Akisi 20:24 - Godoni vuʼa maiuʼina

²⁴ 'Enakaivo na nuni hiijaho natohwa pakavura kaivo Godira maiji vwihanúani vu'a mamaa ka'ene ea naja'urono Natohwa Jesura mihaji na ve parahuniji kavu.

Akisi 20:24 ပူးပေါင်းရင်းမြစ်များ

Joni 15:27

'Eje ja 'u'o Na rone ea 'aho'a najahuni jihuni maijaho ja nú pu'úmo kami aneji rene hina apene roajihuna'e najahuna.

Joni 17:4

Na iki mwe'i kaukara ka'ene A mihajaho nive paraju jihuna'e Oni pinana natohwa 'urinu.

Akisi 1:17

Hu nú pu'úmo hinone 'ee kaukara ka'ene núra vejukehuni pwinana'a renana.

Akisi 11:23

'Enarena hu ijí va'e'uji'i Godoni maiji vwihaniiniji kamajaho niho'o teamama parajume hu pu ni'ajihe ijá 'iama Natohwiji nimaa roji'i hi'avara 'iamana.

Akisi 13:25

Joni oni kaukara mai'o paare'i ve'eme hu eaka mapoka kajihi ijá 'iama Ja vwihajujaho na rana rojo? Na Ea ka'ene ja hine 'ajahujaho pana kaivo heha! Hu nuni túna'i rou nara Huni mumora hwana jahehuna areria pareniu.

Akisi 14:3

Pu no'o 'aha jora ijino hine paju'ika'i najahume Natohwijara ni'ajihe Hura maiji vwihaniaji najaharena aacha 'ee uneunecha ani ani'ina ka'ene ea areri pavehunijaho vajihume pu vejume rejara.

Akisi 15:7

Pu natohwa 'wame nakara'eme Pitara 'urine arini nami'i kaivo ijá 'iama Vwehu nunakije ja nihejara. Nitama Godira joni vaji na iji pijihume nuni irijino Jenitaru Godoni vu'a maa maiu'ina najahume pu hene nimaa rojara.

Akisi 18:5

'E'eme Sairasi'o Timoti'i Mesatonia rene roara. Poruho na'ia mapoka huni vea natohwa Godoni ira toi raname hine Jua najahe ijá 'iama Jesuho Kerisona 'iamana.

Akisi 20:21

Na'ia mapoka vu'aka rona 'waravujaho nikwinu'inake Jua 'ee Kuriki puni sisea aremamaa are'i kaivo ta'arohe Godoni roe 'ee núni Natohwa Jesu Keriso nimaa roha 'iavura.

Akisi 20:23

'Enakaivo ara ara ikino na va'ujaho Godoni 'Aveni 'warimare'e ijá 'wimuna A tipurai hihuna 'ee ahisina apehuna ajaha navu 'wimuna.

Akisi 20:32

Godoni ija tahi irechamie 'ee Huni ira ka'ene mai ijí vaji irechamiura'omo ijara areri ni'aji'eje ja emarene 'ee Godoni ehipuni vaji ja joni aachia 'ekahuna.

Akisi 21:13

'Ejume Porura eha vene ijá 'iama Ja raka vene niramaruvu'ukame nuni oja tura'i 'ahio? Na Natohwa Jesuni ihijihuna'e Jerusaremi va'e tipura vahune 'ee kwahunijaho pavwihaju 'iamana.

Akisi 22:21

Hu ijá 'wima Nara a kwai natohwi Jenitaru puni kwai ranamaukúne va'a 'wimana 'iamana.

Akisi 9:15

'Enakaivo Natohwijara ijá 'wama Ijí ea kajihuni va'a Nara hu Nuni kaukara ve'amarono iji pijahuta'omo hu Nuni iha apene Jenitaru 'ee kinia 'ee Isureri oni harihija najahuna.

Romani 11:6

'Ena'omo nú Godira maiji vwihanúajara reje nú Godoni ea rejara'e re'amajaho mamaa venareje rehuna pa'ana'e rehuna. Vejuro'i maiji vwihanúujaho maa pa'ana'e rehuna.

Romani 4:4

Ei pini kaukara ve'amajaho hu eha apehuna kaivo swara vene mahuna pana vo hura kaukaraka venajihuni eha mahura.

1 Koritia 15:58

'Enajihuni hahi vwehu nune na ja oja mihi'ine kikisima'ura'e rene nami'avara. 'Ene pavarivarivi'ina'e re'avara. 'Enakaivo na'ia mapoka Natohwi jihuni kaukara asisame huri ve'avara. Ijihuni maijaho jara Natohwi jihuni vaji kaukara ka'ene vejujaho maa rukima'ura.

2 Koritia 12:10

Ijihuni hahi Keriso onijihuna'e nara pivujuri vajijaho ira sisea 'warivura 'ee vea kisina vaji aruvura. 'Ene sisei 'ahie rurihuri vaja 'ee kisina rene puruva retiuni vaji na nijihuna'e teamanimuna. Ijihuna'e vea ka'ene na harura pa'areniujaho na harura renihuna.

2 Koritia 4:1

Ijihuni hahi nú kaukara ike apeja jihuna'e numiruvi'inijaho apejara. 'Enakúne ja paki'eje oja ajuarasahu ro'ava.

2 Koritia 4:12

'Ena'omo nú kwamasahunijino hijukame majama hihunijaho joni vaji kaukara venu.

