Akisi 26:22 - Godoni vuʼa maiuʼina

²² 'Eju'e Godira ni'ajiha apene rou va'o roe iviamaa 'e'unukena. Ijihuna'e Godira ni'ajihukame na iviamaa ikino ea ma'u'umae 'ee ea mama'ina puni nii 'ahi vu'a 'waravu. Ijí nara 'waravu kajaho ea ka'ene poropetia 'ee Mosisi pu'úmo raka ka'ene rehuna'e 'waravaji na rone 'waravuta.

Akisi 26:22 ပူးပေါင်းရင်းမြစ်များ

Matiu 26:24

Ijí Emaa Puni Hariha kajaho areri nitama Godoni Ira vaji Hua'e rone 'warama ja'ina'e vahuna kaivo ea ka'ene ijí Hu nahama ea 'aho'a 'waramajaho vi eha niho'o sisea ape'ena. Maijaho ike ea ka'ene Emaa Puni Hariha nahamahuna kajaho panahe'ipisa mamaa'e veja'a 'iamana.

Ruku 24:27

'Enarena Mosisi oni aneja rene roe poropetia maho'o puni vaji Godoni irijara Hua'e rone 'waramaji maho'o najahana.

Ruku 24:44

'Enarena Hu pu ijá 'iama Uneunecha ikehija Na ja pu'úmo hijujino 'waravuta. Uneunecha ka'ene Mosisiho poropetiapo 'ee Samusi vaji Na rona 'waravajara nimaa iviamaa renu 'iamana.

Ruku 24:46

'Ejume Hu pu ijá 'iama Ikaho iraka ka'ene Godoni ira vaji vejajina Keriso sise'i 'ahae 'anae kwamareja na'ia no'opiso pa'are'eje kú'o 'urihuna.

Joni 1:17

Varapa tamana Mosisi oni vajijino múhana kaivo maiji vwihanúe 'ee nimaijaho Jesu Keriso oni vaji rena roara.

Joni 1:45

Piripura Nataneru piunama ijá 'wama Mosisiho 'ee poropetiepo nitama heha 'ahi vejajaho nú nipiunavara. Ijaho Jesu Nasareti ora ka'ene Josapi oni Harihijina 'wamana.

Joni 5:39

Ja Godoni Ira tahe saravu jihuni maijaho ja vwihajujaho ijihuni vaji majama hihunijaho ape'eja roju. 'Enakaivo ijí ira kajaho Naa'e rone 'waramuna.

Joni 5:46

'Enakaivo ja Mosisi nimaa ro'ipisa ja Na 'u'o nimaa roja'a. Ijihuni maijaho hu Na rone heha 'ahi vena najahana.

Akisi 10:43

Poropetia maho'o Hu rone 'waramareja ijá 'iava Ea irahipo nimaa ro'avajaho puni sisea Huni iha vajijino vwihanie areve parahuna 'iamana.

Akisi 13:29

'Enareja Hu rone 'waravaji pu Hu korosi 'ahi namajaho apene arihe va'e muna ari ranavara.

Akisi 24:14

'Enakaivo na ura vu'a kwinu a 'wara'i veju. 'Unama ka'ene ea mapoka nimaa rojujihunijaho pu sisea nimarako a 'warava kaji na a 'wara'i veju. 'Enareja emahu nupo Godi ka'ene nimaa rojuji na oja mahuta. 'Ene vu'a ka'ene tamana vaji navujija na nimaa rojura. 'Ene vu'a ka'ene poropetiepo vejajija 'u'o nimaa rojura.

Akisi 26:17

'Ene Nara Jua puna'ijaho 'ajoahe 'ee Jenitaru puni Na a ranamau'e va'ujaho 'ajoahuna.

Akisi 26:6

Godira emahu nuna'e nahama 'waramajara roe nimaa rehuni jihuniji kavi'i hijujihuna'e iviamaa 'otua vaji namiju.

Akisi 28:23

'E'ikaivo vea ka'ene vu'a kaji 'wahunijaho iji pijahara'omo vea kaji apejumakavi'i ea mapoka nianae apena roe sea ka'ene hura hinaji roara. Hu Godoni arijihuni maiji najahe 'ee Mosisi oni tamana tahe najahe 'ee poropetia puni vu'a taha vejakame pu Jesu nimaa ro'avarono 'warama avanana. Hu vea sú'u sú'u rene vu'a 'warama va'e vea nutu 'o'unaji aremana.

Romani 3:21

'Ene tamani jihuni 'unamijaho pana kaivo Godi iviamaa 'unama arimaa Huna najuhu. Ike 'unamakaho Godoni tamaniji'o poropetijihipo nimaa vejara.

1 Koritia 15:3

Ijihuni maijaho iraka ka'ene nara apejujaho na amura'e areri unenu'u pina ni'ima'ura ja mihuta. Ijaho Godoni irijara 'waramajaho Kerisoho núni sisei jihuna'e kwamana.

1 Koritia 15:4

'Ejume Hu ranavara'omo na'ia no'opisu pa'are'eme Godoni irijara 'warama ja'ina'e kú'o 'urinana.

2 Timoti 3:11

Nara haha hiana ka'ene Enitioki 'ee Aikoniami 'ee Risitara apejujija a nihena kimana. Ijí haha hiana iraka ka'ene nara apejuta vajijaho Natohwijara na vahanimana.

Revaresiani 11:18

Ea ka'ene ikino mwe'i hijujija Onuna'i senavara kaivo iviamaa vu Oni senijara roana. Vea ka'ene kwamasahi'iniji 'otua vetihuna roume 'ee vea ka'ene Oni kaukara veji'ina poropetia Oni ehija 'ee ea ma'u'umaa 'ee ea mama'ina ka'ene Oni hura veji'ini jihipuni eha mamaa vajihuna 'u'o roana. 'Ene ea ka'ene mwe'ake veju'e siserana jihuna'e pura tirahuni vei roana 'wavara.

Revaresiani 15:3

'Ene pu Mosisi ka'ene Godoni kaukara veji'ini jihuni javaa vejara. 'Ene Remui jihuni javaa 'u'o venareja ika'ina vejara. Raka ka'ene A venujaho ni'ima'ura 'ee mavarasa'ina. Oo Godi Natohwa A harusima'ura ariramaa 'ee Oni 'unama nimaa nimaa 'ee A kwaa kwaa kihipuni Kinia.

Revaresiani 20:12

'Ena'omo ea kwamasahi'ina kivuta. Ea mama'ina ea ma'u'umaa ijá toronu una'i nami'eme puka jarasamana. 'Enarena puka pina apena jaraajaho majama hihuni puka. 'Ena'omo ea ka'ene kwamasahajija pura raka ka'ene vejajija puka 'ahi kivi'i 'otua vetiana.