Akisi 28:23 - Godoni vuʼa maiuʼina

²³ 'E'ikaivo vea ka'ene vu'a kaji 'wahunijaho iji pijahara'omo vea kaji apejumakavi'i ea mapoka nianae apena roe sea ka'ene hura hinaji roara. Hu Godoni arijihuni maiji najahe 'ee Mosisi oni tamana tahe najahe 'ee poropetia puni vu'a taha vejakame pu Jesu nimaa ro'avarono 'warama avanana. Hu vea sú'u sú'u rene vu'a 'warama va'e vea nutu 'o'unaji aremana.

Akisi 28:23 ပူးပေါင်းရင်းမြစ်များ

Maka 4:34

Hu ea haaru 'waramuna kaivo tisaiporuhwa pu'úmo hine haa kajihuni maijaho najahuna.

Ruku 24:44

'Enarena Hu pu ijá 'iama Uneunecha ikehija Na ja pu'úmo hijujino 'waravuta. Uneunecha ka'ene Mosisiho poropetiapo 'ee Samusi vaji Na rona 'waravajara nimaa iviamaa renu 'iamana.

Joni 4:34

Jesu ijá 'iama Nuni 'irumijaho Godi ka'ene Na ranamiume roujihuni uriji vene 'ee Huni kaukara ijí veje parahuna.

Akisi 1:3

'Ene Hu kwama 'urinarena na'ia mapoka (40) Huni haha 'ahi ichá'ina renaji pu najahana. Hu nimaa 'urinana ro'avarorena 'unama ani ani veji'i Godoni ariji rona najaha 'waramana.

Akisi 18:28

Hu ea mapoka kajihi puni una'i Jua ninama'e Godoni irijino najahi'i ijá 'iama Jesuho Kerisona 'iamana.

Akisi 18:4

'Enare'e Sapati vea mapoka kajija hu va'e Sinakoku vaji Jua 'ee Kuriki epo hununa'i ro'avarono 'waramana.

Akisi 19:8

'E'eme hu va'e Sinakoku vaji Godoni vu'a hine paju'ika'i naja'eme masapa no'opisu pa'arenana. Hu venae pu Godoni ariji nimaa ro'avarono hu pu pu'úmo hine pira'aramana.

Akisi 23:11

Ijihuni na'ia kajino Natohwijara roe huni rori nami'i kaivo ijá 'wama Paju'amana kaivo a ichá'ina'e rone a iki Jerusaremi 'warama ja'ina'e Romu 'u'o 'wara'amana 'wamana.

Akisi 24:14

'Enakaivo na ura vu'a kwinu a 'wara'i veju. 'Unama ka'ene ea mapoka nimaa rojujihunijaho pu sisea nimarako a 'warava kaji na a 'wara'i veju. 'Enareja emahu nupo Godi ka'ene nimaa rojuji na oja mahuta. 'Ene vu'a ka'ene tamana vaji navujija na nimaa rojura. 'Ene vu'a ka'ene poropetiepo vejajija 'u'o nimaa rojura.

Akisi 26:6

Godira emahu nuna'e nahama 'waramajara roe nimaa rehuni jihuniji kavi'i hijujihuna'e iviamaa 'otua vaji namiju.

Akisi 28:31

'Ene hu Godoni arijihuni maiji najahe 'ee Natohwa Jesu Keriso oni vu'a najahuna. 'Eju'ukame ea pina hura vu'aka 'waramujaho pararejura.

Akisi 8:35

'Ejume Piripuho Godoni vu'aka taha kaji aneja veji'i Jesu rona 'waramana.

Pairimani 1:2

'Ee Apia ka'ene núni ma'inijaho 'ee Achipasi sorutia ka'ene núni napurijaho 'ee oni sea vaji sosijihi puna'e veju.

Pairimani 1:22

'Ene ija'ina'e veji'i nuni tinia amairi'amana. 'Ejakame Godira oni siporua eha veje na vu'e a kauta.