Akisi 5:31 - Godoni vuʼa maiuʼina

³¹ 'Enarena Hu Godira 'unama apene Huni ija mana'inija'i ranavu'e Natohwa rene ni'ajihi'ina'e renana'omo Isureri ora puni sisea ta'arohe aremamaa are'avajaho Hu vwihania arehuna.

Akisi 5:31 ပူးပေါင်းရင်းမြစ်များ

Matiu 1:21

'Ena'omo hu naheja kamareje ara Huni ihijaho 'imareje Jesuna 'wa'amana kaivo Hura ehwahaka mapokijihi puni siseijaho ni'ajihe pa'arehuna 'wamana.

Matiu 28:18

'Ejumakame Jesura puni roarena Hu pu ijá 'iama Harura ka'ene mwe'akaki namuna 'ee kahi akúpi 'ahi namuna ijaho ni'aha kwinu Na mihana.

Maka 2:10

'Enakaivo Ema Puni Harihijaho iki mwe'i emaapuni sisea vwihania arehuni harura apenana.

Maka 4:12

Ijihuna'e pu ka'avajaho pu kahuna kaivo pu maa pavwihajura. Hehunijaho pu hejura kaivo ijihuni maijaho pahejura. Pu ijihuni maiji he'ipisa Godi pu vwihanie areva'a 'iamana.

Ruku 2:11

Ike iviasi na'iakino Teviti oni ara natohwijino joni Ni'ajihi'ina nahejara. Hu Keriso ka'ene Natohwijina.

Ruku 24:47

'Ene Huni iha 'ahiji Jerusaremi rene va'e eaka mapoka ka'ene kwaaka mapokakino hijujija najahe pu puni sisea vwihane temukave aremamaa arevakame Godira puni sisea vwihanie arehuna.

Joni 4:42

'Ejume pu napara kají ijá 'wava Ara raka ka'ene 'warumajaho pana kaivo nú nimaa rojujihuni maijaho nú onúno Hura raka ka'ene 'warumaji hejajihuna'e nimaa roju. Nú nihejujaho Hu nimaa eaka mapokakihi Ni'ajihunijina 'wavara.

Akisi 11:18

Pu vu'a kaji henareja pu iruno'a are'i kaivo mataume Godi ta'arohi'i ijá 'wava Oo nijina Godira vejume Jenitaru 'u'o puni sisea are'i kaivo taarohe majama hihuna apehuna.

Akisi 13:23

Ninahama 'warama ja'ina'e ea ikehuni amuja vaji Godira Isureri opuni ni'ajihi'ina Jesuho mihana.

Akisi 2:33

Godira vejume Hu Godoni ija mana'inija'i hinu. 'Eju'ukame Amora Huni 'Avena ka'ene nahama 'waramaji Hu mihu'ukame jara raka ka'ene iviamaa hena kavujaho Hura Huni 'Avena kaji usesamaana.

Akisi 2:36

Ijihuna'e 'warave ea mapoka ka'ene Isureri hijujaho niho'o hami hami he para'avara. Godira Jesu vejume Natohwa rene 'ee Keriso renana ka'ene jara icha 'ahi 'anaajina 'iamana.

Akisi 2:38

Joni sisea vwihane aremamaa are'i kaivo ta'arohe Jesu Keriso oni iha 'ahijino toi sama'e joni sisea pa'are'amana. 'E'eje ja swara ka'ene Godoni 'Aveniji apeha.

Akisi 3:15

'Ejume ja Ea ka'ene majama hihuni anesurijaho 'anaara. 'Enakaivo Godira vejume kú'o 'urinaji kavara'omo nú ijí rone nimaa 'waravu.

Akisi 3:19

Joni sisea are mamaa'e are'i kaivo ta'arohe roha. 'Eje Godira joni sisea 'eke ato'arumama. 'Ejakame Natohwi jihuni una'i vea ka'ene joni oja sonahunijaho rena roama.

Akisi 3:26

'Enajihuna'e Godira Huni pwea vejume 'urine amura joni roana'omo merajihakame ea mapoka joni 'unama siseijaho ta'arohe aré ranahuna.

Akisi 4:11

Hu muna ka'ene ja ea ka'ene ara veji'inijipo ura parenajina kaivo ijaho muna ahisima'ura ka'ene ara 'unanahuniji rena naminu 'wamana.

2 Koritia 2:10

'Ene ja ea irá uné raka huna'e vwihane are'avajaho na 'u'o pu vwihanie arehuna. Na nimaa'e vwihanie arevu jihuni maijaho na nimaa joni hahijihuna'e Keriso oni una'i avajuta.

Epasasi 1:7

'Ene Hura ori Huni 'aa vajijino ni'ajúhe kú'o 'ekuana. Huni maiji vwihanii'ina ka'ene itu'o'una namuna vajijino núni sisea vwihanúe aremana.

