Akisi 14:22 - Godoni vuʼa maiuʼina

²² 'Ejume pu va'e ijino ea ka'ene tisaiporua ni'ajihe puni nimairoa ija kisi 'uname hina vahuna'e 'warame ijá 'iava Haha natohwa'e hianame 'ee ea sise'i 'ahú'eje nú ja pu'úmo Godoni ara vahuna 'iavara.

Akisi 14:22 ပူးပေါင်းရင်းမြစ်များ

Matiu 10:38

'Ene ea irara huni korosia paapene Na 'ararihi'amajaho hu Nuni ea areri parehuna.

Matiu 16:24

'Enarena Jesura Huni tisaiporu ijá 'iama Ei pini Nuni túna'i roi ve'amajaho hu huni oja maka'i kaivo huni korosia apene Na 'ararihi'amana.

Matiu 19:24

'Ene Na vukú'o ja 'wara'i veju. Maha nitirua huni titi vaji aruma vahuna samaa kaivo ea kukua uneunecha rukima'urijara Godoni ari vahunijaho kikisima'ura 'iamana.

Maka 10:30

hu túna'i areri mwe'a mapoka mapoka ara mapoka mapoka oma mapoka mapoka oha mapoka mapoka poka mapoka mapoka 'u'ua mapoka mapoka ma'ina mapoka mapoka sesamaa mapoka mapoka rehuna. Ea hu sise'i 'aha'eja kaivo hu Godoni ari va'e majama hihuna.

Maka 9:47

Oni nii veje a Godoni 'unama pataaro'amajaho a oni nia 'anae supa'amana. Maijaho a nia kwinu apene hia mamaa apehuna kaivo nia no'ohe'i re'amajaho veni rehuni kwaa ka'ene vena pa'utarotisavi'ina ijino va'ena.

Ruku 24:26

Kerisoho uneunecha mapoka sisea Huni haha 'ahi marako rejakama'e iji'a Huni ara ka'ene hanaji'iniji vahuna 'iamana.

Joni 15:18

Mwe'akaki eaka hijujipo ja sena'avajaho ja niheju ja'ina'e pu Na nimaraku'a seniva jihuna'e avaju.

Joni 15:20

Nara vu'a ka'ene 'waravujaho vwiha'avara. Pwea huni Natohwiji'i areria pana. Pu Na sisei 'ahia ja'ina'e ja 'u'o sisei 'ahihuna. 'Enakaivo pu Nuni ira hena vejajija joni ira hena vehuna.

Joni 16:33

Na uneunecha mapoka ikija ja ni'waravu jihuna'e ja Nuni vaji matauvi'ina apehuna. Ja iki mwe'i hijujaho ja sisei hiju kaivo ata kairasa'avara. Ijihuni maijaho mwe'akaho Nara ni asivuta 'iamana.

Joni 3:5

Jesura eha vene ijá 'wama. Na nimaa nimaa a 'waravu. Ea toa 'ee Godoni 'Avenijara nahe'amajiana vo hu Godoni ara pavahuna.

Akisi 11:23

'Enarena hu ijí va'e'uji'i Godoni maiji vwihaniiniji kamajaho niho'o teamama parajume hu pu ni'ajihe ijá 'iama Natohwiji nimaa roji'i hi'avara 'iamana.

Akisi 11:26

'Enarena hu va'e kame ahema apene Enitioki va'ana. 'Enarena pu no'o juara kwino ijí hijara. 'Ene ijino sosia epu'úmo piuna'arame ea mapoka najahara. 'E'eme tisaiporu ijija amura'e Enitioki Keriso oni ehija 'wavara.

Akisi 11:29

'Ene tisaiporu ura renajaho pu ea kwino kwino Jutia vwehwaha ka'ene hijujihi ni'ajihe uneunecha 'aho'a irechamihe va'avarono ura renaara.

Akisi 13:43

'E'ikaivo ea mapoka ka'ene ijí Sinakoku hija kajija ni'aha kwino ma'ahi usemareja Jua mapoka'e 'ee ea 'aho'a ka'ene Jua rejara ka'ene Godi juhavi'inijija Poru'o Panapasi'o 'ararihie va'ara. 'Ejume pu 'ejahie ijá 'iava Ja Godira maiji vwihanúana vajijino 'uraho'avara 'iavara.

Akisi 14:20

'E'eme Tisaiporuepo roe huni rora kajino tauhuhe nami'eme hu 'urine ari vaji va'ana. 'Ena'omo ijihuni sú'uhijino pu no'o Panapasi'i ara iha Tepi va'ara.

Akisi 14:28

Pu 'aha jora'e ijí tisaiporu pu'úmo hijara.

Akisi 15:32

Jutasi'o Sairasi'o poropetia'omo pu no'o vu'a 'aho'a ijá kajihipuni nimaa rojujara kisina'e re'amarono ni'ajihe 'waravara.

Akisi 15:41

'Ejume hu va'e Siria 'e'une 'ee va'e Sirisia va'ana. 'Ene sosia ka'ene ijino hijujija ata kisi nami'avarono vu'a ni'ajihe 'waramana.

Akisi 18:23

'Enarena hu ijino na'ia 'aho'a hinarena hu iji'a va'e Karesia 'ee Pirijia opuni ara ara kajino va'ana. 'Enarena hu ea ka'ene nimaa roji'inijija ni'ajihe 'ata kisi nami'avarono 'waramana.

