2 Timoti 4:18 - Godoni vuʼa maiuʼina

¹⁸ Natohwijara sisea ani ani'ina vajijija ni'ajihe aherime Huni kwai akúpi 'ahi vahuna. Pinana mamaa ijaho aneja púsa pa'ana'e Huna. Ameni.

2 Timoti 4:18 ပူးပေါင်းရင်းမြစ်များ

Matiu 13:43

'E'eje Godoni eijija puni Omijihuni ari vea puna'i risa'eje hihuna. 'Enakúne ea ka'ene ataa rukinijija ataa apúsame heha.

Matiu 25:34

'E'eje Kinijara ijí ea ka'ene Huni mana'inija'i hi'avajijahija ijá 'warahuna Roajiha Núni Omijara ja merajiharena nitama ike mwe'akaho mai'o pareji'ini joni kwaa ka'ene amairihaji apeha.

Ruku 11:4

Núni sisea vwihanúa arema. Ijihuni maijaho nú 'u'o ea 'ahopo sisei 'ahúujaho nú vwihanie arevura. 'Ene paaherume vena kivuri vajijaho va'amana 'iamana.

Ruku 12:32

'Enakúne eakije niho'o patea juna'avara. Ijihuni maijaho joni Omijaho ura rene teamama para'eju'e Huni arijaho ja mihu.

Ruku 22:29

Nuni omijara Na Nuni kwaa 'ajohuna mihaja'ina'e Na 'u'o ja mihu.

Joni 17:15

A mwe'akino pu 'eka ani vahuna pa'waravu kaivo 'avena sisei ruara'enakúne 'ajoha'amana.

Romani 11:36

Uneunecha mapokakija Huni rene roara 'ee Huni vaji rejara 'ee maho'o Huna. Ijihuna'e nú Hu majama ta'arohuna. Ameni.

Romani 16:27

Jesu Keriso oni vaji nú majama Godi ka'ene hena kama paraji'inijiru ta'arohi'i hina apena vahuna. Ameni.

1 Koritia 1:21

Mwe'a kehuni vwiha mamaa vajijaho paroe Godi hena kahunijaho nikimana. Godi teamamajaho ike vu'a ka'ene ea 'ahopo kavume maa pa'ana'e renuna vajakino najahume ea ka'ene nimaa rojajija maraniana.

1 Koritia 10:13

'Ene joni una'i venakaa ka'ene roujija ani'ina pana. 'Enakaivo ijaho ea mapoka ikehi puni una'i nija'ina'e rena'inapo rejura. Godiho niho'o pauchavi'ini jihuna'e Hu ruha paaremahe venakaa ka'ene a panamiuhunijaho vena kahuna. 'Ene Hu kú'o ijí venakaa vaja kajino ara va 'e'uhuna 'unama venahuna. 'Eje a areri kisina'e rene namihuna.

1 Koritia 15:50

'Ena'omo vwehu nune na ijá 'iavu Haha 'ee 'aa rukinijaho Godoni ara kwaa pavahuna. 'Ene pa'areji'inijaho papa'arehunijaho areri paapehuna.

2 Koritia 1:10

Hura ahija ni'ima'ura ka'ene kwamasahuni vajijaho ni'ajúhe 'ekue karaa ruva'uana. 'Ene Hura ni'ajúhuna. Nú Huni toi núni nimaa roijaho ranavura'omo Hu majaa ni'ajúhe vahuna.

Karesia 1:5

Ijihuna'e pinanijaho niho'o aneja púsa pa'ana'e maho'o majama Huna. Ameni.

1 Tesaronia 5:23

'Ene ivi'a Godia ka'ene matauvi'inijara maho'o venae arimaa'e rene 'ee joni 'avena 'ee joni oja 'ee joni haha maho'o 'ajohakame vea ka'ene núni Natohwa Jesu Kerisora ro'amajaho niho'o panamu'amana.

