Joni 10:28 - Godoni vuʼa maiuʼina

²⁸ Na pu majama hihuna vajihu jihuna'ee pu papa'arehuna. 'Ee pu Nuni ija tahi hijujihuna'e ea 'ahopo 'etujihuna areria pana.

Joni 10:28 ပူးပေါင်းရင်းမြစ်များ

Maka 13:22

Túna'i ea 'ahopo ira'atijino na Kerisona 'iave vu ea 'ahopo ira'atijino na poropeti 'iahuna. Pu ija'ina venareje aacha mapoka veje ea mapoka oja hianava kivi'i pisivie ea mapoka nimaa rohuna. Pu ea ka'ene Hura iji pijihajihija pisivihuna vo areri parehuna.

Ruku 23:46

'E'eme Jesura ira ajira'e ijá 'umena Amo Oni ija 'ahi Na Nuni 'Avena ranavu 'wa'ika'i oja sumana.

Joni 10:29

Ijihuni maijaho Amora pu Na vajiha jihuna. Hu niho'o harura rukina'omo ea pina Hu niho'o paasimana. Ea ka'ene Amoni ija tahi hijujijahija niho'o ei pini areri pa'etujahuna.

Joni 11:25

'Ejume Jesu ijá 'wama Na ea ka'ene kwamasahi'ina vena'e kú'o 'urihunijina 'ee Na majama hihunijina. 'Ena'omo ea irara Na nimaa ronujaho hu kwahuna vo majama hihuna.

Joni 14:19

'Enakaivo Na iki ma'uako hihuna kaivo ea ka'ene mwe'aki hijujija pakimamaa pakihuna kaivo ja Na kihuna. Ijihuni maijaho Na majama hijuja'ina'e ja 'u'o ija'ina majama hihuna.

Joni 17:2

A Hu harura ea mapoka asitahuna mahana. 'Enajihuna'e A ea ka'ene Hu vajahajija Hu pu majama hihuna mihuna.

Joni 18:9

Godoni iri nitama marako 'waramajaho iviamaa roe nimaa renu 'wa'ika'i ijá 'wama Ara ea ka'ene Na vajihajijahija pina ani ani pava'ara 'wamana.

Joni 3:36

Ea irara Godoni Hariha nimaa ronujaho hu majama hihuna kaivo ea irara Godoni Harihijihuni ira henare'e pavenujaho hu majama pahihuna. 'Ejukame Godoni sena huni haha 'ahi namu.

Joni 4:14

'Enakaivo ea irara toa ka'ene Nara mahuji i'amajaho hu kú'o toa pahuahuna. Ijí toa ka'ene Nara hu ma'ujara huni oja vaji namareje toa úja ajime arihareje ijara vejakame majama hihuna 'wamana.

Joni 5:24

Na niho'o nimaa nimai ja 'waravu. Ea irara Nuni ira hene nimaa rone Godi ka'ene Na ranamiume rouji nimaa ronujaho hu majama hihuna niapenana. Ijihuna'e hu 'otua pavehuna kaivo Hu kwahunijaho niare'ika'i majama hihuni ruhijino roana.

Joni 6:27

Ja 'iruma ka'ene pa'arehuni jihipuni kaukara pave'avara kaivo 'iruma ka'ene majama nahuni jihipuni kaukara ve'avara. Ijaho Emaa Puni Harihijara ja vajihuna. Huni haha 'ahi Amo ka'ene Godiho Huni tatua ranamana.

Joni 6:37

Ea ka'ene Amora Na vajihajija Nuni roajihuna. 'Ejakame ea irahipo Nuni ro'avajaho Na niho'o pamakihuna.

Joni 6:47

Na nimaa nimai ja 'waravu Ea irara nimaa ronujaho hu majama hihunijaho apenana.

Joni 6:68

'Ejume Saimani Pitara Hu eha vene ijá 'wama Natohwe nú irahuni va'eja? Oni vaji majama hihuni vu'ijaho namu.

Akisi 7:59

Sitivini muni 'anaumakivi'i hu Natohwiji 'urahe ijá 'umena Natohwa Jesu nuni 'avena ape'amana 'wamana.

Romani 5:17

Sisea ka'ene ea kwinu Atamura venajara kwamasahuni 'unamijara emaa puni una'i natohwa renana kaivo ijihuni hurijino Ea ka'ene maijí vwihanúe 'ee swara ka'ene arimaiji apejajija pu Ea kwino Jesu Keriso oni vajijino majama hihuna.

