Akisi 20:28 - Godoni vuʼa maiuʼina

²⁸ 'Enakúne hami ojono 'ajoarame 'ee ea ka'ene jara 'ajoha'avarono Godoni 'Aveni ja 'ajohai'ina'e irechamie 'ee Godoni sosia ka'ene Hura Huni 'aijino 'imenajaho 'ajoha'avara.

Akisi 20:28 ပူးပေါင်းရင်းမြစ်များ

Matiu 16:18

'Ena'omo Na kú'o pina 'waravu. A Pitana. 'Ena'omo ike muna anesina toakino Nuni sosia vehuna. 'Eje vena huni harurijaho paniname 'ee paasitahuna.

Matiu 2:6

Ja Petirihemi ora ka'ene Jutia puni kwaa vaji hijujija ja niho'o túchamaa parehuna kaivo joni ei pini mai'o 'ajohi'ina ni'ima'ura renareje Isureri ora 'ajohahuna 'iamana.

Maka 13:9

'Enakaivo ja ojono hami 'ajo'avara. Ijihuni maijaho pu 'eka va'e hirisima puni nini va'e 'ee Sinakoku majikari hijihahuna. Ja Nuni eijihuna'e pu ja kamatia ka'ene 'ajohi'ini jihipuni nini 'eka va'akivi'i raka ka'ene ja kima hejujaho pu najahuna.

Ruku 12:32

'Enakúne eakije niho'o patea juna'avara. Ijihuni maijaho joni Omijaho ura rene teamama para'eju'e Huni arijaho ja mihu.

Ruku 21:34

Ja hami hami 'ajohareje pahine joni kaukararu vene 'ee toa sisea ine 'ee jara iviamaa 'unama ka'ene ichá'ina'e hami hihuna pavwihaji'i hi'avara. Ijihuni maijaho ja ija'ina hi'eje vea kajaho areri ni'aha kwino kwavaha puna'i asuma va hihuna.

Akisi 13:2

'E'eme pu Natohwiji oja vwihanareja pu 'iruma aura areme siporua 'oji'i hi'eme Godoni 'Aveni ijá 'iama Panapasi'o Soru'o irechamie kaukara raka ka'ene Na pura ve'avarono 'umenauji veja 'iamana.

Akisi 14:23

Pu sosia kwinu kwinu puni eruta pijihume paarejumakivi'i 'iruma 'aura areme 'ee siporu 'ojume paarejume 'eke Natohwa ka'ene pura nimaa rojujihuni ija tahi irechamiara.

Akisi 20:17

'Enakaivo nú Mairitasi hi'eme Poruho 'ona ranavume va'e Epasasi sosi huni eruta puni 'ona vene ro'avarono 'waramana.

Akisi 20:29

Na niheju. Na va'eje nuni túna'i 'uaneapo joni vaja iki roareje ja rurahareje niho'o pina paranahuna.

Romani 16:16

Ja pu pu'úmo 'ajosarame nirisa'avara. Keriso oni sosiajipo maho'o ja 'ajoravu.

1 Koritia 1:2

Godi oni sosia ka'ene Korinitia namuna 'ee ea maho'o ka'ene Jesu Keriso oni vaji iji pijihume ani'ina ariramaa'e rejara 'ee ea ka'ene iji pijihume akuavi'ina'e rejara 'ee ea 'aho'a ka'ene kwaa ichihichi núni Natohwa Jesu Keriso oni ihi 'urahi'i oja mahura ka'ene núni Natohwa 'ee puni Natohwijihi puna'e veju.

1 Koritia 10:32

Paveje Jua ho Kuriki ho Godoni sosia ari'ava.

1 Koritia 11:22

Irake? 'Ú ja sea 'iruma toa ihuna pa'ana raka? 'Ene ja Godoni sosia senavu raka? 'Ene ea ka'ene uneunecha pa'ajihi juna'avarono avajo. 'Ú na ja ija'ina'e 'warahune? 'Ú na ja ta'arorahune? Ikehunijaho na ja pata'arorahuna.

1 Koritia 15:9

'Enajihuni maijaho na niho'o apasorua ka'ene hamaijina 'ene 'u'o na apasorua 'wihuna areri pana. Ijihuni maijaho nara Godoni sosia sise'i 'ahie ruarahiuta.

1 Koritia 6:20

'Ene ja aneja ni'ima'uri 'imena 'ekarakúne joni hahijaho Godoni pinana'e 'urihunijiru ve'avara.

Karesia 1:13

Nara 'unama ka'ene Jua puni tamana vajijino vejujaho ja nihejura. 'Ene nara ichá'ina'e vene Godoni sosia sise'i 'aha'e 'ee tirakuje pa'are'amarono vejuji manura vehuna areri pana.

Epasasi 1:14

Huni 'Avena ka'ene nú múhajaho Huni aachiji 'ekahuna tatua vene múhana. 'Ene Godi Oma'e rehuna'e kú'o 'uname 'imenúa avanana. 'Ene Huni mamaiji ta'aro'avarono avanana.

Epasasi 1:7

'Ene Hura ori Huni 'aa vajijino ni'ajúhe kú'o 'ekuana. Huni maiji vwihanii'ina ka'ene itu'o'una namuna vajijino núni sisea vwihanúe aremana.

