Akisi 13:50 - Godoni vuʼa maiuʼina

⁵⁰ 'Enakaivo Juapo vejume napara ka'ene iha rukina 'ee parua ka'ene ara kaji ura ni'ina pisimie oja inaume Poru'o Panapasi'o rurahe 'ararihiume kwaa puna kajaho are'i kaivo va'ara.

Akisi 13:50 ပူးပေါင်းရင်းမြစ်များ

Matiu 10:23

'Enakúne ari pini ja ruaraha ki'avajaho marako'a juhaha va'e ari pini va'avara. 'Enakaivo Na nimai ja 'waravu ja joni kaukara ka'ene ike Isureri opuni ara kwaa vajakino vejujaho mai'o pave para'eje Na Ema Puni Harihijaho kú'o 'unama rohuna.

Maka 15:43

Josapi ka'ene Aramatia ora kanisorua pina ea mapoka hu hena kavura'omo hu Godoni arijara rohuniji 'ajaha hiji'ina'omo hu roe pajuvi'i Pairati oni va'e Jesuni hahiji ape'i 'waramana.

Maka 5:17

'Ejume ari ora kajipo aneja vene 'ejahae ijá 'wava A núni kwaa are'i kaivo va'a 'wavara.

Akisi 13:43

'E'ikaivo ea mapoka ka'ene ijí Sinakoku hija kajija ni'aha kwino ma'ahi usemareja Jua mapoka'e 'ee ea 'aho'a ka'ene Jua rejara ka'ene Godi juhavi'inijija Poru'o Panapasi'o 'ararihie va'ara. 'Ejume pu 'ejahie ijá 'iava Ja Godira maiji vwihanúana vajijino 'uraho'avara 'iavara.

Akisi 13:45

'E'eme pu ea mapoka ahuma hijuma kimareja Jua niho'o senama parajara. 'Ejumakame pu Poru oni vu'ijaho apene arohe ani 'warame Poru ira sisea 'warame matahara.

Akisi 14:19

'E'eme Jua 'aho'a ka'ene Enitioki 'ee Aikoniami rene roajipo roe ea mapoka 'waravume pu ni'aha kwino muni 'eke Poruho 'anaara. 'Ene nikwamu ro'ika'i pu tairia apene va'e ara uri ranavara.

Akisi 14:2

'Enakaivo Jua 'aho'a panimaa rojara. 'Ena'omo ijipo vejume Jenitaru ea ka'ene nimaa roji'inijija niho'o senavara.

Akisi 14:4

'Ejumakame ea mapoka ka'ene ara kaji'urijija ea 'aho'a Jua puna'i rejume ea 'aho'a apasorua puna'i rejara.

Akisi 14:5

'Ejume Jenitarua 'ee Jua 'ee puni mama'inijipo ni'aha kwino 'urine apasorua kajihi ruarahe 'ee muni 'eke 'ani'irono vejara.

Akisi 16:14

'Enakaivo napara pina huni iha Ritiane 'ee hu Taiataira ora kaivo hu ateha avi'ina vene ea 'aho'a 'imenauna 'ee Godi oja mahi'ina'omo Natohwijara huni oja jaraume Porura 'waramajaho hene venana.

Akisi 17:12

'Enareja ea mapoka ijihuna'e nimaa rojume 'ee Kuriki napara 'ee parua 'aho'a ka'ene iha rukinijija 'u'o nimaa rojara.

Akisi 17:13

'Ejumakame Jua ka'ene Tesaronaika hijujipo hejajaho Poruho Godoni vu'a Peria 'u'o najahuma henareja pu va'e eaka mapoka kajihipo varapa ve'avarono oja inaara.

Akisi 17:17

'Ejumakame hu va'e Sinakoku vaji va'e Jua 'ee Jenitarua ka'ene Godi juhavi'inijihi pu'úmo pira'arame 'ee maketi vaji ea irahipo roe ijí hijujihi pu'úmo pira'aravara.

Akisi 17:4

Pu ea 'aho'a nimaa ronareja Poru'o Sairasi puna'i rejara 'ee Kuriki mapoka ka'ene Godi juhavi'ina 'ee napara uranii'ina ka'ene ijí hijujija pununa'i rejara.

Akisi 18:7

'Enarena hu ijaho are'ika'i va'e ea pina huni iha Taitasi Jasitasi ka'ene Godi oja mahi'ini jihuni sei va'ana. Huni seijaho Sinakoku romaina.

Akisi 2:5

'Ejume Jua ka'ene Godi oja mahi'ina ka'ene kwaa ani ani rena roajija ijí Jerusaremi hijara.

Akisi 21:27

Hura kwinu pa'are'i ve'eme Jua ka'ene Esia orijipo kavume hu Temiporu vaji hijume kama pu aneja vene ea mapoka puni oja inaume pu hu iji 'unavara.

Akisi 28:17

'E'eme vea no'opisu pa'are'eme Porura Jua puni ea ka'ene urani'inijija 'umenaume pu roe ahuma hijumakivi'i hu aneja vene ijá 'iama Ehu nunakije na ehu nuna ea 'aho'a pasise'i 'ahiuta. 'Ee emahu núpuni tamana 'aho'a papataarohuta kaivo pu na Jerusaremi tipura apenie Romu puni ija 'ahi ranamiara.

Akisi 6:12

'Ejumakame pu eaka ijihipuni oja ijumakame ea mama'ina 'ee Sikuraipia ijipo roe hu 'unama tairia apene kanisoru puni una'i va'ara.

Akisi 8:1

'Ejume hu 'anaume kwamajaho Soru oja vaja teamama paranana. Ijí vea kajaho sosia ka'ene Jerusaremi hijujaho ruarahume sisei hijara. 'Ejume pu 'oi'oi ea 'aho'a Jutia vaji va'ume 'ee ea 'aho'a Sameria va'eme apasoru eru irechamiara.

Romani 10:2

Na nihena kivu. Pu Godina'i maa reju ronare'e hina harura veju kaivo pu Godi nimaa pahena pakavura.

2 Koritia 11:26

Na veku veku 'unama jojora va'e roura vajijaho na ahija mapoka piunivura. Toa puni ahija anuameji'ina puni ahija nuni aepuni ahija Jenitaru puni ahija 'ee taunua vaja 'ee nechi'a 'ee soha 'ee vwehija ka'ene ira'ata rukinijihi puna'ijaho ahija piunivura.

1 Tesaronia 2:14

'Enajihuna'e vwehu núne Godoni sosia ka'ene Jesu Keriso oni vaji Jutia namijujipo vejaja'ina'e ja vejara. Ja ehu jopuna'i sisea ichá'ina ka'ene piuniva ja'ina'e pu 'u'o Jua puna'i sisea ija'ina'e piunivara vo kirasahara.

2 Timoti 3:11

Nara haha hiana ka'ene Enitioki 'ee Aikoniami 'ee Risitara apejujija a nihena kimana. Ijí haha hiana iraka ka'ene nara apejuta vajijaho Natohwijara na vahanimana.