Akisi 22:1 - Godoni vuʼa maiuʼina

¹ Vwehu nuna 'ee emahu nuna. Nuni vu'ake ataa apúsama heha. Nara raka ka'ene vejuji iviamaa joni una'i namine 'wara'i veju 'iamana.

Akisi 22:1 ပူးပေါင်းရင်းမြစ်များ

Ruku 12:11

'E'eje pu ja 'eka va'e Sinakoku 'ajohi'ina 'ee ea mama'ini jihipuni una'i nama'iro va'a ki'avajaho vu'a raka ka'ene 'warahunijaho oja pahiana'avara.

Ruku 21:14

'Enajihuna'e ja nimarako vwihanareje jara vu'a iraka ka'ene 'warahunijaho pavwiha'avara.

Akisi 13:26

Vwehu nunakije ja Eparahami oni harihi jihipuni kachi'ina 'ee ea ka'ene Godi juhavi'inaka iki ja pu'úmo hijujija Hu nú ni'ajúharena Hu Huni vu'a nú múhana.

Akisi 19:33

'Enareja Juaka mapoka kajipo Arekisanitaho tairia apena va'e raname 'ejahaume hu va'arena pu ni'aji'irono ija ahasirime ruramana.

Akisi 23:1

'Ejumakame Poruho nia ajira kanisoru kajija kivi'i ijá 'iama Vwehu nunakije na Godoni una'i hami hinuva'o roe iviasi 'e'uju 'iamana.

Akisi 23:6

Hu kimajaho ea 'aho'a Sajusi 'ee ea 'aho'a Parasia kimarena hu kanisorua kajija ijá 'umena Vwehu nune na Parasia 'ee Parasi puni hariha kaivo ea ka'ene kwamasahujipo kú'o 'urihuniji na nimaa rojujihuna'e na 'otua vaja namiju.

Akisi 24:10

'Ejume kavanaijara Porura 'wara'amarono 'waramana. 'Ejume Porura ijá 'wama Na niheju. A juara mapoka 'otua veji'ina'omo na teamani'eju'e vu'a ikaho 'waravu.

Akisi 25:16

'Ejume na ijá 'iavo Romu opuni tamana nú ea majikari pairechamiura kaivo ea ka'ene varapa rukinijihi puni vu'a hene 'ee ea ka'ene pu namahu jihipuni vu'a henare'e ijí tipurai irechamiura.

Akisi 25:8

'Ejume Porura eha vene ijá 'iama Na niho'o sisea pavejuta. Jua puni tamana ho Temiporu vajina ho ea natohwa ka'ene Sisa ho na niho'o sise'i pa'ahiuta 'iamana.

Akisi 26:24

Poruho huni vu'iji vahame 'waravume Pesitasira ira ajira ijá 'wama Poru! Oni henaka ni'inijara venau'e a nanamu 'wamana.

Akisi 28:17

'E'eme vea no'opisu pa'are'eme Porura Jua puni ea ka'ene urani'inijija 'umenaume pu roe ahuma hijumakivi'i hu aneja vene ijá 'iama Ehu nunakije na ehu nuna ea 'aho'a pasise'i 'ahiuta. 'Ee emahu núpuni tamana 'aho'a papataarohuta kaivo pu na Jerusaremi tipura apenie Romu puni ija 'ahi ranamiara.

Akisi 7:2

'Ejume hu ijá 'iama Heha! Vwehu nuna 'ee emahu nunakije ja nuni irake hami heha. Nitama Eparahami ka'ene núni omijaho mai'o Herani pava'ika'i Mesopotemia hinajiri Godi ka'ene hanaji'inijaho huni roana.

Romani 2:15

'Unama ka'ene pu vejujipo najuhujaho pu Godoni tamana kima heju. Godoni tamana 'aho'a puni oja vaji navu. 'Ena'omo pu sisea vejujaho pu niho'o junavura. Ijihuni maijaho Godoni tamana 'aho'a puni oja vaji navu. 'Ene puni oja vaji vwihane henare'e rakijara sisee rakijara maa ijaho vwihajura.

1 Koritia 9:3

Ja ea ka'ene na piuhiha ki'i 'ahiu'e vejujihi puni eha ijaho ikena.

2 Koritia 12:19

Jara hine vwihana apene roujaho núra raka ka'ene 'waravujaho nú núni haha anakarame ijihuna'e 'waravu roju. 'Enakaivo nimaijaho Godoni una'i nú Keriso oni vaji ja oja mihujihuna'e ja vena'e marasahe 'uri'avarono 'waravu.

2 Koritia 7:11

Ma ike temuka maa kara joni vaji raka ka'ene venaji kiaha. Ijara vejume jonuna'a samaa'e renana 'ee ja sisea irakiji kime senavare 'ee sisea juhavare? 'Ene ja ura ijara roe samaa'e rehuna ura renaara 'ee ja sisea kara parehuna niho'o ura rena parajure 'ee ja rakijihuna'e eha vehuna ura renaara. 'Ene jara uneunecha kihi vejajara najahujaho ja ijí sisea kajihuni pwina pana.

Piripai 1:17

'Enakaivo vu ea 'aho'ijaho pu pupusumano vwihajura. 'Enajihuna'e pu oja maa pasavi'i nara tipurai haha heji'i hi'urono vwihaji'i najahu.

Piripai 1:7

Na 'unama ika'ina'e ja maho'o vwihaniu jihuni maijaho ja ea kwinu kwino nuni oja vaja joni tinia navu. Ijihuni maijaho na tipurai hijuta ho vu'a maiu'iniji vahame nimaiji rone 'waravujaho ja na ni'ajihara'omo nú ja pu'úmo maiji vwihanúajaho ahuma apeju.

2 Timoti 4:16

Nara amura'e 'otui aruvujaho ea pina na pani'ajihana kaivo ranamie varanavara. 'Ena'omo veje Hu pununa'a sisea pavwiha'amana.

1 Pita 3:15

'Enakaivo na'ia mapoka Kerisoho Natohwa roji'i joni oja vaja kajino amura'e rana'avara. 'Ene joni nimaaroiji vahame 'warahunijaho amairiara'irakúne ea 'ahopo ijí he'irono apora'avajaho ja chochumano puni hura veji'i 'wara'avara.