Epasasi 4:11

'Ene Hura swara 'aho'a apasorua vajihe 'ee 'aho'a poropetia vajihe 'ee 'aho'a ivenijarisia'e vajihe 'ee 'aho'a pasita'e vajihe 'ee 'aho'a najahi'ina'e vajihana.

Piripai 1:1

Poru'o Timoti ka'ene Jesu Keriso oni pwehipo ea ka'ene nimaa roji'ina 'ee eruta 'ee tikonia ka'ene Jesu Keriso oni vaji Piripai hijujihi puna'e veju.

Korasia 1:14

'Ene Huni vaji nú kú'o 'imenue 'ekuana 'ee Huni vaji sisea vwihane arevume pa'arenana.

Korasia 4:17

'Ene Achipasi 'wara'avara kaukara ka'ene hura Natohwi jihuni vaji apenajaho hami na'ia mapoka ve'amana 'wa'avara.

1 Timoti 3:1

Ikaho vu'a ka'ene nimaijinakúne ei pini sosi vaji ruha ka'ene ea 'ajohauji ura re'amajaho kaukara mamaa ura venu.

1 Timoti 3:2

Ijí ea ka'ene 'ajoha'ina kajaho ea hu panamahi'ine 'ee napara nikwinune 'ee ori'ini 'ajo'aravi'ine 'ee hami hiji'ine 'ee huni hura veji'ine 'ee ea suja mapoka aherame huni sei roi'ine 'ee areri ea najahunijara re'amana.

1 Timoti 3:5

'Enakaivo ea ka'ene huni kachi'ina hami pa'ajohi'inijara re'amajaho hu 'unama ichá'inijino Godoni sosia 'ajo'ena?

1 Timoti 4:14

Godoni 'Aveni jihuni swara ka'ene oni vaji namuna ka'ene erutaepo puni ija oni toi irechavi'i poropeti puni ira ka'ene 'waravajaho paka'eje aremuroama.

1 Timoti 4:16

A oni hia orono hami 'ajo'amana 'ee hami kivi'i najahe 'ee 'unama iraka ka'ene nimaijiru ve'amana. Ijihuni maijaho a ija'ina'e ve'amajaho a orono ni'ajarame 'ee ea ka'ene oni vu'a hejujija ni'ajihe avahuna.

1 Timoti 5:17

'Ene eruta ka'ene puni kaukara hami 'ajohe 'ee harura vene ira 'warame 'ee najahu jihipuni hura hurahara vena'avara.

Taitasi 1:7

Ea ka'ene 'ajoha'inijaho Godoni kaukara hami 'ajohare'e niho'o arira'e 'uraha onuna. 'Ene hu jarika parene 'ee maraku'a pa'ajime 'ee toa sisea huni harura hara pahine 'ee ea majikari pa'anie 'ee monia 'unama sisei jihunijaho pa'ekahuna.

Taitasi 2:14

Hu núnijihuna'e kwamana. Nú sisei vaji hi'eme nú Huni ea re'avarono 'eka ruva'uana. Hu nú venume Huni ea arimaa rene 'ee Huni ea ka'ene Hu mamaa nimaijihi rene 'ee nú mamaaru vehuna ura renau.

Hipuru 12:15

Ja ea 'aho pu'úmo ni'ajara'irakúne Godoni mavwihani'inijaho pu paasina'avara. Ea sename temukame ajinavakame 'uraarahuni ira ea 'warahunijaho 'ajoara'avara. Ija'inijara reju'e ea mapoka siseraniura.

Hipuru 13:17

Joni sosi 'ajohi'ini jihipuni ira hena vene 'ee puni hura ve'avara. Ijihuni maijaho pu joni 'avena 'ajohe 'ee pura raka ka'ene vejujija Godi 'waravi'i vejura. 'Enakúne ja puni ira heji'ina rejakame pu patemuka'eje puni kaukara hami veji'ina re'avara. Pu temuka'eje ve'avajaho hami pani'ajihuna.

1 Pita 2:25

Ja niho'o na'ia mapoka sipiepo 'unama asisame va'uja'ina'e va'ara kaivo iviamaa ja kú'o 'uname Sipia 'Ajoha'ina 'ee joni 'avena 'Ajoha'ini jihuni roara.

1 Pita 2:9

'Enakaivo ja iji pijihari eijina 'ee pirisitia ka'ene ea nimaa nimaijina 'ee ea ariramaa'omo ja Godoni ea rejara. 'Ena'omo ja Huni mamaiji rone ta'arohuna 'ee Hura nutuvi'ina vajijino iji pijihe 'eka rova'e Huni hanaji'ina maa vajijino irechamiana.

1 Joni 1:7

'Enakaivo nú hanaji'ini hina 'urahojujaho areri Hura hanaji'ini hinuja'ina'e nú ea 'aho pu'úmo hami hami veju. 'Ene Jesu ka'ene Huni Harihi jihuni 'aijara núni sisea maho'o sovu'e pa'arenu.

Revaresiani 5:9

Pu javaa maiu'ina ika'ina vejara. A pukakaho areri apene huni aja rasahuna. Ijihuni maijaho A kwamajine A kachi'ina amuja 'ee kwaa ara mapoka Godona'e Oni 'aiji 'imena 'ekana.