Joni 12:28 - Godoni vuʼa maiuʼina

²⁸ Amo veje Oni iha huni pinana 'urinama. Ijihuna'e ira kahi akúpa 'ahi rena roa ijá 'wama Na Nuni iha huni pinana veju'e 'urinuna'omo Na kú'o veje 'urihuna 'wamana.

Joni 12:28 ပူးပေါင်းရင်းမြစ်များ

Matiu 11:25

'E'ikaivo ijihuni vea kajino Jesura eha vene ijá 'wama Amo ka'ene akúpa mwe'a ijihuni Natohwiji'o Na teimani 'wavujihuni maijaho Ara uneunechakija ea ka'ene vwiha mamaa vwihaji'inijija 'ee hena kavi'ini jihipuni una'a pavejume samaa renana kaivo kasimaaru najahana.

Matiu 11:26

Nimai Amo A ija'ina venajara teamanamu.

Matiu 17:5

ni'aha kwino 'imitia hanaji'ina puni hura kajaho sa'eme 'imitia vaja kajino ira roe ijá 'wama Ikaho Nuni Hariha ka'ene Na niho'o ura renia paraju'e oja mahi'inijinakúne ja Huni ira hami he'avara 'iamana.

Matiu 26:42

'Enarena Hu kú'o pu irechami'i kaivo siporua 'o'i va'arena siporua 'one ijá 'wama Amo ike kapusia ikaho maka'eje asitiha ruva'ama vo pa'ana re'amajaho Na ihuna. 'Enakúne Oni ura ijara renama 'wamana.

Matiu 3:17

'E'eme ira kahi akúpa 'ahi rena roe ijá 'iama Ikaho Nuni Hariha ka'ene Na oja mahujina. Na Hunijihuna'e niho'o teamanimu 'iamana.

Maka 1:11

'E'eme ira kahi akúpa 'ahi rena roe ijá 'wama A Nuni Hariha'omo Na A oja mahu. 'Ene Na A kavujaho niho'o teamanimu 'wamana.

Maka 14:36

Hu ijí siporua 'one ijá 'wama Amo Amo A uneunecha mapoka areri veji'ina. 'Enakúne veje ike kapusia ka'ene Nununai namuji ape va'a. 'Ene Nuni ura ijaho pana kaivo oni ura ijara renama 'wamana.

Maka 9:7

'Imitia satu'uri'eme ira 'imiti vaji ijá 'iama Ikaho Nuni Hariha Na Hu oja mahu. 'Enajihuna'e Huni ira he'avara 'iamana.

Ruku 3:22

'E'eme Godoni 'Avena areri marahu'ora puna'i jaima ariha roe huni haha 'ahi ajimana. 'E'eme ira akúpa 'ahi rene roe ijá 'wama A Nuni Hariha ka'ene Na oja mahujina. Na A niho'o teamanimu 'wamana.

Ruku 9:35

'E'eme ijí 'imitia vaja kajino ira rena rouma he'eme ijá 'iama Ikaho Nuni Hariha ka'ene Nara iji pijahujinakúne Huni ira he'avara 'iamana.

Joni 11:4

'Ejume Jesuho ijí henarena Hu ijá 'iama Hu ma atami 'unamuna'omo hu pakwahuna kaivo ijaho Godi ta'arohe avanu. Ijara reje ea mapoka Godoni Hariha ta'arohuna 'iamana.

Joni 18:11

'Ejume Jesura Pita ijá 'wama Oni so'wa suta vaji ranama. 'Ú Na kapusia ka'ene Amora mihajaho pai'ejo? 'wamana.

Joni 9:3

'Ejume Jesu eha vene ijá 'iama Eakaho pane 'ee emahwaha 'u'o sisea pavejara kaivo Godira Huni haruriji ea kehuni vaji naja'irono avanana.

Epasasi 2:7

'Enajihuna'e Godiho Huni maiji vwihanii'ina ni'ima'ura ka'ene niho'o areri pamanura vehunijaho 'ee mamaa ka'ene núna'e venujaho Jesu Keriso oni vajijino vea túna'i najuhuna.

Epasasi 3:10

'Ejakame Godoni vwiha mamaa mapokijija iviamaa veje sosi vaja 'ee 'ajohai'ina 'ee mama'ina ka'ene ichutoi hijujihi puni una'a samaa rehuna.

Epasasi 3:21

Godiho sosia vaja 'ee Jesu Keriso oni vaja 'ee ea maho'o hina apena va'ujihi puni vaja aneja púsa pa'ana'e ta'arohuna. Ameni.

2 Pita 1:17

Ijihuna'e vea ka'ene Hu hura 'ee pinana Godi Amona'i apenaji pina'inijara ika'ina Hu rone 'waramana. Ikaho Nuni Hariha ka'ene Na oja mahe 'ee teamanima paranujina 'wamana.