2 Tesaronia 2:13 - Godoni vuʼa maiuʼina

¹³ 'Enakaivo vwehu núna ka'ene Natohwijara ja oja mihukije nú na'ia mapoka jonijihuna'e Godi teimani 'wavura. Ijihuni maijaho nitama anejijino Godira ja maranihuna'e iji pijihana. 'Ene 'Avenijara somahume ja nimaijaho nimaa rojara.

2 Tesaronia 2:13 ပူးပေါင်းရင်းမြစ်များ

Ruku 1:75

'Ene Huni una'i arimaa 'ee nimaa nimaa núra hi'avari veijaho hina vena apene vahuna.

Joni 1:1

Nitamatama anejijaho Irijina. Irijaho Godi ahuma hinana. 'Ene Irijaho Godina.

Joni 14:6

'Ejume Jesura ijá 'wama Na 'uname 'ee nimaa nimaa 'ee majama hihunijina. 'Ena'omo ei pini 'unama ani'ina venareje Amo uni rohuna areri pana kaivo nikwisu Nuni vajaruna.

Akisi 13:48

'Ejakame ijí Jenitaru kajija pu vu'a kaji henareja temarasahe 'ee Natohwi jihuni vu'ijaho ta'arohara. 'Ene ea ka'ene majama hihuna'e Godira iji pijihajija nimaa rojara.

Akisi 15:9

Hu kúmujaho núa 'ee pua ani'ina kaivo nimaa roijara puni oja vaji sisea soma amairiahana.

Romani 6:17

'Enakaivo Godi teimani 'waha. Ijihuni maijaho ja sisei jihuni pwehija rejara kaivo ja joni oja vaji 'unama ka'ene najahuke hene vejara.

Romani 8:33

Irara ea ka'ene Godira iji pijúhajija nama'ena? Godira pu ariramaa 'iamu.

Romani 9:11

Ijí hwaharisina kajija mai'o panahena'e 'ee sisea maa mai'o paveji'ina. 'Enakaivo Godiho Huni urijino ea irá Hu ura renujihi iji pijihuna kaivo ea kajipo siseaho mamaa'e vejakame iji pijihuna niho'o pana.

1 Koritia 1:21

Mwe'a kehuni vwiha mamaa vajijaho paroe Godi hena kahunijaho nikimana. Godi teamamajaho ike vu'a ka'ene ea 'ahopo kavume maa pa'ana'e renuna vajakino najahume ea ka'ene nimaa rojajija maraniana.

Karesia 3:1

Karesia ora ka'ene vwiha pa'akije ea irara ja pisimiane? Jesu Keriso korosia 'ahi 'anaajaho na eriri joni una'a panajahume samaa'e parenane?

Epasasi 2:8

Godira maiji vwihanúani vajijino ja nimaa rojajihuna'e maraniana. Ijaho jara joni harurijino vehuna pana kaivo Godira swara vene múhana.

Korasia 1:5

Ijihuni maijaho iraka ka'ene ja nimaarojura ka'ene akúpi 'ahi navuji'ina. 'Ene nimarako ja vu'a nimaa ka'ene vu'a maa maiu'ina vajijino hejajina.

Korasia 3:12

'Enajihuna'e ja ea ka'ene Godira akuavi'ina 'ee oja mihe iji pijihakije oja ka'ene ea 'aho'a kime temukame 'ee epuna'i mamaa'e vene 'ee epuni hari hijura 'ee ea ajuarasahi'ina rene masuani hijuri ojijino saha.

1 Tesaronia 1:4

Vwehu núne Godi ja oja mihe 'ee Hura ja iji pijihajaho hena ka'avara.

1 Tesaronia 2:12

Ijihuna'e Godi ka'ene ja 'umenau'e Huni ara 'ee hanaji'inijino vahuna 'iamajihuni 'unama ka'ene Hura kive areri rehunijino o'avara.

1 Tesaronia 4:7

Ijihuni maijaho Godira nú 'umenuajaho nú 'unama sisea ka'ene 'uasa ve'avarono ija pijúhuna pana kaivo nú ariramaa rehuni jihuna'e iji pijúhana.

1 Tesaronia 5:9

Ijihuni maijaho Godiho nú Huni sena vaji aruhuna iji pijúhuna pana kaivo ni'ajúhajaho núni Natohwa Jesu Keriso oni vaji apehuna'e ija pijúhana.

2 Tesaronia 1:3

Vwehu núne nú na'ia mapoka'e jonijihuna'e Godi teimani 'wavura. Ijihuni maijaho joni nimaa roijaho niho'o emarena paranu. 'Ene jara oja 'ekaravujaho 'u'o niho'o emarena paranu.

2 Tesaronia 2:10

'Ene sisea ira'ata kajino maho'o ea ka'ene kwamasahunijaho pisimisahuna. Ijihuni maijaho pu nimaa ka'ene pu maranihunijaho oja pamahe 'ee paapejara.

2 Tesaronia 2:12

Pu maho'o eha apehuna. Ijihuni maijaho pu sisemaiji ura rena para'ika'i nimaijaho panimaa rojara.

2 Tesaronia 2:16

'Ena'omo iviamaa núni Natohwa Jesu Kerisora Huhusune 'ee Godi ka'ene núni Omijara maiji vwihanúani vajijino oja múhe 'ee majama matauma hihuna 'ee nimairoa mamaa múhana.

2 Timoti 1:9

Núra kaukara mamaa'e vejakame Hu nú ni'ajúhuna pana kaivo ijaho Hura mahuni ura ijino maiji vwihanúarena mai'o mwe'a paveji'ini Jesu Keriso oni vaji nú ni'ajúhana 'ee hia arira akuavi'i hihuna'e iji pijúhana.

2 Timoti 2:15

Oni kaukara hami hami vejakame Godiho onijihuna'e teamama para'amana. Oni kaukara hami ve'irakúne niho'o pajuna'amana. 'E'eje Godoni Ira ariramaa nimaiji amairia nirisame naja'amana.

2 Timoti 3:15

'Ene a mai'o sesamu'uru rene Godoni Ira ka'ene akuavi'inijaho najahara'omo ijara vwiha mamaa vaja'eme a Jesu Keriso oni vajijino nimaa ronarena ni'ajahi'ina apenana.

Hipuru 1:10

'Ene kú'o ika'ina 'waramana. A Natohwa! Mwe'a kehuni anejijaho Ara venana. 'Ene akúpa 'ee uneunecha ka'ene navujija Oni isura.

Jemisi 1:18

Hu Huni ura ijino nú Huni vu'a nimaa vajijino nahenuana. 'Ejakame nú areri Hura uneunecha ka'ene vena jihipuni amurijihi re'avarono avanana.

1 Joni 4:10

Ikaho oja 'ekaravujina. Nú Godi núni oja pamahara kaivo Hura nú oja múhajihuna'e Hu Huni Hariha ranavume roe núni sisea apejume pa'arenana.

1 Joni 4:19

Núra Hu oja mahujihuni maijaho marako'a Hura núa oja múhajihuna'e mahu.