2 Tesaronia 3:3

'Enakaivo Natohwijaho pauchavi'ini jihuna'e Hu ja harura mihe 'ee sisea veji'ini jihipuna'ijaho 'ajoahuna.

1 Timoti 1:17

Hu iviamaa Kinia ka'ene majama hiji'inijina 'ee pakwavi'inijina 'ee haha pakavi'inijina 'ee Hu Godi nikwinuna 'ee Huni hura venahura 'ee pinanijaho aneja púsa pa'ana'e Huna. Ameni.

1 Timoti 6:16

Majama hihunijaho Hununa'i namu 'ee Hu hanaji'ina vaji hiju'e ea areri Huni una'a pava'ura. 'Ene ea Hu pakavi'ina 'ee Hua'e kahuna areri pana. 'Ene harura 'ee hura vejujaho maho'o majamano Huna.

2 Timoti 1:12

Ijihuni hahi na 'u'o ike uneunecha kehi punijihuna'e na sisei hijuta kaivo na pajunimu. Ijihuni maijaho na irá nimaa rojujaho na nihena kavu 'ee na nimaa rojujaho Hu nara raka ka'ene Hu ve'amaro mahujaho hu areri 'ajo'eje va'e vea kajaho apehuna.

2 Timoti 4:1

Na Godiho 'ee Jesu Keriso puni una'i a Ira naja'amarono 'waravu. Ijihuni maijaho Hura Kinia'e rene hi'iro'amajino ea ka'ene mai'u hijura 'ee kwamasahajija 'otua vetihuna.

Hipuru 11:16

'Enakaivo areri ija'ina. Pu ara kwaa mamaiji ura vejujaho akúpa 'ahi jihunijina. Ijihuni hahi Godiho puni Godi 'iahunijaho pajumu. Ijihuni maijaho Hu puni ara natohwa amairiaramahana.

Hipuru 12:22

'Enakaivo ja Saiani Huri'i Godi ka'ene majama hiji'ini jihuni ara kwai roara. Ara kwaa kajaho akúpa huni Jerusaremijina'omo Godoni 'ona oji'ina mapoka mapoka areri patahuna ijí hiju.

Hipuru 13:21

'Ene Godira veje uneunecha mapoka ka'ene ja Huni ura ijí vehunijaho vajihama. Hu joni vaji veje uneunecha raka ka'ene Hu teamahunijaho Jesu Keriso oni harura vaji renama. 'Ene Jesu ta'arohujaho majama nama apena va'ama. Ameni.

Jemisi 2:5

Vwehu nuna ka'ene na ja oja mihi'inakije heha! 'Ú Godiho ea ka'ene mwe'akino pivusahi'ina ka'ene Hu oja mahe 'ee puni nimairoa marasaha parane 'ee aachi'a ka'ene Godoni ari vahunaka nahama 'waramaji apehuna ija papijihana raka?

1 Pita 1:5

Godira Huni harurijino 'ajoha'eju'e joni nimairoa vajijino ni'ajihajaho vea túchamaijino samaahirave kahuna'e amairiaramu.

1 Pita 5:11

Harura ka'ene aneja púsa pa'ajaho Huna. Ameni.

2 Pita 1:11

Ijihuni maijaho 'unama ikehunikino ara majama nahuna ka'ene núni Natohwa Ni'ajúhi'ina Jesu Keriso oni vahuna maho'o ja mihuna.

2 Pita 3:18

'Enakaivo núni Natohwa 'ee Ni'ajúhi'ina Jesu Keriso oni maiji vwihani'ina 'ee henaka vajijino emare'avara. 'Ene iviamaakino rene va'e majama aneja púsa pa'ana 'ee pinana maijaho Huna. Ameni.

Juta 1:1

Juta ka'ene Jesu Keriso oni pwea 'ee Jemisi oni 'u'uiji'i ea ka'ene Amo Godira oja mihe 'umenau'e Jesu Keriso ona'e 'ajoha'eju'e hijujihi puna'e veju.