Epasasi 6:20 - Godoni vuʼa maiuʼina

²⁰ Ijihuni maijaho na Godi oni iruhoa apene 'waravu jihuna'e na tipurai hijura'omo vea ka'ene ijí 'wara'ujaho na ichá'ina'e 'warahuni ja'ina'e matauma 'warahuna.

Epasasi 6:20 ပူးပေါင်းရင်းမြစ်များ

Akisi 21:33

'Ejumakame ea ni'inijara vu'e iji 'una'i kaivo 'waravume pu seni no'ohe'i 'eke kamome aneja vene hu irane 'ee hu iraka'e venaji apovara.

Akisi 26:29

'Ejume Porura ijá 'wama Ike senia ka'ene nuni haha 'ahi namujina vo Na vea tu'ua 'wara'eju 'uho jora 'wara'ujaho nijina. Na Godi jarivu jihuna'e na ura a'asu pana vo ja ea mapoka ka'ene hina nuni vu'a iviamaa heju kijahija nara rejuja'ina'e ja rehuna 'wamana.

Akisi 28:20

Ijihuni hahi na ja kivi'i vu'a ijí 'wara'iro 'waravume ja iviasakaho roajivara. Isureri opo raka ka'ene túna'i reje kahuna ka'ene vwihaji'i hijujihuni hahi senia ikaho na kamorivara 'iamana.

Akisi 28:31

'Ene hu Godoni arijihuni maiji najahe 'ee Natohwa Jesu Keriso oni vu'a najahuna. 'Eju'ukame ea pina hura vu'aka 'waramujaho pararejura.

Akisi 5:29

Pitaho 'ee apasoru ijipo eha vene ijá 'iava nú Godoni iraru hene vehuna kaivo emaapuni ira pahehuna 'iavara.

2 Koritia 3:12

Nú ijaho nimaa rojujihuna'e nú harura vene kirasahi'i 'waravura.

2 Koritia 5:20

'Enajihuna'e nú Keriso oni iruhoa apene 'waravi'ina areri Godi núni vaji vu'a 'waramu jihuna'e Keriso oni tinia apene jarirame 'waravujaho Godoni napura kú'o re'avara.

Epasasi 3:1

Ikehuni hahi na Poruho ja Jenitarue punijihuna'e Jesu Keriso oni tipurea.

Epasasi 4:1

Na Natohwi jihuni tipura eijara ja jarirame 'waravujaho ja 'unama mamaa ka'ene ja 'umena jihunijino 'uraha oha. Ijihuni maijaho ja Godira 'umenaana.

Epasasi 6:19

'Ene nuni siporua 'onihakame nuni ira nasina re'eje na vu'a maiu'ina kehuni hemijaho paju'i kaivo najahe pu hena ka'avara.

Piripai 1:20

Na ura renia para'eju'e raka ka'ene rehuniji nimaa roji'i hijujaho uneunecha 'aho'a pareje na junihuna. 'Enakaivo na Keriso onijihuna'e paju'ika'i marako vejuja'ina vehuna. 'Ene nuni hia vajakino na mai'o hi'eju ho na kwahuna kaivo na na'ia mapoka'e Kerisoho ta'arohuna.

Piripai 1:7

Na 'unama ika'ina'e ja maho'o vwihaniu jihuni maijaho ja ea kwinu kwino nuni oja vaja joni tinia navu. Ijihuni maijaho na tipurai hijuta ho vu'a maiu'iniji vahame nimaiji rone 'waravujaho ja na ni'ajihara'omo nú ja pu'úmo maiji vwihanúajaho ahuma apeju.

Korasia 4:3

'Ene núni siporua 'u'o 'onu'avara. 'Ejakame Godira ira ikehuni vwicha núna jaraakame nú Keriso oni hemijaho areri 'wara'avara. Na 'u'o ijihuna'e tipurai hiju.

Korasia 4:4

'Ejakame na hemijaho veje samaa'e re'eje nara 'warahuni ja'ina'e 'warauta.

1 Tesaronia 2:2

Ja niheja ja'ina'e nú nimarako Piripai sise'i 'ahúume haha hianumana kaivo nú núni Godijihuni vaji harura ape'ika'i ja Godoni vu'a maiu'ina ijí ninakaraa renana vajijaho 'waravara.

2 Timoti 1:16

Natohwijara Onesiporasiho 'ee huni akana ni'ima'ura numira'amana. Ijihuni maijaho na tipurai hijujaho hu paju'ika'i vu'e kikime 'ee ni'ajihi'i hinana.

2 Timoti 2:9

Ijihuna'e na siseisei ea sisea puna'i tipurai hiju. 'Enakaivo Godoni Irijaho tipura panamu.

Pairimani 1:10

Na nuni hariha Onesimasi ka'ene na tipurai hiji'i nahume Godoni ea renana'omo na hunijihuna'e jarirame a 'waravu.

Pairimani 1:9

Emaa oja mihujihuni hurijihuna'e na a jarirame 'waravu. Na Poru ka'ene iviamaa Jesu Keriso oni tipurea rena hi'eme ema rejujara 'waravu.

1 Joni 3:16

Ike 'unama ikehunakino Hura nú oja múhajaho hena kavu. Ijihuni maijaho Hu Huni hia núnijihuna'e múhana. 'Enajihuna'e nú 'u'o núni hia vwehu núna'e mihuna.

Juta 1:3

Napuhu nuna ka'ene na oja mihi'inakije na 'unama ka'ene nú venume maranúana ka'ene nú apejaji asura vene ja 'wara'irono amairiaravuta. 'Enakaivo na iviamaa asurakaho vene ja jarirame 'waravujaho nimairoa ka'ene Godira Huni ehija mihajaho ja ija kisi 'uname 'ajohuna'e asurakaho veju.