Epasasi 3:10 - Godoni vuʼa maiuʼina

¹⁰ 'Ejakame Godoni vwiha mamaa mapokijija iviamaa veje sosi vaja 'ee 'ajohai'ina 'ee mama'ina ka'ene ichutoi hijujihi puni una'a samaa rehuna.

Epasasi 3:10 ပူးပေါင်းရင်းမြစ်များ

Romani 11:33

Godira ichá'ina ka'ene hena kama vwihanunaka ni'ima'uraka mavarasa'inijaho nú areri niho'o pahena pakavu. Hura 'unama ichá'ina'e uneunecha 'aho'a ve'iro 'ahaujaho nú niho'o pahena pakavura 'ee raka ka'ene Hura vehuna vwihanujaho nú areri pahena pakahuna.

Romani 8:38

'Enajihuna'e na niho'o nimaa rona parajujaho kwamasahuni jarana ho mai'o hijujarana ho 'ona oji'ina puna ho 'avena sisea puni harura puna ho unenu'u pina iviamaa navuji puna ho unenu'u pina túna'i mai'o rehuniji puna ho harura 'aho'a puna ho

1 Koritia 1:24

'Ene Jua 'ee Kuriki ka'ene 'umenajija Kerisoho Godoni harura 'ee Godoni vwiha mamaa aririjina.

1 Koritia 2:7

'Enakaivo nú Godoni vwiha mamaa hema ka'ene maku'ijaho renamiume navajija mwe'akaho mai'o pareji'ini núa'e maranúhuni jihuna'e niamairiume navara.

Epasasi 1:21

Iviamai ikehuni vea ikeru pana kaivo túna'a 'u'o 'ajohai'ina mama'ina harura 'ee harura maho'o 'ee iha icha'ina ka'ene ja 'urihujaho asitaha parane huri hinana.

Epasasi 1:23

'Ene sosijaho Huni haha ka'ene Hu ijihuni vaji maho'o areri rena paranujina 'ee Hu uneunecha maho'o areri rena paranu.

Epasasi 1:3

Núni Natohwa Jesu Keriso oni Godi 'ee Omiji ta'aroha. Hura 'Avena Huni merajihi'ina ka'ene akúpi 'ahi navujija Keriso oni vaji maho'o merajúha paranana.

Epasasi 1:8

'Ene Hura Huni maiji vwihanii'ina ka'ene itu'ona namuna vajijino vwiha mamaa maho'one 'ee henaka maho'o 'usesamúhana.

Epasasi 6:12

Ijihuni maijaho nú ea haha rukina 'ee 'aa rukina pu'úmo nana pa'eju. 'Enakaivo 'ajoha'ina 'ee harura 'ee harura nutuvi'ina ka'ene iki mwe'i hijura 'ee 'avena sisesa ka'ene ichutoi hijujihi pu'úmo nana'eju.

Korasia 1:16

Ijihuni maijaho uneunecha kivura ho pakivujaho maho'o mwe'a 'ee akúpa 'ahi navujaho Hura venana. 'Ene Hura kiniepo 'ajoahuri ara kwaa 'ee 'ajohai'ina 'ee Huni harura hari hijujija irechamie 'ee uneunecha maho'o kija Hura venarena Huna'e venana.

Korasia 2:10

'Ene Huni vaji ja maho'o ni areri renaana. 'Ene Hu ea maho'o 'ajohai'ine 'ee harura mapokijihi puni húmata.

Korasia 2:15

Hura 'ajoha'ina 'ee harura mama'ina sisesa ijija Huni vaji korosia 'ahi eriri samaumai túa vetie venaume harura pa'arenaana.

1 Timoti 3:16

Ike aposarahuna pana vo ikaho núni nimaa roijihuni hemaka ni'inijina. Hu roe haha apejume kavara. 'Ejume Godoni 'Avenijara Hu arimaa 'wamajaho 'ona oji'inapo Hu kavara. 'Ene kwaa ara mapokakaho 'waravume hejara. Hu mwe'a ikino nimaa rojara 'ee Hu apene akúpa 'ahi hanaji'ina vaji va'ana.

1 Pita 1:12

Pu najahume kavajija pu pupusu pani'ajaravara. 'Enakaivo ja ni'ajihe ike uné raka ka'ene rejajija ea ka'ene vu'a maa maiu'ina 'waravi'inijipo Godoni 'Avena ka'ene akúpi 'ahi ranavume roajihuni vaji uneunecha ka'ene 'ona oji'inapo he'irono ura renaujija 'waravara.

1 Pita 3:22

Hu akúpa 'ahi ni va'ana'omo iviamaa Godoni ija mana'inija'i hi'eju'e 'ona oji'ina 'ee mama'ina 'ee harura Huni hararu hiju.