Joni 10:27 - Godoni vuʼa maiuʼina

²⁷ Nuni sipia Nuni ira hejura. 'Eju'e Na pu heju'e pu Nuni túna'i 'ararihie ojura.

Joni 10:27 ပူးပေါင်းရင်းမြစ်များ

Matiu 16:24

'Enarena Jesura Huni tisaiporu ijá 'iama Ei pini Nuni túna'i roi ve'amajaho hu huni oja maka'i kaivo huni korosia apene Na 'ararihi'amana.

Matiu 17:5

ni'aha kwino 'imitia hanaji'ina puni hura kajaho sa'eme 'imitia vaja kajino ira roe ijá 'wama Ikaho Nuni Hariha ka'ene Na niho'o ura renia paraju'e oja mahi'inijinakúne ja Huni ira hami he'avara 'iamana.

Matiu 25:12

'Enakaivo hu eha vene ijá 'iama Na nimaa nimaae ja 'waravu. Na niho'o ja pakivura 'iamana.

Matiu 7:23

'Ejakame Na ika'ina samamai pu 'warahuna Na niho'o ja pakivurakúne usema va'aha ea sisea veji'inakije!

Maka 10:21

'Enakaivo Jesu hu kamajaho Hu oja mahe ijá 'wama A unenu'u pina kwino mai'o areri pa'ana. A va'e oni uneunecha mapoka 'eke 'imenareja'e monia ona 'eke ea uneunecha pa'aji vajihakame oni eha maa akúpi 'ahi na'eje roe Na 'ararihi'amana 'wamana.

Maka 8:34

Jesu ea mapoka 'umenaume roe Huni tisaiporu pu'úmo Huni nini ahuma hijumakivi'i Jesu ijá 'iama Ja ea pini Nuni túna'i ro'i ve'amajaho huni ojijihuni urijaho maka'ika'i huni korosi tapane Nuni túna'i 'ararihie ro'ama.

Ruku 13:27

'Ejakame Hu kú'o ijá 'iahune Ja ichí rene ro'ajaho Na suja. 'Enakúne ike sisea veji'inikije usema va'ajiha.

Ruku 9:23

'Enarena Hu pu ijá 'iama Ea irara Nuni túna'i ro'i ve'amajaho hu huni oja makame mwe'a kakino huni uneunecha mapoka maki'i kaivo hu huni korosia apene Nuni túna'i ro'amana.

Joni 10:14

Na sipia 'ajohi'ina mamaa 'ee Na Nuni sipia hena kivu'e pu Na hena kivura.

Joni 10:16

'Ee Nuni sipia 'aho'a ka'ene iki mai'o pahijujaho 'u'o Na aherama roakame pu Nuni ira hehuna. 'Ejakame pu ahuma hije sipia 'ajohi'ina kwinu rehuna.

Joni 10:8

Ea maho'o ka'ene nimaraku roajija nesa apeji'ini jihuna'e sipi puni ira pahejura.

Joni 12:26

Ea irara Nuni kaukara ve'amajaho maka'eje Na 'ararihi'amana. 'E'irakúne kwaa ka'ene Nara hi'ujino hu 'u'o hi'amana. Ea irara Nuni kaukara ve'amajaho Amora huni iha 'unama 'urihuna.

Joni 21:22

Jesu ijá 'wama Na ura eakaho hina apena va'eje Na kú'o rohuna re'ipisa ijaho oni kaukara panakúne Na 'ararihia roa 'wamana.

Joni 5:25

Na nimaa nimai ja 'waravu vea mai'o rou kaivo iviamaa nitu'u renu. 'Ena'omo ea ka'ene kwamasahi'inijija Godoni Harihijihuni ira he'avajaho kú'o 'urihuna.

Joni 8:12

Jesu kú'o ijá 'iama Na mwe'a kehuni hanaji'ina. 'Ena'omo ea irara Na 'ararihi'amajaho hu nututa niho'o areri paohuna. 'Enakaivo hu ira ka'ene majama hihunijaho apehuna 'iamana.

Joni 8:43

Ja rakijihuna'e Nara raka ka'ene 'waravujaho pahejare? Ijihuni maijaho ja Nuni ira pahejura.

Akisi 3:23

Ea irara Poropetia kajihuni ira pahe'amajaho hu emaa puni vaja kajino 'anae pa'arehuna.

1 Koritia 8:3

'Enakaivo ea ka'ene Godi oja mahujaho Hu hu nihena kamuna.

Karesia 4:9

'Enaka'ivo ja iviamaa roe Godi hena kavu'e vu ika'ina'e 'warahuna Godiho ja hena kimu kaivo irakijihuna'e ja kú'o 'unama va'e uneunecha maa pa'ana ka'ene sisei jihipuna'a va'o 'ee ijihipuni pwea kú'o 'unama rehuna ura renao?

2 Timoti 2:19

'Enakaivo Godira iraka ka'ene 'waramajija anesima'uri jihuna'e nija'ina'e nama va'ura. 'Ene ika'ina'e vejara Natohwijaho ea irahipo Hunijija nihena kimuna. 'Ene ea irara Natohwi jihuni ihiji 'ura'amajaho huni siseijija arema para'amana.

Hipuru 3:7

Ijihuni hahi Godoni 'Avena ika'ina 'waramana. Iviasi ja Huni ira he'avajaho

Revaresiani 14:4

Ea kajijahija ea 'ahopo napara pu'úmo ruasaravu ja'ina pu pavejara kaivo pu mota rena hijara. Ea ikehipo Remuijaho 'ararihae ojura. Ea kajijahija Godi kaivo Remui jihipuni 'ina amura ka'ene emaapuni riri 'imene 'ekahajina.

Revaresiani 3:20

Ike heha! Na vwicha jiami namine 'ana'anau. Ea irara Nuni ira hene vwicha tirasa'amajaho Na ijí vaji huni vu'e 'ee Na hu hu'úmo 'iruma ije hu Na hu'úmo ihuna.