Akisi 13:46 - Godoni vuʼa maiuʼina

⁴⁶ 'Ejume Poru'o Panapasi'o ira paju'ika'i ijá 'iava Nú mamaa vene Godoni ira ikaho ja marako 'waravara kaivo ja majama hihuna apehunijaho niho'o sename hwe'i 'ahiu jihuna'e ijaho ja ojono ka'eje nú Jenitarua puni vau.

Akisi 13:46 ပူးပေါင်းရင်းမြစ်များ

Matiu 10:6

'Enakaivo arira va'e Isureri opuni sipia ka'ene pivusahu jihipuni va'avara.

Matiu 21:41

Pu Hu ijá 'wava Hu pu niho'o eha sisea ni'ima'ura mihe 'anie tirahakivi'i vu juara kajaho ea 'aho'a'e mihe 'ajohe hi'ira'omo vea ka'ene ahaja ihuni veijara roakavi'i pura 'iruma eiria vajahuna 'wavara.

Matiu 21:43

Ijihuna'e Na nimai ja 'waravu. Godira Huni ara ka'ene ikino joni vaji namujaho apene ea 'aho'a mihe pu hami 'ajohakame 'ina rehuna.

Matiu 25:46

'Ejakame pu va'ajime va'a vena ka'ene majama reji'i namujino vahuna. 'Enakaivo vu ea ka'ene ariramaa ijijahija va'e majama hihuna 'iamana.

Ruku 24:47

'Ene Huni iha 'ahiji Jerusaremi rene va'e eaka mapoka ka'ene kwaaka mapokakino hijujija najahe pu puni sisea vwihane temukave aremamaa arevakame Godira puni sisea vwihanie arehuna.

Joni 1:11

Hu ehwapuni roana kaivo Huni ehija Hu hami paapejara.

Joni 4:22

Ja raka ka'ene oja mahe 'ee ta'arohujaho ja pahejura kaivo nú raka ka'ene oja mahe 'ee ta'arohujaho nú hejura. Ijihuni maijaho ea ni'ajihi'inijaho Jua puna'i rena rou.

Akisi 13:14

'E'eme Peka raname va'e Pisitia Enitioki vaji usevara. 'E'eme ijí Sapati rejume pu va'e Sinakoku vaji hijara.

Akisi 13:26

Vwehu nunakije ja Eparahami oni harihi jihipuni kachi'ina 'ee ea ka'ene Godi juhavi'inaka iki ja pu'úmo hijujija Hu nú ni'ajúharena Hu Huni vu'a nú múhana.

Akisi 13:5

'Enareja pu va'e Saramisi useme Jua puni Sinakoku vaji aneja vene Godoni vu'a najahara. 'Ene Joniho pu ni'ajihuna'e ahevara.

Akisi 19:9

'Enakaivo ea 'aho'a kirasaha parane 'ee vu'a pahene 'ee ira sisea 'Unama kaji rone ea mapoka puni una'i 'waravumakame Poruho pu irechami'ika'i tisaiporua aherame va'e Tiranasi oni sikuru ari najahe 'ee pira'aravi'i hijara.

Akisi 22:21

Hu ijá 'wima Nara a kwai natohwi Jenitaru puni kwai ranamaukúne va'a 'wimana 'iamana.

Akisi 26:20

'Enakaivo na marako Tamasikasi najahuta. 'Enarejo iji'a roe Jerusaremi najahe va'e Jutia puni ara kwaa vaja najahuta. 'Ene Jenitaru 'u'o najahuta. 'Enarejo Na ika'ina 'waravuta Pu puni sisea niarevarepo hine ojuja'ina'e o'avarono 'iavuta.

Akisi 28:28

'Ena'omo na ura ja hami hami ataa apúsame hehuna. Godoni vu'a ka'ene ea ni'ajihunijaho Hu iviamaa ranavu'e Jenitaru puni vaja 'u'o va'una'omo pu 'u'o hehuna 'iamana.

Akisi 3:26

'Enajihuna'e Godira Huni pwea vejume 'urine amura joni roana'omo merajihakame ea mapoka joni 'unama siseijaho ta'arohe aré ranahuna.

Akisi 4:13

Emaa kajipo kivume Pita'o Joni'o puni una'i namine paju'i kaivo ajira 'waravara. 'Ejumakame pu ea kajija sikurua pakavi'ina 'ee ea mamaha'omo ea najahaji kimareja niho'o oja hwa'usahura. 'Ejume emaa kajipo hejajaho pu Jesu pu'úmo 'urahojura hejara.

Akisi 7:51

Ja niho'o vu'ataa paheji'ina 'ee joni oja kisima'uri jihuna'e ja niho'o pahena paraju. Emahu jopo Godoni 'Avena pataaroha ja'ina'e ja 'u'o pataarohu.

Akisi 9:20

'Enarena hu va'e Sinakoku vaji aneja vene Jesu rone najahe ijá 'iama Hu nimaa nimaa Godoni Hariha 'iamana.

Romani 1:16

Na niho'o vu'a maa maiu'inakake 'warahunijaho pajunimu. Ijihuni maijaho vu'a kakaho Godoni harura ka'ene emaapo nimaa rojakame maranihunijina. Ike vu'a kakaho maraku'a Juaru najahareja iji'a Kurikia najahara.

Romani 2:10

'Enakaivo ea ka'ene mamaa'e vejujija pu pinana 'ee hura 'ee matauvi'ina mihuna. Amura Jua mihareje iji'a Kuriki mihuna.

Piripai 1:14

'Ene nara tipurai hijujara reju'e vwehu nuna ka'ene Natohwi jihuni harura ni'ina'e apene paju'ika'i Godoni vu'a 'waravu.

Hipuru 11:34

'Ene pu vena harura ka'ene Noinrena ajimaji utahe 'ee ea mai'o pu so'wi papijihume kwamasahe 'ee pu harura pa'ajija ta'arohe harura rukina remaravara. 'Ene pu ajira vajijaho harusima'ura rene 'arahara. Pu naka puni amia venaume pitapa juhahara.