Akisi 19:29 - Godoni vuʼa maiuʼina

²⁹ 'Enareja pu ea mapoka ka'ene ara kaji'ura kajija pu urimaravume ani rejumakavi'i Keasi'o Arisitakasi'o irisame 'eka va'e 'otua vejuri sei va'ara. Pu no'o Mesatonia ora kaivo pu Poru oni napuhija'omo hu 'ajahe ojura.

Akisi 19:29 ပူးပေါင်းရင်းမြစ်များ

Akisi 13:5

'Enareja pu va'e Saramisi useme Jua puni Sinakoku vaji aneja vene Godoni vu'a najahara. 'Ene Joniho pu ni'ajihuna'e ahevara.

Akisi 16:12

'Ejara'omo ijí rena va'e Piripai usevara. Ijaho Mesatonia opuni kwaa ni'ina'omo nitama Romuupo 'ajohara'omo nú ijino na'ia makacharo hijara.

Akisi 16:9

'Enarena ijino na'i Poruho visoni kavume ea pina Mesatonia ori arini namiji'i ijá 'wama A Mesatonia roe nú ni'ajúha 'wamana.

Akisi 17:8

'Ejumakame eaka mapoka ka'ene ara kajino hijura 'ee ara kajihuni ea mama'ina ijí henareja pu niho'o 'urimaravume ani renana.

Akisi 19:21

'E'eme ijihuni túna'ijino Poruho hina oja vaji vwihana ijá rona Na va'e Mesatonia 'e'une va'e Akea 'e'une va'e Jerusaremi vahuna. 'Enareje ijihuni túna'i na va'e Romu 'u'o kahuna ronana.

Akisi 19:22

'Enarena hu Timoti'o Irasitasi'o hu ni'ajahi'ina'omo nimarako irechamiume Mesatonia va'ara. 'E'eme hu ijino Esia vea ma'uako hinana.

Akisi 19:32

Ea mapoka ka'ene ijí hija kajija puni vwiha ijaho puruva rene ani ani vwihajara. Ea 'aho'a vu'a kwino vwihajume ea 'aho'a pu vu'a 'aho'a 'umejara kaivo pura roe ahuma hija kajihuni maijaho pahejara.

Akisi 20:34

Ja niheju. Na nuni ija ikino uneunecha onuno vene 'ee ea ka'ene na hu'úmo ojujija ni'ajihura.

Akisi 20:4

Ea 'aho'a Sopata ho Peria ora ka'ene Pairusi oni harihijaho 'ee Arisitakasi ho 'ee Sekunitasi'o Tesaronaika ora 'ee Keasi ho Tepi ora 'ee Timoti ho Tichikasi ho Turopimasi ho ijano Esia ora'omo pu pu'úmo va'ara.

Akisi 21:30

'E'ikaivo pu ea mapoka ajinama parajume ni'aha kwino ninukujaha roe ahumareja pu aruma va'e Temiporu vaji Poruho 'uname tairie apena roe ma'ahi ro'eme vwicha kajaho marako kuvara.

Akisi 21:38

Ivi'a a Ijipiti ora ka'ene ni'ahuka ea mapoka mapoka (4,000) ka'ene ea 'aniu'e kwamasahi'ina oja ina'e aherame nechi'i va'ajaho pane? 'wamana.

Akisi 27:2

Aturamitiami opuni sisima ka'ene Esia va'iro venajino ea pina huni iha Arisitakasi ka'ene Tesaronaika vaji Mesatonia orijaho nú pu'úmo va'ana.

Romani 16:23

Keasi ka'ene na 'ajohie 'ee sosia 'u'o maho'o 'ajohaujara 'ajoramu. 'Ene Irasitasi ka'ene ara kwaa ikehuni monia 'ajohi'inijaho 'ee ea Kworitasi ka'ene núni vweijara ja 'ajoravu.

1 Koritia 1:14

Na Godi teimani 'wavujaho na ja ea 'aho'a toa pasamahuta kaivo na ea Kurisipasi'o Keasi'o toi samauta.

1 Koritia 4:9

'Enajihuna'e na vwihajujaho Godi nú apasorua túchamai 'eke nú namahe 'ania kwamasahuna'e 'waravu'e hijuja'ina'e irechamúana. Ijihuni maijaho nú 'ona oji'ina 'ee emaa ijihipo riru'avarono irechamúu'e hiju.

2 Koritia 8:19

'Ene ijiru pana kaivo sosi hu nú pu'úmo 'uraha ohuna'e iji pijahara. Ike kaukara maiu'inakaho núra 'ajohi'i Natohwiji ta'arohe 'ee jara ni'ajarahuniji najahe avaju.

Korasia 4:10

'Ene Arisitakasiho na hu'úmo tipurai hinuna'omo ijara ja 'ajoramu 'ee Panapasi oni vwina Maka ka'ene ja hununa'i vu'a 'aho'a hejajara joni roa ka'avajaho 'ajome 'ahe'avara.

Pairimani 1:24

'Ene Maka ho Arisitakasi ho Timasi ho 'ee Ruku ka'ene nú pu'úmo kaukara veji'inijipo 'ajoravu.

3 Joni 1:1

Na erutai Keasi ka'ene na oja mahujihuna'e veju.