporuepo vwihanareja Godoni ira nimaa rone 'ee Jesura ira raka ka'ene 'waravume pu hejajaho nimaa rojara.

Joni 20:22

Hu ijá 'waramarena Hu iruhoa vetie ijá 'iama Godoni 'Avena apeha 'iamana.

Joni 6:45

Nitama poropetiepo ika'ina heha 'ahi vejara. Pu ea maho'o ijá 'iava Ea mapoka Godira najahuna 'iavara. Noin'Eje ea mapoka ka'ene Amo una'i hene vejajija Nuni roura.

Joni 7:39

Ijaho Hu Godoni 'Aveniji'i rone 'warama avanana. Ea irahipo Hu nimaa nimaa ro'avajipo pu Godoni 'Avena kajaho apehuna. 'Avena kajaho mai'o paroi'ina. Ijihuni maijaho Jesu mai'o pavai'ini jihuna'e paroana.

Akisi 1:2

apene va'u va'o va'e vea ka'ene Hura kahi akúpa 'ahi va'aji va 'e'ujuta. Hu va'amarono Godoni 'Aveni vaji Huni apasorua ka'ene Hura iji pijihajija raka ka'ene pu vehunijaho 'waramana.

Akisi 1:4

'Ene pu ahuma hi'eme Hu ijá 'iama Ja niho'o Jerusaremi paareme va'avara kaivo ijí 'aja'eje Amora raka ka'ene ja mi'iro nahama 'waravume Na 'waravujaho mihakama'e iji'a va'avara.

Akisi 1:8

'Enakaivo Godoni 'Aveni roe ja samahakame ja harura apenareja'e iji'a Jerusaremi 'ee Jutia 'ee Sameria Na rone najahuna. 'Ene ike mwe'akaho maho'o najahuna.

Akisi 11:16

'E'eme na Natohwijara raka ka'ene 'warumajaho vwihajuta. Joniho hu ja toa vajaru samaume 'urijara kaivo ja Godoni 'Aveniji'i samahuna 'úmajaho vwihajuta.

Akisi 13:2

'E'eme pu Natohwiji oja vwihanareja pu 'iruma aura areme siporua 'oji'i hi'eme Godoni 'Aveni ijá 'iama Panapasi'o Soru'o irechamie kaukara raka ka'ene Na pura ve'avarono 'umenauji veja 'iamana.

Akisi 13:4

'Ene pu Godoni 'Aveni irechamiume va'e Serusia useme ijino sisima ajima Saiparasi va'ara.

Akisi 15:28

Nú Godoni 'Avenijihi pu'úmo vwihajujaho nú unenu'u pina ahisina joni haha 'aha paranavu. 'Enakúne ja ikeru ve'avara.

Akisi 15:8

Godira eaka mapoki jihipuni oja vajijaho nihena ki paranarena pua'e najaharena Huni 'Avena nú múhaja'ina'e pu mihana.

Akisi 16:6

'Enareja pu Esia vu'a pa'wara'avarono Godoni 'Aveni rarejume pu va'e Pirijia useme 'ee Karesia usevara.

Akisi 2:33

Godira vejume Hu Godoni ija mana'inija'i hinu. 'Eju'ukame Amora Huni 'Avena ka'ene nahama 'waramaji Hu mihu'ukame jara raka ka'ene iviamaa hena kavujaho Hura Huni 'Avena kaji usesamaana.

Akisi 2:4

Godoni 'Aveni ruha apene paranarena venaume pu ea maho'o aneja vene ira ani ani'ina 'wavara.

Akisi 20:28

'Enakúne hami ojono 'ajoarame 'ee ea ka'ene jara 'ajoha'avarono Godoni 'Aveni ja 'ajohai'ina'e irechamie 'ee Godoni sosia ka'ene Hura Huni 'aijino 'imenajaho 'ajoha'avara.

