Joni 12:27 - Godoni vuʼa maiuʼina

²⁷ Iviamai Nuni oja tura'i 'ahiu. Na ichá 'wara'ejo? Amo vea iviamai roujaho ni'ajihe 'ajohia Na paare'uta kaivo ike vea ka'ene rou kehuni maijihuna'e Na routa.

Joni 12:27 ပူးပေါင်းရင်းမြစ်များ

Matiu 11:25

'E'ikaivo ijihuni vea kajino Jesura eha vene ijá 'wama Amo ka'ene akúpa mwe'a ijihuni Natohwiji'o Na teimani 'wavujihuni maijaho Ara uneunechakija ea ka'ene vwiha mamaa vwihaji'inijija 'ee hena kavi'ini jihipuni una'a pavejume samaa renana kaivo kasimaaru najahana.

Matiu 11:26

Nimai Amo A ija'ina venajara teamanamu.

Matiu 26:42

'Enarena Hu kú'o pu irechami'i kaivo siporua 'o'i va'arena siporua 'one ijá 'wama Amo ike kapusia ikaho maka'eje asitiha ruva'ama vo pa'ana re'amajaho Na ihuna. 'Enakúne Oni ura ijara renama 'wamana.

Matiu 26:45

Hu kú'o 'unama roarena Huni tisaiporua ijá 'iama 'Ú ja mai'o hina notue 'ee ojuta hwejo? Iviamaa vea muka nituranu. Ema Puni Harihijaho emaapo nahamahareje ea sisea puni ija tahi ranahuna.

Ruku 22:44

Hu hine oja hia'eme siporua 'ojumakame haha natohwa'e hiame huni piropa 'aa muka sa'ina'e mwe'a 'ahi arihana.

Ruku 22:53

Na veku veku ja pu'úmo Temiporu vaji hijura kaivo ja Na paapeniura. 'Enakaivo iviamaa ike vea mukakaho 'ee mwe'a ike nutuvi'ina kehuni harurijaho jona 'iamana.

Joni 11:41

'Ejume pu muna tahuma apene ani ruva'eme Jesu Huni nia ichutoi niri'i siporua 'oji'i ijá 'wama Amo A Nuni ira henujihuna'e Na teamani 'wavu 'wamana.

Joni 12:23

'Ejume Jesu eha vene pu ijá 'iama Emaa Puni Harihi jihuni pinana 'urihuni vea niroana.

Joni 13:21

Jesu ijí 'waramajino Hu oja tura'i 'ahaume Hu ijá 'iama Na nimaa nimai ja 'waravu. Ja ei pini Na nahamihuna 'iamana.

Joni 18:37

'Ejume Pairati Hu ijá 'wama 'Ú A Kinie? 'wavume Jesu ijá 'wama A Na Kinia 'wimujaho Na ijí rehuna'e naheniara. 'Ee ijihuna'e Na iki mwe'i routa. Na iki roujihuni maijaho ea mapoka ka'ene iki mwe'i hijujihija'e raka ka'ene nimaa nimaiji 'wara'iro routa. Ea ka'ene nimaijihunijija Nuni ira hejura 'wamana.

1 Timoti 1:15

Ikaho vu'a nimaa ka'ene nú ea maho'o apehunijina. Jesu Kerisora iki mwe'i roajaho ea sisea veji'ina'e ni'aji'i roana. 'Ena'omo ijihipuni vajijaho sisea ka'ene sisee maijaho nana.

Hipuru 2:14

Ijihuni maijaho Godoni harihijijija emaijihuna'e pu haha 'ee 'aa rukina. 'Ejume Jesu 'u'o roe haha rukina rene 'ee 'aa rukina rejume emaapuni 'unamiji nahejara. Hu Emaa renajihuna'e Hu areri kwahuna. Setanira kwamasahuri harura ka'ene 'unanamuji Jesura kwavakame harura kajaho tira'usaha para'amarono ijihuna'e Emaa renana.

Hipuru 5:7

Vea ka'ene Hu iki mwe'i hinajino Hu pakwahuniji ni'aja'amarono Godoni siporua 'onarena ira ajira 'ee niravi'i jarimana. Hu Godoni siporua 'onajihuni maijaho Hura Huhusu ni'ajahuni jihuna'e 'onana. 'Ejumakame Godi Huni siporua henajihuni maijaho Hu Godoni hura venana.