Romani 5:2

Nú Huni vaji nimaa rojajihuna'e maiji vwihanúajaho apene ijihuni toi namiju'e aneja vene najuhe 'ee túna'i Godoni mamaa'e ka'ene 'ekahuniji teamanu'eju'e 'ajaha hiju.

Romani 5:21

Ni areri sisei jihuni 'unamijara natohwa rejume kwamasaha ja'ina'e vu ma ijí vwihaniujaho arimaa ijihuni vaji natohwa'e rene núni Natohwa Jesu Keriso oni vaji majama hihuna.

Romani 5:9

Ijihuni hurijino Huni 'aijara núnijihuna'e ariha jihuna'e nú arimaa 'úmana. 'Ene nú Godoni sena ijaho asihuna.

Romani 6:23

Sisei jihuni 'ehijaho kwamasahuna kaivo Godira swara ka'ene mamúhajaho Jesu Keriso ka'ene Natohwi jihuni vaji majama hihuna.

Romani 8:1

'Enajihuna'e ea ka'ene Jesu Keriso oni vaji hijujija niho'o panama'ena.

Romani 8:29

Nitama mwe'a kakaho pavenani veijikano ea ka'ene Huni Harihiji vare'ina rehunijija Hu iji pijihana. 'Enajihuna'e Godoni Harihijaho vwehwaha kajihipuni Poka rehuna.

Piripai 1:6

Na ike unekakaho nimaa rojujihuni maijaho Hu joni vaji kaukara mamaa ka'ene aneja vena kajaho Hu veje marana apene va'u va'o Jesu Kerisora ro'amajino 'e'uhuna.

2 Tesaronia 2:13

'Enakaivo vwehu núna ka'ene Natohwijara ja oja mihukije nú na'ia mapoka jonijihuna'e Godi teimani 'wavura. Ijihuni maijaho nitama anejijino Godira ja maranihuna'e iji pijihana. 'Ene 'Avenijara somahume ja nimaijaho nimaa rojara.

1 Timoti 1:16

Ikehuni hahi na numirivakame nuni vaji ea 'aho'a ka'ene niho'o sisee maijija Jesu Keriso oni masuani ajuarane 'ajiha hinujaho ea ka'ene Hu nimaa rone majama hihuna'e apehunijihi naja'i 'ahaume avanana.

2 Timoti 1:12

Ijihuni hahi na 'u'o ike uneunecha kehi punijihuna'e na sisei hijuta kaivo na pajunimu. Ijihuni maijaho na irá nimaa rojujaho na nihena kavu 'ee na nimaa rojujaho Hu nara raka ka'ene Hu ve'amaro mahujaho hu areri 'ajo'eje va'e vea kajaho apehuna.

Hipuru 7:25

Ijihuni hahi ea irara Jesuni vaji Godoni nini ro'amajaho Jesu areri venae majama marania apena vahuna. Ijihuni maijaho Hu punijihuna'e majama hine pu vahaname puamu vena apene vahuna.

1 Pita 1:5

Godira Huni harurijino 'ajoha'eju'e joni nimairoa vajijino ni'ajihajaho vea túchamaijino samaahirave kahuna'e amairiaramu.

1 Joni 1:2

Majama hihunijaho nú haha pakavara kaivo nú kahuna'e rejume kavara. 'Enajihuna'e nú ikaho ja 'warame 'ee najahu. 'Enare'e ja 'waravu. Ijaho majama Amo ahuma hinana'omo Hu rouma nú kavara.

1 Joni 2:19

Pu nú irechamú'i kaivo va'ajihuni maijaho pu núni pwina pana. Pu núni pwina re'ipisa pu nú pu'úmo hija'a. Vea ka'ene pu nú irechamúa va'ajara najuhujaho pu núni pwina pana.

1 Joni 2:25

Ikaho Hura iraka ka'ene mú'irono nahama 'warumajina majama hihuna.

1 Joni 5:11

Iraka ka'ene 'warumajaho ikena. Godi majama hihuna múhana 'ee ike majama hihunakaho Huni Harihi jihuni vajina.

Juta 1:1

Juta ka'ene Jesu Keriso oni pwea 'ee Jemisi oni 'u'uiji'i ea ka'ene Amo Godira oja mihe 'umenau'e Jesu Keriso ona'e 'ajoha'eju'e hijujihi puna'e veju.

Juta 1:21

'Ene Godira oja múhana vajijino hiji'i núni Natohwa Jesu Kerisora numiruma va'e majama hihuniji 'e'uhuniji 'ajaha hi'avara.

Juta 1:24

'Enajihuna'e Hura areri 'ajoha'eje pa'amaaresume 'ee Hura veje ja Huni hanaji'ini jihuni una'i arira'e teamana'eje namihuna.