Akisi 20:35

Nara uneunecha mapoka ka'ene vejujaho jara ija'ina'e venareje ea ka'ene pivusahuji ni'aji'avarono najahuta. 'Ene Natohwa Jesura Huni iri 'waramaji vwiha'avara. 'Ekujaho mamaa kaivo vajihujaho mavarasa'ina vejura 'iamana.

Akisi 28:25

Pu paavacharame vai ve'eme Poru ijá 'iama Godoni 'Avenijara vejume poropeti Aisea oni vaji nimaa amuhu núna 'warama ijá 'iama

Akisi 5:3

'Ejumakame Pitara ijá 'wama Ananaiasi'o a irakijihuna'e Setani oni oja ruha apejumakame a oni mwe'aka 'imenarena monia pwinana'a a 'ekivo Godoni 'Aveni jihuni una'i ira'ata venane?

Akisi 7:51

Ja niho'o vu'ataa paheji'ina 'ee joni oja kisima'uri jihuna'e ja niho'o pahena paraju. Emahu jopo Godoni 'Avena pataaroha ja'ina'e ja 'u'o pataarohu.

Akisi 7:55

'Enakaivo Sitiviniho oja vaja Godoni 'Aveni ruha apena parajumakame akúpa 'ahi nia nirinama kavume Godoni hanaji'ina kame 'ee Jesuho Godoni mana'inija'i naminana.

Romani 14:17

'Enakaivo Godoni arijaho toa ine 'ee 'iruma ihuna pana kaivo arira 'ee matauma hine 'ee Godoni 'Avena vajijino mari'uvi'i hihunijina.

Romani 15:13

Jara Godia ka'ene nimaa rojujara temara 'ee matauvi'ini samahakame jara nimaa rojajaho Godoni 'Aveni jihuni harura vajijino itusahe ameurahe ariha.

Romani 15:16

Na Jesu Keriso oni vu'a Jenitaru najahu. Na Godoni vu'a maiu'iniji najahi'ina'omo na Jenitaru puni swasa Godira pu kime teama'amarono veju. Ijihuni maijaho Godoni 'Avenijara Hunijihuna'e venaume ariramaa rejara.

Romani 5:5

'Ene ijí túna'i raka ka'ene rehunijara paveje nú temukuhuna. Ijihuni maijaho Godira ea oja mihujaho Godoni 'Avena ka'ene núa múhajihuni vaji ranamana.

1 Koritia 12:3

'Enajihuna'e na ura ja ike hehuna'e ura reniu. Ea irara Godoni 'Avenijara 'wara'eju'e 'waramujaho hu mai'o ika'ina pa'waramune Jesuho sirivara pa'iamuna. 'Ene ea irara Godoni 'Avena apenajara huhusu Jesuho Natohwa 'iamuna.

1 Koritia 6:19

'Ú oni hahakaho Godoni 'Avena ka'ene Godoni rena roana ka'ene oni vaji hinujihuni Temiporu ijaho a mai'o paheno? 'Enajihuna'e oni hahijaho a'asu onaru pana.

2 Koritia 13:14

Natohwa Jesu Keriso oni maiji vwihanii'inijaho 'ee Godoni oja mihujaho 'ee 'Avenijihi pu'úmo ahuvujaho maho'o ja pu'úmuna. Nijina.

2 Koritia 6:6

'Ene ariramaaru vejara vaja hinaka vaja masuani ajuarasahe hijuri vaja 'ee mamaa'e vene ni'aja'aravura vaja 'ee Godoni 'Aveni jihuni vaja 'ee oja nimaiji mihuri vaji hijara.

Epasasi 1:13

Ja 'u'o Huni vaji Huni ira nimaiji hene 'ee vu'a maa maiu'ina ka'ene ja ni'ajihana ka ja nimaa rojume Huni 'Avena ka'ene nahama 'waramajaho joni vaji Huni tatua vene mihana.

Epasasi 1:17

'Ejakame núni Natohwa Jesu Keriso oni Godi 'ee Oma ka'ene pinana rukinijara vwiha ka'ene vwiha mamaa vwihane 'ee jonuna'a veje samaumaa rene 'ee Hu hena kahunijaho samaumaa rehuna.