Akisi 6:7

'Enajihuna'e Godoni ira rausaha apene kwaa ara mapoka va'ana. 'Ejume pirisitia mapoka 'u'o nimaa rojara. 'Ene ea ka'ene Jerusaremi hijujija nimaa nimaa roji'ina mapoka mapoka rejara.

Akisi 9:16

Nara Nuni ihijihuna'e hura haha ni'ima'ura ka'ene hiahunijaho nahuna 'wamana.

Romani 8:17

Nú Godoni harihi jihuna'e Huni aachia 'ekahuna. 'Ene Jesunijaho nú pu pu'úmo ahuma 'ekahuna. Hu sisei hinaja'ina'e nú Hunijihuna'e sisei hi'ava jihuna'e nú pu pu'úmo túna'a núni pinana 'urihuna.

1 Koritia 1:8

Hura ja 'u'o 'uninamie kisina'e rena va'e vea túchamai 'e'une 'ee núni Natohwa Jesu Keriso oni veijaho panamúhuna.

Piripai 1:29

Ijihuni maijaho ja Keriso nimaa rohuneru pana kaivo Hunijihuna'e sisei hihuna 'u'o mihana.

Korasia 1:23

'Enakúne ike nimaaroakaho hena vene 'ee ija kisi 'uname namiha. 'Ene ja paki'eje vu'a maiu'ina kara iraka ka'ene rehuna 'waravume hejaji raname arema va'ava. Ijihuni maijaho ike vu'a mamaa maiu'inakaho kwaa ara mapoka ka'ene ike akúpa hari navukipo he'avarono 'waravara. 'Enajihuna'e na Poruho ijí ve'urono iji pijihana.

1 Tesaronia 3:13

'Ene Hu ja vena'e joni oja Godi ka'ene núni Omijihuni una'i ariramaa rene panama'eje núni Natohwa Jesuho 'ee Huni ea ariramaijipo Hu hu'úmo roavari veijaho matauma namihuna.

2 Timoti 1:8

'Enajihuna'e núni Natohwiji rone 'warahunijaho paju'amana. 'Ee nara Hunijihuna'e tipura hijujihuna'e pajuna'amana kaivo roe ja pu'úmo Godira harura ka'ene múhana vajijino ahuma Huni vu'a maiu'ini jihuna'e sisei hija.

2 Timoti 3:12

'Enajihuna'e ea Jesu Keriso oni vajijino hia arira'e hihuna'e ura re'amajaho nimaa'e ea pu sise'i 'ahihuna.

1 Pita 2:21

Ijihuni maijaho ja ija'ina vehuna'e 'umenaana. Kerisoho jonijihuna'e sisei hinana. 'Enarena Hura vena kaja'ina'e ja 'u'o Huni ma'aji 'ahi 'ararihae vehuna'e najahana.

1 Pita 5:10

Ja ma'uako siseisei hi'eje Godi ka'ene maho'o maiji vwihanii'inijara Huni pinana ka'ene majamano navi'ina ka'ene Keriso oni vaji 'umenaajara Hura Huhusu venae ariramaa rene nimaa rena parane harura mihe ata kirasa'avara.

1 Pita 5:9

'Enakaivo joni nimairoa vajijino kirasa'ika'i hu tanu'ura'avara. Ja nihena kavuja'ina'e vwehu jona 'aho'a mwe'akino 'unama nikwisu'ina kajino siseisei hiju.

2 Pita 1:11

Ijihuni maijaho 'unama ikehunikino ara majama nahuna ka'ene núni Natohwa Ni'ajúhi'ina Jesu Keriso oni vahuna maho'o ja mihuna.

Juta 1:3

Napuhu nuna ka'ene na oja mihi'inakije na 'unama ka'ene nú venume maranúana ka'ene nú apejaji asura vene ja 'wara'irono amairiaravuta. 'Enakaivo na iviamaa asurakaho vene ja jarirame 'waravujaho nimairoa ka'ene Godira Huni ehija mihajaho ja ija kisi 'uname 'ajohuna'e asurakaho veju.

Revaresiani 1:9

Vwehu nune na Jonira joni asurakaho mutumutu iha Patimasi hiji'i veju. Godoni vu'a 'ee Jesura núni maa ka'ene venaji rone na ea 'aho'a 'waravumakame senavume na tipurai ranamiara. Nú ja pu'úmo 'ajori Jesuni vaji ahija vaji aruvara. 'Ene Huni harura hari hine 'ee Hura ni'ajú'eje ata kairasahe 'unama ariri hiju.

Revaresiani 2:10

'Enakúne jara sisea ka'ene piunihunijija niho'o pajuha'avara. Ike heha! Setaniho ja ea 'aho'a vena kime tipura samahuna 'ee na'ia iropu ropu ja ruarahe sise'i 'ahihuna. 'Ene hu ja sise'i 'ahie 'ania kwamasa'i ve'avajaho ja Na niho'o patúchahi'avara. 'Eje Nara ja majama hihuni koraunu vajihuna.

Revaresiani 7:14

'Ejume na ijá 'wavo Nuni natohwe! Na pana vo a heji'ina 'wavuta. Hu ijá 'wima Ea ikijahija sisea ni'ima'ura vajijino roe usevara. Pu Remui jihuni 'aijino puni ateha sovume sajasa'ina rejara.