2 Tesaronia 3:14 - Godoni vuʼa maiuʼina

¹⁴ Ike pasia vajakino raka ka'ene núra 'waravaji ea pini hena pave'amajaho ja hu hami kavi'i pu pu'úmo paahuvakame hu niho'o juma para'amana.

2 Tesaronia 3:14 ပူးပေါင်းရင်းမြစ်များ

Matiu 18:17

'Enakúne hu joni ira paheja ka'avajaho jara sosi nahama 'wara'avara. 'Eje hu ijí paheja ka'avajaho iji'a maka'eje Jenitaru rene 'ee takisi apeji'ina re'amana.

Romani 16:17

'Ene vwehu nune ea ka'ene roe vena'e ja 'ahaahunijija nia hami ki'avara 'ee iraka ka'ene nara najahujaho are'ika'i 'unama ani'ina'e najaha ki'avajaho juhame ani va'avara.

1 Koritia 4:14

Ikijahija ja juna'avarono na vehuna pana kaivo ja nuni harihija ka'ene na oja mihure sa'ini jihuna'e na ja ni'ajihe 'waravu.

1 Koritia 5:11

Nimaa'e na joni asura vene ea ka'ene nimaa roji'ina 'i'ika'i 'uasa veji'ina 'ee ea 'ahopuni kukua kima itunavi'ina 'ee godia ira'ata oja mihi'ina 'ee ea ira sisea 'waravi'ina 'ee ea ka'ene toa sisea isa'ora 'ee ea ka'ene nesa apeji'iniji'i paahume 'ee 'iruma paihuna'e rone vejuta.

1 Koritia 5:9

'Enajihuna'e na nuni asura vaji vene 'waravujaho ja ea ka'ene marisi 'uasa veji'inijihi pu'úmo paahuhuna'e 'waravuta.

2 Koritia 10:6

'Ene vea ka'ene vu'ataa hejujara roe areri rene para'amajino nú amairiarame areri rene uneunecha ka'ene vu'a ataa pahejujija eha mihuna.

2 Koritia 2:9

'Ene 'u'o ja uneunecha maho'o areri hene veji'iniji vene ki'i 'ahiume na joni asura vejuta.

2 Koritia 7:15

Ijihuni maijaho jara huni ira hene vene 'ee huni hura vene 'ee hura ichá'ina venuji ni'ima'ura'e vwihajaji vwihanare'e hu niho'o ja ea mapoka'e ikihi puna'i oja natohwa'e henu.

Piripai 2:12

'Enajihuna'e ehu nune na ja oja mihi'ine ja na'ia mapoka'e nihene vejura. Nuni una'eru pana kaivo na ani ruva'uri vajijaho ja niveju kaja'ina'e ja ni'ajihuni 'unamijaho ojono akume juvi'i ve'avara.

Korasia 4:16

Vea ka'ene asura ike joni vaji tahe pa'are'amajaho Reatisia sosia vaja 'u'o ta'avara. 'Ene joni vea rejakavi'i nuni asura ka'ene Reatisia rena rouji ta'amana.

1 Tesaronia 4:8

'Enajihuna'e ea irara ike hene pataarohujaho hu emaa papataarohu kaivo Godi ka'ene Huni 'Avena mahaji pataaroha avanu.

2 Tesaronia 3:6

Vwehu núne nú ja Natohwa Jesu Keriso oni ihi 'urahi'i 'waravu. Ea ka'ene núra najahu ja'ina'e pahi'ika'i maiji ucha'asahe hiju jihipuni rora paruva'avara.

Taitasi 2:8

A niho'o vu'a maaru ea naja'amana. 'Ejakame ea pina a sisea areri pa'wara'amana. 'Ene ninakaravi'inijija junave nú ira sisea areri pa'waru'avara.

Taitasi 3:10

Ei pini ja pu'úmo ahuma hi'i kaivo hu veje ea 'aho'a ani ani vwihaja ka'avajaho 'aha no'o ruvi'i kave pa'areva ka'avajaho rotura'avara.

Pairimani 1:21

Na ara hene vehuniji nimaa roji'i pasia ikaho ona'e vejujihuna'e na nihejujaho nara 'waravukaho a venareje 'aho'a huri vehuna.

Hipuru 13:17

Joni sosi 'ajohi'ini jihipuni ira hena vene 'ee puni hura ve'avara. Ijihuni maijaho pu joni 'avena 'ajohe 'ee pura raka ka'ene vejujija Godi 'waravi'i vejura. 'Enakúne ja puni ira heji'ina rejakame pu patemuka'eje puni kaukara hami veji'ina re'avara. Pu temuka'eje ve'avajaho hami pani'ajihuna.

2 Joni 1:10

Ea 'ahopo ja naja'iro ro'i kaivo ijí raka ka'ene najahaji paapene roa ki'avajaho pa'warave joni sea roe 'ee pa'ajo'avara.