Epasasi 5:20 - Godoni vuʼa maiuʼina

²⁰ Na'ia mapoka núni Natohwa Jesu Keriso oni ihijihuni vaji Godi Omijaho teimani 'wa'avara.

Epasasi 5:20 ပူးပေါင်းရင်းမြစ်များ

Joni 15:16

Ja Na iji papijihara kaivo Nara ja iji pijihuta. 'Ene Na ja irechamiu. 'Enakúne ja va'e 'ina mapoka re'avara. 'Ejakame joni 'ina kajija majama hihuna'e re'avara. 'E'ira'omo ja Nuni ihi 'urahe raka Amo jari'avajaho Hu ja vajihuna.

Akisi 5:41

Pu kanisoru puni una'i are'i kaivo arihe temaraji'i va'ajihuni maijaho pu Jesuni ihijihuna'e ea pu sise'i 'ahie 'ee juha apeja jihuna'e avajara.

Romani 1:8

Na nimaraku ijaho Keriso oni vaji jonijihuna'e núni Godiji teimani 'wavu. Ijihuni maijaho jara nimaa rojuji kwaa ara mapokakaho maho'o ijí 'wama apene oju.

1 Koritia 1:4

Godoni maiji vwihanii'ina ka'ene Jesu Keriso oni vaji ja mihajihuna'e na na'ia mapoka nuni Godijaho jonijihuna'e teimani 'wavura.

1 Koritia 15:24

'E'eje iji'a vea túchamaijaho roa 'e'uhuna. 'Ene vea kajino Hu 'ajohai'ina maho'o 'ee mama'ina 'ee harura maho'o veje parasahuna. 'E'ikaivo ara kwaa ijaho Godi ka'ene Omiji 'unama mahuna.

Epasasi 5:4

'Ene ira sakaha ka'ene siseijaho pa'wame 'ee sipana ka'ene areri parehunijija paasuhuna kaivo Godi teimani 'wahunijiru 'waha.

Piripai 1:3

'Ene na'ia mapoka'e ja vwihaniare'e nuni Godiji teimani 'wavura.

Piripai 4:6

'Enakúne unenu'u 'aho'a pavwihane temuka'avara kaivo ja uné raka ura rena'avajaho siporua 'one ja iraka ura renaujija teamana'eje Godi jarima 'wara'avara.

Korasia 3:17

'Enajihuna'e ja uneunecha iraka'e 'wa'eja ho ve'avajija maho'o Natohwa Jesuni iha 'ahi veha 'ee Huni vaji Godi ka'ene Amoho teimani 'wa'avara!

1 Tesaronia 3:9

Nú ichá'ina'e jonijihuna'e Godi teimani 'wa'eja? Ijihuni maijaho núra temara ka'ene jonuna'i 'ekajihuni hahi nú Godoni una'i jonijihuna'e temarasahura.

1 Tesaronia 5:18

Uneunecha mapoka ka'ene rejujija Godi teimani 'wa'avara. Ijihuni maijaho ijaho Godoni ura ka'ene jara Jesu Keriso oni vaji vehuna'e ura renujina.

2 Tesaronia 1:3

Vwehu núne nú na'ia mapoka'e jonijihuna'e Godi teimani 'wavura. Ijihuni maijaho joni nimaa roijaho niho'o emarena paranu. 'Ene jara oja 'ekaravujaho 'u'o niho'o emarena paranu.

2 Tesaronia 2:13

'Enakaivo vwehu núna ka'ene Natohwijara ja oja mihukije nú na'ia mapoka jonijihuna'e Godi teimani 'wavura. Ijihuni maijaho nitama anejijino Godira ja maranihuna'e iji pijihana. 'Ene 'Avenijara somahume ja nimaijaho nimaa rojara.

Hipuru 13:15

'Enajihuna'e Jesuni vaji núni swara 'ee swasa na'iaka mapokakaho vene Godi ta'arohi'i hina apena vahuna. Núra Godi ta'arohe Huni iha 'unama ahasirivujaho Hu teimani 'wavuri 'inijara núni irititi usemujina.

1 Pita 2:5

Ja 'u'o areri muna ka'ene mai'u hiji'ina ka'ene 'eke 'Avena huni ara vejara ka'ene ariramaa rejuri pirisitijihina. 'Ena'omo 'avena huni swasa ka'ene Godi teamamu ja'ina'e Jesu Keriso oni vaji swasa vejura.

1 Pita 4:11

Ea irara vu'a 'wara'amajaho maka'eje hu Godira 'waramu ja'ina'e 'wara'amana 'ee ea irara ea 'aho'a ni'aji'amajaho Godira harura ka'ene mahajino ni'aji'amana. 'Ejakame uneunecha mapoka vajakino Godiho Jesu Keriso oni vaji ta'arohuna. Ijihuni maijaho pinana 'ee uneunecha mapoka Huni harura hari aneja púsa pa'ana'e navu. Ameni.