Epasasi 1:17 - Godoni vuʼa maiuʼina

¹⁷ 'Ejakame núni Natohwa Jesu Keriso oni Godi 'ee Oma ka'ene pinana rukinijara vwiha ka'ene vwiha mamaa vwihane 'ee jonuna'a veje samaumaa rene 'ee Hu hena kahunijaho samaumaa rehuna.

Epasasi 1:17 ပူးပေါင်းရင်းမြစ်များ

Matiu 11:25

'E'ikaivo ijihuni vea kajino Jesura eha vene ijá 'wama Amo ka'ene akúpa mwe'a ijihuni Natohwiji'o Na teimani 'wavujihuni maijaho Ara uneunechakija ea ka'ene vwiha mamaa vwihaji'inijija 'ee hena kavi'ini jihipuni una'a pavejume samaa renana kaivo kasimaaru najahana.

Matiu 11:27

'Enakaivo uneunecha mapokijija Amora Nuni ija tahi irechamana. Ijihuna'e eaka mapokijija Godoni Harihijaho hami pakama pahejura kaivo Amora huhusu hami hena kamuna. 'Eju'e eaka mapokijija Amoho hami pakama pahejura kaivo Hariahi huhusu hami hena kamuna. 'Enakaivo Hariahi ea irá ura renajiru Omaha'e nahume hu 'u'o Omaha hena kamuna 'wamana.

Matiu 16:17

'Ejume Jesura eha vene ijá 'wama Saimani ka'ene Pajona oni hariha karera nimerajahajaho aana. Ijihuni maijaho emaa haha 'ee 'aa rukini jipuhipo a panajahara kaivo Nuni Oma ka'ene akúpi 'ahi hinujara a najahana.

Matiu 20:33

'Ejume pura ijá 'wava Natohwe nú ura Ara nuni nia venuhe niri'irono 'waravu 'wavara.

Ruku 12:12

Ijihuni maijaho ijí vea muka kajino iraka ka'ene jara 'warahunijaho Godoni 'Avenijara naja'eje 'warahuna 'iamana.

Ruku 2:14

Pu javaa ika'ina vejara Godi ka'ene niho'o Ichuto Maiji huni pinana 'urinu. 'Ene ea ka'ene Godira iki mwe'i kime teamanamujihi matauvi'inijaho mihu 'wame ta'arohara.

Ruku 21:15

Ijihuni maijaho Nara vu'a ka'ene ara 'warahuna vajahakame oni naka ara vu'a ka'ene 'wara'amajaho hene pu areri patanu'urahe 'ee pu niho'o unenu'u pina areri pa'warahuna.

Joni 14:17

Godoni 'Avena ka'ene nimaa nimaijaho mwe'akaho Hu niho'o paapehuna. Ijihuni maijaho mwe'akaho Godi pahene pakavu jihuna'e paapehuna. 'Enakaivo Hu ja pu'úmo joni oja vaji hinujihuna'e ja Hu niheju.

Joni 14:26

'Enakaivo joni Ni'ajihi'inaka Godoni 'Avenijaho Amora ranave Nuni iha 'ahi ro'amajara uneunecha mapoka najahune 'ee Hura Nara 'waravujaho veje ja vwihahuna.

Joni 16:3

Pu Amo pahena kame Na pahena pakivu jihuna'e pu ja ijá 'ahihuna.

Joni 17:3

Ikaho majama hihunijina. Pu A Godi ka'ene nikwinu'wi nimaa nimaiji hena kame 'ee Jesu Keriso ka'ene Ara ranavume roaji hena kahuna.

Joni 20:17

Jesu ijá 'wama A Na pa'uniri'amana. Ijihuni maijaho Na mai'o Amo oni pavai'inakúne a va'e vwehu Nuna 'wara'amana. Na Nuni Oma 'ee joni Oma Nuni Godi 'ee joni Godi ijihuni va'u 'i'ama 'wamana.

Akisi 6:10

Godoni 'Aveni vejume Sitiviniho 'waramana. 'Ejume huni vwiha mamaa ka'ene hura oja 'aveniji'i 'waramajaho pu areri rarena 'warahuna areri parejara.

Akisi 7:2

'Ejume hu ijá 'iama Heha! Vwehu nuna 'ee emahu nunakije ja nuni irake hami heha. Nitama Eparahami ka'ene núni omijaho mai'o Herani pava'ika'i Mesopotemia hinajiri Godi ka'ene hanaji'inijaho huni roana.

Romani 1:28

Pu Godi hena kahuna areri parejumakame Godira pu ruha aremahume vwiha sisearu vwihane 'ee uneunecha ka'ene areri parehuniji vejura.

