Akisi 19:26 - Godoni vuʼa maiuʼina

²⁶ Ja nikama hejuja'ina'e Epasasieru pana kaivo Esia maho'o ike Poru ikara venau'e ea mapoka ijá 'wavo godia ka'ene iji vejujija godia pana 'úvu.

Akisi 19:26 ပူးပေါင်းရင်းမြစ်များ

Akisi 14:15

Ea ikije ja iraka'e ve'irono vejo? Nú 'u'o emaa areri jaa'ina. 'Enakaivo nú Godoni vu'a maa maiu'ina ja 'waravu jihuna'e ja ikija nimaa panakúne pata'arora'ika'i ta'arohe Godi nimaa ka'ene mai'o hiji'ina ka'ene akúpa vene mwe'a vene soha vene uneunecha ka'ene ijí navujaho venajihuni roha.

Akisi 17:29

Nú nimaa Godoni amuhija'omo nú ija'ina pavwihahuna. Huni kara ijaho areri korutia 'ee siruva 'ee muna ijino emaapo iji vejara parohuna.

Akisi 18:19

'Enareja pu va'e Epasasi usemareja hu pu ijí irechami'i kaivo hu va'e Sinakoku vaji arume va'e pu pu'úmo hine 'wame pira'aravi'i hijara.

Akisi 19:1

Aparasiho Koriniti hi'eme Poruho 'unama hurunami Epasasi roe tisaiporua 'aho'a piunimana.

Akisi 19:10

'Ejumakame juara no'o vaja kajino Jua 'ee Kuriki ora ka'ene Esia vaji hijujija Natohwi jihuni vu'a hejara.

Akisi 19:25

'Enarena hu ea ka'ene kaukara nikwinu'ina hura venu kaja'ina veji'inijihija 'umenaume ahuma roume hu ijá 'iama Ehu nune ja niheju. Nú ike kaukara iki venare'e nú hami mamaa hijura.

1 Koritia 12:2

Ja ni hena kavu. Vea ka'ene ja Godi pahene 'ee pakavari veijino ja godi ira'ata ka'ene ira pa'ajipo venaume 'unama ani ruva'ara.

1 Koritia 8:4

Ijihuna'e godi ira'atijihi puni 'iruma swasa ka'ene vejuji ijujihi puni vwiha ijí rone 'waravu. Nú nihena kivujaho godi ira'atijipo mwe'a kino nimaa hihuna pana. 'Ene godi 'aho'a pana kaivo Godi nikwinuna.

Karesia 4:8

'Enavo nú nitama Godi pahene pakavari veijaho nú mwe'a ikehuni godi ira'ati jihipuni hari pwea rene hijara.

1 Tesaronia 1:9

Pu opuipo núra ja ki'i roume jara 'unama ichá'ina ka'ene 'ekuajaho 'waruvara. 'Enareja jara godia ira'ata ka'ene iji vejuji nimaa rojujaho are'i kaivo ta'arohe Godi nimaa ka'ene majama hiji'iniji oja mahujaho 'waruvara.

Revaresiani 9:20

'Ene ea 'aho'a unekakaho pu parenaume pakwamasahara. Pu raka ka'ene puni iji godi ira'ata ka'ene pakivi'ina paheji'ina 'ee pa'urahoji'ina ka'ene korutia siriva parasi muna 'ee ichi 'eke vejaji pu 'avena sisea oja mahajaho pavwihana aremamaa arevara.