Akisi 2:33 - Godoni vuʼa maiuʼina

³³ Godira vejume Hu Godoni ija mana'inija'i hinu. 'Eju'ukame Amora Huni 'Avena ka'ene nahama 'waramaji Hu mihu'ukame jara raka ka'ene iviamaa hena kavujaho Hura Huni 'Avena kaji usesamaana.

Akisi 2:33 ပူးပေါင်းရင်းမြစ်များ

Matiu 28:18

'Ejumakame Jesura puni roarena Hu pu ijá 'iama Harura ka'ene mwe'akaki namuna 'ee kahi akúpi 'ahi namuna ijaho ni'aha kwinu Na mihana.

Maka 16:19

Jesu ka'ene Natohwijara pu 'waravuma pa'arejume Jesu apejume akúpa 'ahi va'e Hu Godoni ija mana'inija'i asuma hinana.

Ruku 24:49

Heha! Na Nuni Omijara raka ka'ene nahama ja 'waramajaho Nara ranave joni ro'enakúne ja ara natohwa ikino hi'eje Godoni harura kahino akúpa 'ahi rene roe ja sama'amana 'iamana.

Joni 14:16

'Eje Na Amo jarivakame Hura joni Ni'ajihi'ina pina mihe Hu ja pu'úmo majama hihuna.

Joni 14:26

'Enakaivo joni Ni'ajihi'inaka Godoni 'Avenijaho Amora ranave Nuni iha 'ahi ro'amajara uneunecha mapoka najahune 'ee Hura Nara 'waravujaho veje ja vwihahuna.

Joni 15:26

'Enakaivo joni Ni'ajihi'ina ka'ene Nara Amo una'i rene ranave ro'amajaho Godoni 'Avena ka'ene nimaijina. Hu Amo una'i rena rohuni jihuna'e Hu Na rone 'warahuna.

Joni 17:5

'Enakúne Amo veje Nuni pinana natohwa 'urinama. Nú no'o nitama mwe'akaho pa'ajiri vejume Nuni pinana 'urina ja'ina'e 'urinama.

Akisi 1:4

'Ene pu ahuma hi'eme Hu ijá 'iama Ja niho'o Jerusaremi paareme va'avara kaivo ijí 'aja'eje Amora raka ka'ene ja mi'iro nahama 'waravume Na 'waravujaho mihakama'e iji'a va'avara.

Akisi 10:45

'Ejumakame Jua nimaa roji'ina ka'ene Pita'i pu'úmo roajivajija oja hwa'usunahara. Ijihuni maijaho Godoni swara ka'ene Huni 'Avenijaho Jenitarua 'u'o samaha jihuna'e oja hwa'usahara.

Akisi 2:17

Mwe'akara mai'o pa'are'i ve'eje raka ka'ene rehuniji Godira ika'ina 'waramana. Nara Nuni 'Avena ea mapoka samahakame joni harihija 'apahija Godoni 'waravi'ina rehuna 'ee joni kivasa raka ka'ene túna'i rehunijaho visoni kihuna 'ee joni ema ijija mai'o túna'i raka ka'ene rehunijaho navahi kihuna.

Akisi 5:31

'Enarena Hu Godira 'unama apene Huni ija mana'inija'i ranavu'e Natohwa rene ni'ajihi'ina'e renana'omo Isureri ora puni sisea ta'arohe aremamaa are'avajaho Hu vwihania arehuna.

Romani 5:5

'Ene ijí túna'i raka ka'ene rehunijara paveje nú temukuhuna. Ijihuni maijaho Godira ea oja mihujaho Godoni 'Avena ka'ene núa múhajihuni vaji ranamana.

Karesia 3:14

'Ene Jesu Keriso oni vaji Jenitarua merajihi'ina nikwinu'ina ka'ene Eparahami merajahajino merajihuna. 'Ene pu nimaa rojajihuna'e Godoni 'Avena ka'ene nahama 'waramajaho apehuna.

Epasasi 1:13

Ja 'u'o Huni vaji Huni ira nimaiji hene 'ee vu'a maa maiu'ina ka'ene ja ni'ajihana ka ja nimaa rojume Huni 'Avena ka'ene nahama 'waramajaho joni vaji Huni tatua vene mihana.

Epasasi 4:8

'Enajihuna'e ika'ina'e 'waruvara. Vea ka'ene Hu ajima ichutoi va'ajaho Hu ea ka'ene tipura hiji'inijija aheramana 'ee swara Huni ehija vajihana 'úmana.

Taitasi 3:6

Godira Huni 'Avena Jesu Keriso ka'ene núni Ni'ajúhi'ini jihuni vaji maho'o samuhana.

Hipuru 10:12

'Enakaivo Hu sisei jihuni swasa ka'ene venajaho niji 'aha kwinu vejuma parana jihuna'e Hu Godoni ija mana'inija'i asuma hinu.

Hipuru 2:9

'Enakaivo nú Jesu kavara. Vea ma'uako Hu 'ona oji'ina puni hari hinana. Ijihuni maijaho Hura núnijihuna'e kwamana'omo Godira vejume Huni pinana 'urine 'ee Huni iha ni'ima'ura renana. Godira maiji vwihanúajara rejume Jesuho ea mapoka ka'ene mwe'akaki hiju jihipuna'e kwamana.

1 Pita 1:21

Ja Huni vajijino Godi nimaa rojara. Ijihuni maijaho Hura vejume Hu kwamajaho 'urinana 'ee Huni pinana vejume 'urinana. Ijihuna'e jara nimaa rojujaho Godoni vaji navu.

1 Pita 3:22

Hu akúpa 'ahi ni va'ana'omo iviamaa Godoni ija mana'inija'i hi'eju'e 'ona oji'ina 'ee mama'ina 'ee harura Huni hararu hiju.