Akisi 17:14 - Godoni vuʼa maiuʼina

¹⁴ 'Ejumakame ni'aha kwino ea ka'ene nimaa roji'ina kajipo Poruho ranavume soha rori va'ana. 'E'eme Sairasi'o Timoti'o ijino hijara.

Akisi 17:14 ပူးပေါင်းရင်းမြစ်များ

Matiu 10:23

'Enakúne ari pini ja ruaraha ki'avajaho marako'a juhaha va'e ari pini va'avara. 'Enakaivo Na nimai ja 'waravu ja joni kaukara ka'ene ike Isureri opuni ara kwaa vajakino vejujaho mai'o pave para'eje Na Ema Puni Harihijaho kú'o 'unama rohuna.

Akisi 1:15

Ijá vejari veijino ea ka'ene Godi nimaa rojujijahija mapoka (120) ahuma hi'eme Pitara puni rira kaji 'urine arini namiji'i ijá 'waramana.

Akisi 15:22

'E'eme apasorua 'ee eruta 'ee sosia maho'o hejume nimaa'e rejume pu ea puni vaja kajino Panapasi'o Porui pu'úmo Enitioki va'avarono Jutasi ka'ene Pasapasi'o Sairasi'o nimaa roji'ina puni vaja kajino ea uranii'ina'omo ijí ija pijihara.

Akisi 16:1

'Enarena hu Tepi 'ee Risitara 'u'o roana. 'E'eme tisaiporua pina ijí hinuna. Huni ihijaho Timotina. Huni ohijaho Jua 'ee hu nimaa roji'ina kaivo huni omijaho Kuriki.

Akisi 17:10

'Enareja ijihuni na'i kajino ea ka'ene nimaa roji'inijipo Poru'o Sairasi'o irechamiume Peria va'ara. 'Enareja pu va'e usevajaho Jua puni Sinakoku va'ara.

Akisi 17:15

'E'eme ea 'aho'a Poru ahema apene va'e Etenisi usevume hu ona vene ijá 'iama Sairasi'o Timoti'o marako nuni ro'avara 'iavume pu va'ara.

Akisi 17:4

Pu ea 'aho'a nimaa ronareja Poru'o Sairasi puna'i rejara 'ee Kuriki mapoka ka'ene Godi juhavi'ina 'ee napara uranii'ina ka'ene ijí hijujija pununa'i rejara.

Akisi 17:6

'Enakaivo pu papiunimareja pu Jesaniho 'ee ea 'aho'a ka'ene nimaa roji'inijija pu irisama va'e ara kajihuni ea mama'ina puni nini va'ara. 'Enareja pu ijá 'umeja Ea ka'ene mwe'akake 'unama apene ta'arohujija 'u'o iki roara.

Akisi 18:5

'E'eme Sairasi'o Timoti'i Mesatonia rene roara. Poruho na'ia mapoka huni vea natohwa Godoni ira toi raname hine Jua najahe ijá 'iama Jesuho Kerisona 'iamana.

Akisi 19:22

'Enarena hu Timoti'o Irasitasi'o hu ni'ajahi'ina'omo nimarako irechamiume Mesatonia va'ara. 'E'eme hu ijino Esia vea ma'uako hinana.

Akisi 20:3

'Enarena hu ijino masapa no'opisu hinarena hu 'urine sisima 'ahi Siria va'i ve'eme Juapo hu 'anae kwahuna 'wavuma henarena hu areme 'uname Mesatonia 'unami vahuna vwihanana.

Akisi 9:25

'Ejumakame Huni Tisaiporuepo apene namea vaji niarikara. 'Enareja ea ka'ene vwicha 'ajoha namija kajihi juhame apene vera 'aha kaji ajima va'e karo'ahuni apúsavume va'ana.

Akisi 9:30

'Ejume vwehwapo ijí henareja pu hu ahema kami Sesaria va'ara. 'Enareja pu hu ranavume Tarasasi va'ana.

1 Timoti 1:3

Na Masatoniai va'irono a Epasasi hi'amarono 'ejahae 'waravu jihuni maijaho ea ka'ene vu'a ani'ina vajahuji tanu'urihe arehuna'e 'waravuta.

Taitasi 1:5

Nara a Kuriti ranamau jihuni maijaho kaukara pwinana'a ka'ene namuji ve'amarono avajuta. 'Ene arara kino nara 'waravu ja'ina'e eruta iji piji'amana.