2 Koritia 5:8

'Enakaivo nú ikaho nimaa roju. 'Ene na ika 'warahuna'e ura reniu na hahake rana'ujaho Natohwiji'i ari hiju.

2 Koritia 7:4

Na ja ni'ima'ura'e nimaa vetie 'ee jonijihuna'e na ni'ima'ura'e temaraju. Na niho'o oja sonahia paraniu'e 'ee núni haha hiana vajijaho temari rareniu.

Karesia 1:1

Na Poru apasorua ka'ene emaapo iji pijihe rehuna pane 'ee emaapuni haruri rehuna pana kaivo Jesu Keriso oni vaji Godi Amo ka'ene Hua'e vejume kwama 'urinajara iji pijihana.

Epasasi 1:6

'Ene Huni maiji vwihanii'ini jihuni pinaniji ta'aro'avarono Hura oja múhi'ini jihuni vaji ma'ekuana.

Epasasi 3:13

Ijihuni hahi na ja 'waravujaho nara jonijihuna'e sisei hijujaho ja paki'eje joni oja veje areri paretiama. Ijihuni maijaho ijija joni hura vene ta'arorahuna.

Piripai 2:17

'Enakaivo na toa ijuri swasa puna'i vene joni nimaa roiji ni'ajihuna'e usekuniara. 'Ena'omo na mari'ume teamani'eju'e nuni temarijaho ja pu'úmo 'wame nasaravu.

Piripai 2:30

Ijihuni maijaho hu Keriso oni kaukara ijihuna'e kwama ape taharonamana. Hu huni hia vajijaho varapa piunihuna renana vo hu jara areri nuna vehuna sa'inijaho hura venana.

Korasia 1:24

Na teamanimu jihuni maijaho na jonijihuna'e haha hianimu. 'Ene Kerisora Huni haha ka'ene sosijihuna'e sisei hinajihuni pwina ijaho nara sisei hiju'e pa'arenu.

1 Tesaronia 2:2

Ja niheja ja'ina'e nú nimarako Piripai sise'i 'ahúume haha hianumana kaivo nú núni Godijihuni vaji harura ape'ika'i ja Godoni vu'a maiu'ina ijí ninakaraa renana vajijaho 'waravara.

1 Tesaronia 3:3

'Ejakame jara siseisei hijujara ja patanu'urihuna. Ijihuni maijaho ja niheju nú nika'ina hihuna'e iji pijúhana.

2 Timoti 1:12

Ijihuni hahi na 'u'o ike uneunecha kehi punijihuna'e na sisei hijuta kaivo na pajunimu. Ijihuni maijaho na irá nimaa rojujaho na nihena kavu 'ee na nimaa rojujaho Hu nara raka ka'ene Hu ve'amaro mahujaho hu areri 'ajo'eje va'e vea kajaho apehuna.

2 Timoti 3:11

Nara haha hiana ka'ene Enitioki 'ee Aikoniami 'ee Risitara apejujija a nihena kimana. Ijí haha hiana iraka ka'ene nara apejuta vajijaho Natohwijara na vahanimana.

2 Timoti 4:17

'Enakaivo Natohwijara na hu'úmo namine Hura harura mihana. 'Ejumakame nuni vaji ira ikaho maho'o najahukame Jenitaru maho'o hejara. 'Ene na hanuha ka'ene ea inahi'ini jihuni ira vaji 'ena apenie ruva'iara.

Taitasi 1:3

Huni vea apejume ike Huni vu'akaho najahe 'waravume samaa renana. Godi ka'ene núni Ni'ajúhi'inijara nara ve'urono 'warimana.

Taitasi 2:11

Ijihuni maijaho Godira maiji vwihanúajara ea maho'o maranihuna apena roana.

Hipuru 10:34

'Ene ea ka'ene tipurai irechamia jihipu'úmo ahuma sisea apejara. 'Ene uneunecha ka'ene ja 'ajohajaho 'etujihara vo ja teamana'eme matauvara. Ijihuni maijaho joni uneunecha mavarasa'ina ka'ene majama nahunijaho ijí 'ajiha namujaho ja nihejara.

1 Pita 5:12

Siveniasi núni vwea ka'ene uchaha pa'ajara ni'ajihe asura ikaho venana. 'Enakaivo na asura ma'u'uakaho ja ni'ajihe 'warame veju. Ikaho Godoni maiji vwihani'ina ka'ene nimaijinakúne kirasahe kisima'ura'e rene nami'avara.

1 Joni 3:16

Ike 'unama ikehunakino Hura nú oja múhajaho hena kavu. Ijihuni maijaho Hu Huni hia núnijihuna'e múhana. 'Enajihuna'e nú 'u'o núni hia vwehu núna'e mihuna.

Revaresiani 12:11

Pura hu asitaha ijihuni maijaho Remui jihuni 'aijine puni nimaaroa ka'ene rona 'waravajina. 'Ene puni hiijaho oja pamaha jihuna'e kwamasahunijaho pavwihajara.

Revaresiani 6:11

'Enavo eakija ateha sajasa'ini vajihume savara. 'Ejumakavi'i ijá 'iama Ma'uko 'ajahi'i siheria ve'avara. Ea ka'ene ja pu'úmo kaukara veji'ina 'ee joni vwehija 'aniume kwamasaha ja'ina'e ja 'ania kwamasahakama'e iji'a Na eha ve'eju 'iamana.