Romani 15:6

'Enajihuna'e ja ea mapokakija vwiha 'ee ira ni'aha kwinu Godi Amo ka'ene Jesu Keriso núni Natohwi jihuni Omiji ta'aro'avara.

1 Koritia 12:8

Ijihuna'e Hu ea pina 'Avena vajijino vu'a ka'ene vwiha mavarasa'iniji vajahuna. 'Ene vu ea pina vu'a ka'ene henaka ijí 'Avena nikwisu'ina kajara vajahuna.

1 Koritia 14:6

'Enakaivo vwehu nune na iviamaa roe ira ani ani'ini 'wara'ujaho na ichá'ina ja ni'aji'ejo? Na areri 'unama ka'ene veje samaumaa re'eje 'wara'ujiana 'ee henaka vajijino 'wara'ujiana 'ee poropetia puni iri 'warame naja'ujiana 'ee naja'uji'a ijara samaa'e rehuna.

1 Koritia 2:10

'Ene núnijihuna'e Godira Huni 'Aveni jihuni vaji vejume roe samahiramana. Ijihuni maijaho Godoni 'Avenijara uneunecha mapokakija maho'o tinuna 'ee Hu Godoni hema ka'ene Huni vamai navujija 'u'o tinuna.

1 Koritia 2:8

Ike vwiha mamaakaho mwe'a ikehuni 'ajoha'ina pini hena kahuna pana. 'Enakaivo pu hena kahuna'e re'ipisa pu Natohwa ka'ene pinana rukinijaho korosi 'aha pa'anaa'a.

2 Koritia 12:1

'Ene ta'arosaravujaho nijina kaivo ijaho ea mai'o pani'ajihuna. 'Enajihuna'e na iviamaa visonia 'ee Natohu ijara raka ka'ene veju'e samaa'e rejujihi 'waravuma.

Epasasi 1:3

Núni Natohwa Jesu Keriso oni Godi 'ee Omiji ta'aroha. Hura 'Avena Huni merajihi'ina ka'ene akúpi 'ahi navujija Keriso oni vaji maho'o merajúha paranana.

Epasasi 3:5

'Ene ijaho emaa puni harihija 'ee amuhija 'aho'a ka'ene nimarako hijajija panajahana. 'Enakaivo iviamaa Huni apasorua ka'ene akuavi'ina 'ee poropetia ka'ene 'Avena vaji hiji'ini jihipuna'i vejume samaumaa renana.

Epasasi 4:13

'Ene pura najuhe ajima va'eje núni nimaa roijaho nikwinu rena paraje 'ee Godoni Harihiji hena kavujaho roe emarena parahuna. 'Ene areri Kerisora emarenani manuri ja'ina'e rehuna.

Piripai 3:15

Ja ea mapoka'e ni emaina'e rejajihuna'e roe ja pu'úmo vwiha ikehuna kino vwiha'avara. 'Ene unenu'u 'ahopuni jihuna'e ja vwiha ani ani vwiha'avajaho Godira ijija 'u'o veje jonuna'a samaa'e rehuna.

2 Timoti 2:25

Ea ka'ene ninakaravi'inijija hami kivi'i ni'ajihakame Godira veje ta'arohe roe nimaijaho hena ka'avara.

Taitasi 1:1

Na Poru Godoni pwea 'ee Jesu Keriso oni apasorua. 'Ene ea ka'ene Godira iji pijiha jihipuni nimaaroa 'ee nimaiji henakame ariramaa hihuna najahu.

Jemisi 2:1

Vwehu nuna ja paki'eje núni Natohwa Jesu Keriso ka'ene mavarasa'iniji nimaa roji'ina 'wa'ika'i ea kwinu kwino ura rena'ina'e re'ava.

2 Pita 1:3

'Ene Huni harura mamaa ka'ene núra hihuna 'ee arira ohuna maho'o vajúhana. Núra Huni nimaa hena kavari vajijino Hura Huni pinana 'ee mamaa vajijino nú 'umenúana.

2 Pita 3:18

'Enakaivo núni Natohwa 'ee Ni'ajúhi'ina Jesu Keriso oni maiji vwihani'ina 'ee henaka vajijino emare'avara. 'Ene iviamaakino rene va'e majama aneja púsa pa'ana 'ee pinana maijaho Huna. Ameni.

Revaresiani 7:12

Nimaa! Merajihi'ina ta'arohi'ina henaka nimaijina temaravi'ina iha ta'arohi'ina harura 'ee ajira ijaho majamano núni Godijihuna. Ameni! 'wavara.