Piripai 3:20

'Enakaivo nú akúpa huni ehija'omo núni Ni'ajúhi'ina ka'ene Natohwa Jesu Kerisora ijí rene rohuniji nú teamanu'eju'e 'ajaha hiju.

Korasia 1:14

'Ene Huni vaji nú kú'o 'imenue 'ekuana 'ee Huni vaji sisea vwihane arevume pa'arenana.

Taitasi 1:4

Taitasi nuni hariha nimaa ka'ene núni nimaaroa nikwinu'ini jihuna'e veju. 'Ene maiji vwihanúana 'ee matauvi'ina ka'ene Godi Amoho 'ee Jesu Keriso ka'ene núni Ni'ajúhi'inijaho a hu'úmuna.

Taitasi 2:10

'Enakaivo pu puni mama'ini jihipuni uneunecha ma'u'umaa nesa pa'ekakame pu nimaa vetihuna. 'Ejakame Godi ka'ene núni Ni'ajúhi'ini jihuni irijaho richama para'amana.

Taitasi 2:13

'Ena'omo nú vea ka'ene Hura rohuni vea mamaa kaji 'ajaha hine 'ee núni Godia ka'ene ni'ima'urijaho 'ee núni Ni'ajúhi'ina Jesu Kerisora eajarame roa arihuniji 'ajaha hiju.

Hipuru 12:2

Jesu ka'ene núni nimairoa anejijine 'ee aneja rena va'e uri usehunijina. 'Enajihuna'e núni nia Hu kavi'i vahuna. Hu korosi 'ahi ahija apeji'i jumana vo ijí Hu juma kajaho semana. Hu ija'ina venajihuni maijaho Hu túna'i teamahuniji apehuni jihuna'e avanana. 'Ena'omo Hu iviamaa akúpi 'ahi Godoni toronu ija mana'inija'i asuma hinu.

Hipuru 2:10

Godira uneunecha mapokakaho Hunijihuna'e venana'omo Hu areri Huni harihija mapokijihi puni pinana veje 'urihuna. Ijihuni maijaho Hura ahija ka'ene apena jihuna'e pu maraniajaho nimaa nimaa renana.

1 Pita 3:22

Hu akúpa 'ahi ni va'ana'omo iviamaa Godoni ija mana'inija'i hi'eju'e 'ona oji'ina 'ee mama'ina 'ee harura Huni hararu hiju.

2 Pita 1:1

Na Saimani Pita ka'ene Jesu Keriso oni pwea 'ee apasorui ea ka'ene puni nimairoa nikwisu'ina 'ee núni Godi 'ee ni'ajúhi'ina Jesu Keriso oni arira maijihuni vaji núra apejaja'ina'e apejajihi puna'e veju.

2 Pita 1:11

Ijihuni maijaho 'unama ikehunikino ara majama nahuna ka'ene núni Natohwa Ni'ajúhi'ina Jesu Keriso oni vahuna maho'o ja mihuna.

2 Pita 2:20

'Enajihuna'e ea ka'ene núni Natohwa Ni'ajúhi'ina Jesu Keriso hena kamareja mwe'a kehuni sisea vajijino juhaha usevajipo kú'o va'e sisea kajino jasarame 'ee ijipo rosamie parajujaho puni hia ka'ene ni marako hijaja'ina pana kaivo niho'o sisemaa'e hijura.

2 Pita 3:18

'Enakaivo núni Natohwa 'ee Ni'ajúhi'ina Jesu Keriso oni maiji vwihani'ina 'ee henaka vajijino emare'avara. 'Ene iviamaakino rene va'e majama aneja púsa pa'ana 'ee pinana maijaho Huna. Ameni.

1 Joni 4:14

Amora Huni Hariha ranavume mwe'a kehuni Ni'ajihi'ina'e re'i roajaho nú núni nii kavaji ea 'waravara.

Juta 1:25

Núni Godi nikwinu ka'ene núa venume maranúaji ta'aroha. 'Ene Jesu Keriso ka'ene núni Natohwi jihuni vaji ta'aroha. Hanaji'ina Harura Ni'ina 'Ajohai'ina Ajira Rukina ijija Huna. Hu nitama rene majama ija'ina. Ameni.

Revaresiani 1:5

Jesu Keriso ka'ene nú maiji vwihanúe oja soni samuhajara vu'akaho 'warumu. Eaka mapoka ka'ene kwamasahi'inijipo kú'o 'urihuni amurijaho Jesura 'urinana. Hu mwe'a kakehuni ea mama'ini jihipuni 'Ajoahi'ina. Nú Jesu ta'arohu jihuni maijaho Hu nú oja múhe Huni 'aiji núni sisea somuhana.