Epasasi 4:30

'Ene ja paki'eje Godoni 'Avena veje temu'ama. Ijihuni maijaho Hura nahama 'waramarena tatua ka'ene múhajaho nama va'e vea ka'ene Hura 'ekuhunijino 'usehuna.

1 Tesaronia 4:8

'Enajihuna'e ea irara ike hene pataarohujaho hu emaa papataarohu kaivo Godi ka'ene Huni 'Avena mahaji pataaroha avanu.

2 Timoti 1:14

'Ene Godoni 'Avena ka'ene núni vaji hinujara ni'aja'eje mamaa ka'ene mahajaho 'ajo'amana.

Taitasi 3:5

'Enarena Hu nú ni'ajúha jihuni maijaho núra uneunecha mamaa arira'e vejakame ijihuna'e ni'ajúhuna pana kaivo Huni numisaraa 'ee Huni 'Avena vajijino kú'o nahenu'e somuhume nú ea maiu'ina rejara.

Hipuru 10:15

Godoni 'Avenijara vu'a kaha'i raka ka'ene 'waramaji nimaa 'iamarena Hu ika'ina 'waramana.

Hipuru 2:4

'Ejumakame Godira ijí nimaa 'iamarena najahajaho aacha 'ee uneunecha ani ani vejuma rene 'ee ea areri pavehuniji vejume ea oja hwa'usahara. 'Ene Godoni 'Aveni jihuni swara ea irá vaja'iro ura renajaho Hu vajahuna.

Hipuru 3:7

Ijihuni hahi Godoni 'Avena ika'ina 'waramana. Iviasi ja Huni ira he'avajaho

Hipuru 9:8

'Enakaivo Godoni 'Aveni 'waramajaho ruha ka'ene Ariramaa Nimaa Nimaijaho emaapo va'e aruhuna areri pana. 'Enavo ruha amurijara majama ija'ina navi'i na'ipisa ea areri pava'e aruva'a.

1 Pita 1:12

Pu najahume kavajija pu pupusu pani'ajaravara. 'Enakaivo ja ni'ajihe ike uné raka ka'ene rejajija ea ka'ene vu'a maa maiu'ina 'waravi'inijipo Godoni 'Avena ka'ene akúpi 'ahi ranavume roajihuni vaji uneunecha ka'ene 'ona oji'inapo he'irono ura renaujija 'waravara.

2 Pita 1:21

'Ene poropetiepo vu'a ka'ene 'waravajaho emai huni ura ijino vehuna pana kaivo emaa'e Godoni 'Avenijara venaume Godi rone 'waravara.

1 Joni 2:20

'Enakaivo Godira Huni 'Avena joni oja vaji samaha jihuna'e ja ea maho'o nimaa hena kavi'ina'e rejara.

1 Joni 2:27

Huni 'Avena joni oja vaji samahume ja apejara. 'Enajihuna'e ijí 'Avena kajara joni oja vaji hinajihuna'e ei pini ja najahuna areri pana. Hura samaha kajara uneunecha maho'o najahuna. Ijí uneka ka'ene Hura najahujaho nimaa nimaa kaivo ira'ata pana. Hura ja najaha kaja'ina'e Huni vaji hiha.

1 Joni 5:7

'Avenijara Huni vu'a nimaa venana. Ijihuni maijaho 'Avenijaho nimaijina.

Juta 1:20

'Enakaivo vwehu nuna ka'ene na ja oja mihi'inakije joni nimaaroijaho veje emare'amana. 'E'eje Godoni 'Avena vajijino siporua 'o'avara.

Revaresiani 2:11

Ea irara ataa rukinijaho Godoni 'Avenijara sosijihi vu'a 'waramuji he'avara. 'Ene ea irara sisea'e piunamareje harura ni'ima'ura vene ijí asita'amajaho hu 'u'o kwamareje haha hianahuna pa'arehuna.