2 Tesaronia 2:16 - Godoni vuʼa maiuʼina

¹⁶ 'Ena'omo iviamaa núni Natohwa Jesu Kerisora Huhusune 'ee Godi ka'ene núni Omijara maiji vwihanúani vajijino oja múhe 'ee majama matauma hihuna 'ee nimairoa mamaa múhana.

2 Tesaronia 2:16 ပူးပေါင်းရင်းမြစ်များ

Ruku 16:25

'Enakaivo Eparahamira ijá 'wama Harihe a mwe'i hinajaho vwiha'amana. A mari'uvi'i hinana. 'Ene uneunecha mamaa 'ekana kaivo Rasarasiho sisea'e piunama jihuna'e hu iviamaa mamaa piuname teama'eju'e a haha ni'ima'ura hianamu.

Joni 13:1

Pasova vea mai'o paape'eme Jesu henajaho Huni vea ka'ene kú'o Omahoni va'ika'i mwe'ake arehunijaho niroe apenana. 'Ena'omo Hu Huni ea Humaa ka'ene mwe'i hijuji oja miha apene va'u va'o va'e 'urí 'e'unana.

Joni 15:13

Ja napuhu jona nimaa nimaa oja miha para'avajaho ja puni hahijihuna'e kwamasa'avara.

Joni 15:9

Areri Amora Na oja mihaja'ina'e Na ja 'u'o oja mihutakúne Nuni oja mihuri vajijino hi'avara.

Joni 16:22

Ijihuni hahi ja iviamaa ija'ina temukamu. 'Enakaivo Na ja kú'o kive joni oja sonahihuna. 'Eje ea pina joni vaji temara ijaho paapena ruvahuna.

Joni 3:16

Godi mwe'a kakaho oja niho'o mahajihuna'e Huni Hariha nikwinuna kaivo Hu múhana'omo ea irara Hu nimaa ronujaho hu papa'arehuna kaivo hu majama hihuna.

Joni 4:14

'Enakaivo ea irara toa ka'ene Nara mahuji i'amajaho hu kú'o toa pahuahuna. Ijí toa ka'ene Nara hu ma'ujara huni oja vaji namareje toa úja ajime arihareje ijara vejakame majama hihuna 'wamana.

Akisi 15:11

'Enakaivo Jesu ka'ene Natohwi jihuni maiji vwihanúajara rejume nú maranúa ja'ina'e pu 'u'o 'unama nikwisu'ina kajino vejume maraniana.

Akisi 18:27

'Ejume hu Akea va'iro ura rejume ea nimaa roji'ina ka'ene ijino hijujipo ni'ajahe tisaiporuapo roe hu 'ajahe ahehuna'e vejara. Hu va'e ijí 'e'unarena ea ka'ene maiji vwihani'ina vaji nimaa rojajija ni'ima'ura'e ni'ajihana.

Romani 1:7

Ja ea ka'ene Godira oja mihe 'ee Huni ea ariramaa'e rehuna'e iji pijihana ka'ene Romu hijujije Godi ka'ene núni Omijine 'ee Natohwa Jesu Keriso ja maijí vwihanie 'ee matauvi'ina mihu.

Romani 4:16

Ijihuna'e nú Godi nimaa rojajihuna'e Hu nú maijí vwihanúe múhajihuna'e Hu nú nahama 'warumajaho Huni amuhi puni vaji nimaa rehuna. Godi Juaru pamerajihana vo ea ka'ene Eparahamira nimaa ronuja'ina nimaa roji'inakaho ijá merajihuna. Eparahamiho nú eaka mapoka kehi puni oma.

Romani 4:4

Ei pini kaukara ve'amajaho hu eha apehuna kaivo swara vene mahuna pana vo hura kaukaraka venajihuni eha mahura.

Romani 5:8

'Enakaivo Godi nú oja ka'ene múhaji najuhu jihuni maijaho nú sisea kaivo Hu Jesuho ranavume roe núnijihuna'e kwamana.

