Epasasi 5:15 - Godoni vuʼa maiuʼina

¹⁵ Ijihuni hahi jara 'uraha ojujaho hami vwihane paraji'i ea ka'ene hami pavwihaji'inapo ojuja'ina pana kaivo hami vwihaji'inapo ojuja'ina'e o'avara.

Epasasi 5:15 ပူးပေါင်းရင်းမြစ်များ

Matiu 10:16

'Enakúne hami heha. Na ja irechamiujaho areri sipia'e 'ua ne'a puni vaji irechamiu ja'ina'e irechamiu. 'Ene ja raka ve'iro ve'avajaho maraku'a vwihana areri taparapo vejuja'ina'e ve'avara. 'Enakúne ja marahu'orapo ajuarasaha ojuja'ina'e o'avara.

Matiu 25:2

'Asúra iropu niho'o vwiha pa'ane 'ee iropu vwiha arira vwihaji'ina.

Matiu 27:24

'Ejumakame Pairatira kimajaho pu puni vwiha ijaho ani'ina pavwihajara vo nikwinu'wi vwihaji'i 'ara'iro vejuma kimarena hu toi 'ene apene puni una'i ija sovi'i ijá 'iama Ea kakaho niho'o sisea ma'uaku'wi pavenana'omo ja Hu 'ana'avajaho Huni 'aa ijaho nuni ahija panakúne ja ojono kaha 'iamana.

Matiu 27:4

'Ene ijá 'iama Na niho'o Ea kajaho 'aa sisea pa'amaa'e na Hu nahamahuta 'iamana. 'Ejume pu hu ijá 'wava Ijaho núni rake? A'asu ijaho kama 'wavara.

Matiu 8:4

'Enakaivo va'e oni haha Pirisiti nahe 'ee Mosisira nitama najaha ja'ina'e swasa veje ea mapoka oni reporosia pa'arenajaho hena ka'avara 'wamana.

Ruku 24:25

'Ejume Hu pu ijá 'iama Ea ka'ene niho'o pavwihaji'inakije uneunecha mapoka ka'ene poropetiepo 'waravajaho ja marako'a panimaa rojara.

1 Koritia 14:20

Vwehu nune sesamaa puna'i pavwiha'avara. Musiapo sisea pavwihaju ja'ina'e vwiha'avara. 'Enakaivo joni vwiha ijija emakinepo vwihaju ja'ina'e vwiha'avara.

Karesia 3:1

Karesia ora ka'ene vwiha pa'akije ea irara ja pisimiane? Jesu Keriso korosia 'ahi 'anaajaho na eriri joni una'a panajahume samaa'e parenane?

Karesia 3:3

Ja vwiha pa'ane ja Godoni 'Avena vajijino marani'amarono aneja ka'ene vejajaho are'ika'i ja ivi'a hahijihuni ura ijino veje mara'amarono vejo?

Epasasi 5:2

'Ene Kerisora ja oja mihaja'ina'e oja 'ekaravi'i o'avara. 'Ene Hu Huhusu nú múharena areri swara vene swasa Godona'e amua 'u'amarono venana.

Epasasi 5:33

'Enavo veje ea kwinu kwino joni vaji hijujija naparaha oja ma'amana. Areri hura huni haha oja mahuja'ina'e. 'Ene veje naparaha paruahoni hura venahi'ina'e re'amana.

Piripai 1:27

'Enakaivo joni kara 'unama mamaa ira maiu'ina ka'ene Jesu Keriso rone 'waramu ja'ina'e heha. 'E'irakúne na vu'e ja ki'eju ho na arema hi'ujaho nara hehuna'e ura reniujaho ja kisina'e namine oja 'ee vwiha kwisu rene ahume vu'a maiu'ina ka'ene nimaa roijihuna'e harura pina veju.

Korasia 1:9

Ijihuni hahi nú 'u'o vea ka'ene ijí hejaji rene ojuta pahwe'i hine joni siporua 'ona 'waravakame joni henaka vaja areri rene 'ee Huni ura ijaho hene 'ee 'avena huni vwiha maho'o hena kama parahuna.

Korasia 4:5

'Ene ea ka'ene samai hiju jihipuna vwiha mamaiji vwihaji'i ja iraka ka'ene ve'avajija hami ve'avara. 'Ene vea mamaa ape'avajaho vea kajaho hami ape'avara.

1 Tesaronia 5:15

Ja paki'eje ea 'ahopo ja sise'i 'ahiakame ja eha vene pununa'i sisea ve'ava. 'Enakaivo na'ia mapoka 'unama ka'ene vejakame ea kwinu kwino maranie 'ee ea maho'o 'u'o maranihunijiru sarame ve'avara.

1 Timoti 6:9

'Ene ea ka'ene kukua rukina rehuna ura renaujija ijipo venau'e sisea ani ani'ina vaji arihe 'ee itunavujara venau'e majikari haha hianame 'ee junahuni 'unama ka'ene pua'e pivahinamie pa'arehuna rejura.

Hipuru 12:25

Godi ka'ene ja 'waramu jihuni ira hena ve'avara. Isureri ora pu Mosisi oni ira hene pavejajaho eha sisea apejara. Mosisi Hu mwe'a ke'ura vo nú akúpa huni Godiji túchaha'avajaho ja vwihajujaho nú eha paapehuna.

Jemisi 3:13

'Ú ea irara joni vajakaho vwiha hami vwihaji'ine 'ee hena kama paraji'ine? Maka'eje hu huni kara mamaijino vene masuani vwiha mamaijino najahama.

1 Pita 1:22

Ja nimai ijihuni ira hena vejume joni oja maa renajihuna'e nimaa nimaa vwehu jona oja mi'avara. 'Ene oja vamaa kami rene roe oja 'ekara'avara.

Revaresiani 19:10

'Ejume na huni una'i one oja ma'i ve'eme hu ika'ina 'warimana. A paka'eje ija'ina'e ve'ama. Na 'u'o pwea areri a 'ee oni vwehija ka'ene Jesu rona 'waravi'inijihipu vare'ina. 'Enakúne Godiru oja ma'amana. Poropesi jihuni maijaho Jesuni vu'a ka'ene samaumai najahujina 'wimana.