2 Timoti 2:21 - Godoni vuʼa maiuʼina

²¹ Ijá ve'eje ei pini ijí huni uneunecha siseakihi ato'aru'i kaivo hu areri minikia ka'ene vea mama'inijino vena ijuja'ina'e rehuna. Iji pijahe karaa ranave Natohwi jihuni kaukara mamaiji venahuna.

2 Timoti 2:21 ပူးပေါင်းရင်းမြစ်များ

Akisi 9:15

'Enakaivo Natohwijara ijá 'wama Ijí ea kajihuni va'a Nara hu Nuni kaukara ve'amarono iji pijahuta'omo hu Nuni iha apene Jenitaru 'ee kinia 'ee Isureri oni harihija najahuna.

1 Koritia 5:7

'Enakúne isitia sahasijaho ato'aruvakame ja harava maiu'ina'e re'avara. Ijihuni maijaho ja venaume harava isitia pa'ana'e rejara. Ijihuni maijaho Keriso ka'ene núni Pasova ijaho apene núnijihuna'e swasa vejara.

2 Koritia 7:1

'Enajihuna'e vwehu núna ka'ene nú oja mihi'ine ike nahama 'warumake henareje roe ja pu'úmo uneunecha ka'ene veje núni haha 'ee 'avena siserasahunijija areva.

2 Koritia 9:8

'Ene Godiho maiji vwihaniujaho areri venahe jonuna'a ani renahuna. 'Ejakame na'ia mapoka uneunecha mapoka maho'o areri renahuna. 'Ene jara kaukara mamaa ka'ene ve'avajaho uneunecha mapoka areri renahuna.

Epasasi 2:10

Ijihuni maijaho nú Huni Isura'e Jesu Keriso oni vaji venuana. 'Ejakame kaukara mamaa ka'ene nitama Hura amairiaramaji ve'avarono venuana.

1 Timoti 6:11

'Enakaivo a Godoni eijihuna'e 'unama ija'inijija juha'amana. 'E'ikaivo arira maiji 'ararihae vene 'ee Godi ura renuji vene 'ee nimaa rone 'ee oja 'ekarame masuani ajuarame mamaa'e ve'amana.

2 Timoti 2:16

'Enakaivo mwe'a kehuni vu'a ka'ene maa pa'ajija juha'amana. Ijihuni maijaho ijipo aherame va'e Godi ura parenujihi ve'enakúne.

2 Timoti 2:20

Sea ni'ima'ura vaji minikia ani ani'ina navu. 'Aho'a korutia vejare 'ee 'aho'a sirivai vejarepo nahuneru pana kaivo icha 'ee 'anatai vejara 'u'o navura. Ijija 'aho'a vea mama'ina'e rejuji vena ijura kaivo 'aho'a na'ia mapoka vena ijura.

2 Timoti 3:17

'Eje Godoni ehija amairiarama areri rena'e kaukara mamaa ka'ene Godira ura renujaho areri vehuna.

2 Timoti 4:11

'Enakaivo Rukura huhusu na hu'úmo hinu. 'Enakúne Maka aheve a hu'úmo ro'amana. Ijihuni maijaho hu kaukara vajakaho ni'ima'ura'e ni'ajihuna.

Taitasi 3:1

Kú'o huri 'warave pu vwiha'avara. 'Ene puni 'ajoha'ina 'ee kamatia puni hari hine puni ira hene ve'avara 'ee mamaaru vehuna'e amairiaravi'i hi'avara.

Taitasi 3:14

Ehu nuna najahakame kaukara mamaa vene 'ee iviamaa huni temukaho ahija ni'ajihakame pu uneunecha puni iji veji'ina'e re'avara.

Taitasi 3:8

Ike vu'a ka'ene nara ja 'waravukija nimaa nimaa'omo na ura ja 'unama kajaho hina 'ejahi'i 'wavakame Godoni eijija na'ia mapoka mamaa kaji vehuniji hami hami 'ajo'avara. 'Ejakame ike 'unamakaho mamaakúne ijara ea ni'aji'amana.

1 Pita 1:22

Ja nimai ijihuni ira hena vejume joni oja maa renajihuna'e nimaa nimaa vwehu jona oja mi'avara. 'Ene oja vamaa kami rene roe oja 'ekara'avara.

1 Pita 1:7

'Ene joni nimairoa ijara korutia asimana'omo korutia ka'ene siserane 'ee pa'arehunijija veni vena kivuja'ina'e joni nimairoa vena kive roe areri rena parahuna. Jesu Kerisora ro'amani veijino ja ta'arorahe joni pinana veje 'urine 'ee joni iha ichutoi rehuna.

1 Joni 3:3

'Enajihuna'e ea irara ike nimaaroakaho Huni vaji namujihuna'e hu ori'ini vejume arira maa renana. Areri Hu arira maija'ina renuna.