Epasasi 5:2

'Ene Kerisora ja oja mihaja'ina'e oja 'ekaravi'i o'avara. 'Ene Hu Huhusu nú múharena areri swara vene swasa Godona'e amua 'u'amarono venana.

Epasasi 5:25

Parue napahu jona oja mi'avara. Areri Kerisora sosi 'u'o oja maharena Huni haha mahaja'ina'e ve'avara.

Korasia 1:23

'Enakúne ike nimaaroakaho hena vene 'ee ija kisi 'uname namiha. 'Ene ja paki'eje vu'a maiu'ina kara iraka ka'ene rehuna 'waravume hejaji raname arema va'ava. Ijihuni maijaho ike vu'a mamaa maiu'inakaho kwaa ara mapoka ka'ene ike akúpa hari navukipo he'avarono 'waravara. 'Enajihuna'e na Poruho ijí ve'urono iji pijihana.

Korasia 1:5

Ijihuni maijaho iraka ka'ene ja nimaarojura ka'ene akúpi 'ahi navuji'ina. 'Ene nimarako ja vu'a nimaa ka'ene vu'a maa maiu'ina vajijino hejajina.

1 Tesaronia 1:3

Na'ia mapoka'e jara nimaa rohuni kaukara ijí vene 'ee ea oja mihe 'ee nimairoa ka'ene núni Natohwa Jesu Keriso oni vaja 'ee núni Godi 'ee Omijihuni una'i ija kisina 'unama hijuji vwihaniura.

1 Tesaronia 3:11

Godi ka'ene núni Omijara Huhusune 'ee Jesu ka'ene núni Natohwiji'o núni 'unama venuhakame nú vu'e ja kihuna.

2 Tesaronia 2:13

'Enakaivo vwehu núna ka'ene Natohwijara ja oja mihukije nú na'ia mapoka jonijihuna'e Godi teimani 'wavura. Ijihuni maijaho nitama anejijino Godira ja maranihuna'e iji pijihana. 'Ene 'Avenijara somahume ja nimaijaho nimaa rojara.

Taitasi 1:2

Ijí majama hihuna apehuna ka'ene Godi ira'ata pa'ajara nitama nahama 'warumaji 'ajaha hiju.

Taitasi 2:13

'Ena'omo nú vea ka'ene Hura rohuni vea mamaa kaji 'ajaha hine 'ee núni Godia ka'ene ni'ima'urijaho 'ee núni Ni'ajúhi'ina Jesu Kerisora eajarame roa arihuniji 'ajaha hiju.

Hipuru 7:19

Ijihuni maijaho varapijara rejume ariramaa parejara. 'Ene iviamai ijihuni tinijaho unenu pina mavarasa'ina apejara. Ijihuna'e ijaho Godoni nini roajina.

1 Joni 3:16

Ike 'unama ikehunakino Hura nú oja múhajaho hena kavu. Ijihuni maijaho Hu Huni hia núnijihuna'e múhana. 'Enajihuna'e nú 'u'o núni hia vwehu núna'e mihuna.

Revaresiani 1:5

Jesu Keriso ka'ene nú maiji vwihanúe oja soni samuhajara vu'akaho 'warumu. Eaka mapoka ka'ene kwamasahi'inijipo kú'o 'urihuni amurijaho Jesura 'urinana. Hu mwe'a kakehuni ea mama'ini jihipuni 'Ajoahi'ina. Nú Jesu ta'arohu jihuni maijaho Hu nú oja múhe Huni 'aiji núni sisea somuhana.

Revaresiani 22:5

'Enavo ara natohwa kajaho pana'ihuna. 'Ene nahehapo hanahuna pane 'ee vea hanahuna pana. Ijihuni maijaho Godi Natohwi jihuni hanaji'inijara hanahuna. 'E'eje Pu majama 'ajoaha apena vahuna.

Revaresiani 3:9

Ike heha! Ea ka'ene Setani oni sinakoku vaji hijujijahija pu ika'ina 'waravu Nú Jua. 'Enakaivo pu ira'ata veju. Ike heha! Nara veje pu roe joni una'i nitupari same Nara ja oja mihujaho pu ijí hena kahuna.