Akisi 20:35 - Godoni vuʼa maiuʼina

³⁵ Nara uneunecha mapoka ka'ene vejujaho jara ija'ina'e venareje ea ka'ene pivusahuji ni'aji'avarono najahuta. 'Ene Natohwa Jesura Huni iri 'waramaji vwiha'avara. 'Ekujaho mamaa kaivo vajihujaho mavarasa'ina vejura 'iamana.

Akisi 20:35 ပူးပေါင်းရင်းမြစ်များ

Matiu 10:8

'Enakaivo ea ka'ene atama 'uniravi'inijija veje sonahie 'ee ea ka'ene kwamasahi'inijija veje 'urine 'ee ea ka'ene reporosia rukinijija vena'e reporosia pa'arena'e 'ee 'avena sisea ea ajima'inijija sioma'avara. Ja maapejarakúne mavaji'avara.

Akisi 20:20

Ja niheju. Na niho'o vu'a kajaho parana'o'ujuta kaivo maiji najaha apena va'u. Na uneunecha mapoka ka'ene ja ni'ajihunijaho 'waramare'e na samaumai 'ee sea seakino najaha apena ojuta.

Akisi 20:27

Na niho'o Godoni ura ijí 'wara'irono vejujaho na pajuvuta kaivo na 'waravuta.

Akisi 20:34

Ja niheju. Na nuni ija ikino uneunecha onuno vene 'ee ea ka'ene na hu'úmo ojujija ni'ajihura.

Akisi 20:36

'Enarena 'waravume pa'arejumakavi'i hu nitupari same pu pu'úmo siporua 'ojara.

Romani 15:1

Nú ea ka'ene haruriji'i hijujipo ea ka'ene ajuasinijija ni'ajihuna kaivo nú núni haharu pavwihahuna.

1 Koritia 9:12

Ja ea 'aho'a ni'aji'avajaho núni harura panamuna'omo nú 'u'o paasisama huri ni'ajúhuna raka? 'Enakaivo nú harura ikaho paapene ija'ina vejara vo nú uneunecha maho'o puni vajijaho kirasahe va'ara. Ijihuni maijaho nú vu'a maa maiu'ina tanume akarekaro uraname nahuna ura parenúana.

2 Koritia 11:12

'Enakaivo nara iraka ka'ene vejujaho na majano vena vahuna. 'Ejakame ea ka'ene 'unama savujija uhusamihuna. 'Ene ea ka'ene 'unama same nú pu pu'úmo kaukara niareri nikwisu'ina veju ronare'e ta'arosaravujija uhusamihuna.

2 Koritia 11:9

'Ene vea ka'ene na ja pu'úmo hijujaho na pivujuta kaivo na ea pina ahija pamahuta. Ijihuni maijaho vea ka'ene vwehipo Masatoniai rena roajino nara pivujujaho maho'o vajihara. 'Enajihuna'e na uneunecha mapokijaho pavejume joni ahija'e renana. 'Ena'omo majaa ija'ina'e vehuna.

2 Koritia 12:13

Ijihuni maijaho na 'unama irakijino venaume ja sosia 'aho'i jihipuni hara'e rejare? Nara unenu'u pina ka'ene jonuna'a pavejujaho na ja ahija pamihuta. 'Enakúne nara sisea ka'ene vejujaho vwihanie areha.

2 Koritia 8:9

Ijihuni maijaho núni Natohwa Jesu Kerisora maiji vwihanúajaho ja nihena kavara. Hu niho'o arerina kaivo Hu roe jonijihuna'e pa'ana'e renana. 'Ejakame Hura pa'ana renana vajijino jara roe areri rena parani'amarono avanana.

Epasasi 4:28

'Ene veje ea ka'ene nesa apeji'inijaho kú'o nesa paape'amana. 'Enakaivo huni ijijino kaukara raka ka'ene mamaijaho ve'irakúne hu ea ka'ene pivunujaho areri ni'aji'amana.

1 Tesaronia 4:11

Nú ja ni'waravu ja'ina'e masuani hine jomaaru vene 'ee joni iji kaukara veji'i hihunijaho joni ura nimaa rena'ama.

1 Tesaronia 5:14

'Ene vwehu núne nú ja jarirame 'waravujaho ja ea ka'ene vu'ataa paheji'inijija 'urara'avara. 'Ene ea ka'ene tea junavi'inijija 'ee ea ajuasina ni'aji'avara. 'Ee ohura paape'avara ka'i ea 'aho pu'úmo masuani hi'avara.

Hipuru 13:16

'Enakúne ea 'aho'a ka'ene kukua pa'aji vajihuna pasena'avara. 'Ene mamaa vehunijaho parunami'avara. 'Unama ija'inijija Godi teamama paranuna.

Hipuru 13:3

'Enakaivo ea ka'ene tipurai hijujija parunamie 'ee ja areri pu pu'úmo hiji'i vwihava ja'ina'e vwihani'avara. 'Ene ea ka'ene ahija sisea apejujihija areri pu pu'úmo hiji'i vwihava ja'ina'e vwihani'avara. Ijihuni maijaho ja 'u'o haha rukina.

3 Joni 1:7

Pu Huni Ihijihuni hahi usema va'ajihuna'e pu Jenitaru puna unenua 'aho'a pa'ekara.