Joni 12:49 - Godoni vuʼa maiuʼina

⁴⁹ Na Nuni vwihaijaho ja pa'waravu kaivo Nara raka ka'ene 'waravukaho Amo ka'ene ranamiume Na roujara raka ka'ene 'wara'urono 'warimaji 'waravu.

Joni 12:49 ပူးပေါင်းရင်းမြစ်များ

Joni 14:10

Amoho Nuni vaji hiju'e Na Amoni vaji hijujaho ja panimaa roju'u raka? Vu'a ka'ene Nara ja 'waravujaho Nuni vwihajaho pana kaivo Amo ka'ene Nuni vaji hinujara Huni kaukara vene avanu.

Joni 14:24

Ea ka'ene Na oja pami'amajaho hu Nuni ira pahena pavehuna. Ijí ira ka'ene ja hejakaho Nuni ira pana kaivo Amo ka'ene Na ranamiume roujihuni ira.

Joni 14:31

'Enakaivo Amora 'warima ja'ina Na vejura. Ijihuni hahi mwe'akara henujaho Na Amo oja mahu. 'Enakúne 'urija va'ajiva 'iamana.

Joni 15:15

Na ja kú'o pwea pa'iahuna. Ijihuni maijaho pwea huni Natohwi venujaho pakamu jihuna'e pahehuna. 'Enaka'i Na ja napuhu Nune 'iahuna. Ijihuni maijaho raka ka'ene Amo una'i hejujaho Na ja ni'waravuta.

Joni 17:8

Ara Oni ira ka'ene Na vajihajija Na pu 'waravu'e pu hena vejara. 'Ene pu ijí hejujaho nimaa nimaa Na Oni rena routa. 'Ee Ara Na ranamiume roujaho pu nimaa nimaa roju.

Joni 3:11

Na niho'o nimaa nimaa a 'waravu nú raka ka'ene hena kivujiru 'waravu kaivo a niho'o núra 'waravujaho pahenuhu.

Joni 3:32

Ijihuna'e Hu raka ka'ene kima henujaho 'waramuna kaivo pu pahene vejura.

Joni 5:19

'Ejume Jesu eha vene ijá 'iama Na nimaa nimai ja 'waravu. Godoni Hariha Hu Huni vwiha ijaho niho'o pavenu kaivo raka ka'ene Hu ka'eju'e Omahi venujiru venuna. Uneunecha mapoka ka'ene Omahi venujaho Hariaha 'u'o ija'ina venuna.

Joni 5:30

Na Nuni vwiha ijaho majikaria unenu pina pavehuna kaivo Na hejuja'ina'e Na ea eha mihura. 'Ene Nara eha ka'ene mihujaho niho'o arira. Ijihuni maijaho Na Nuni ura ijaho pavejura kaivo Godi ka'ene Na ranamiume roujara ura renujiru vejura.

Joni 6:68

'Ejume Saimani Pitara Hu eha vene ijá 'wama Natohwe nú irahuni va'eja? Oni vaji majama hihuni vu'ijaho namu.

Joni 7:16

'Ejume Jesu ijihuni hahi puni eha vene ijá 'iama Nara uneka ka'ene najahujaho Nuna pana kaivo Godi ka'ene Na ranamiume roujihuna.

Joni 8:26

Na uneunecha mapoka ja 'warame namahuna kaivo Godi ka'ene Na ranamiume roujaho nimaa nimaa'omo Na raka ka'ene Huni hejujiru mwe'aki 'waravu 'iamana.

Joni 8:28

'Ejume Jesura ijá 'iama Vea ka'ene ja Emaa Puni Harihiji 'unama apena ahasiri'avajino ja Na Ea iraho hena kihuna. Nara unenu'u pina Nuni vwihai vehuna pana kaivo Amora najihajiru Na veju.

Joni 8:42

'Ejume Jesu pu ijá 'iama Godiho joni Oma re'ipisa ja Na oja miha'a. Na Godoni rena routa. Ijihuni maijaho Na Nuni oja pa'ene routa kaivo Godira ranamiume routa.

Revaresiani 1:1

Jesu Keriso oni hema ka'ene mai'o rehuniji naja'iro Godira Keriso mahumakame Hura Huni 'ona oji'ina ranavume hura apena roe Huni iraru hene veji'ina Joni nahe 'waravakame Huni ehija ka'ene Huni iraru hena veji'inijija naja'ena.