2 Pita 3:9 - Godoni vuʼa maiuʼina

⁹ Natohwijaho iraka ka'ene Hura nahama 'waramajaho marako pavenu rone ea 'aho'a ija'ina'e vwihaju kaivo Hu ja masuani 'ajiha avanu. Ijihuni maijaho nú eha sisea apehunijaho Hu ura parenu vo ea maho'o 'unama ta'arohe rohuna'e ura renu.

2 Pita 3:9 ပူးပေါင်းရင်းမြစ်များ

Romani 13:11

'Ene vea ka'ene iviamaa renu ke kaha! Vea oma ka'ene jara notuhujaho are'ika'i 'urihuna niapenana. Ijihuni maijaho nú maranúhunaka núra marako nimaa rojajaho niroe turana paranu.

Romani 13:12

'Ene na'imajaho nipa'are'i venu kaivo vea hanahuna nitu'u renu. 'Enajihuna'e nú 'unama sisea ka'ene nutuvi'ini jihunijaho arehuna kaivo hanaji'ini jihuni nana'ejuri kukuijino 'eka same ohuna.

Romani 2:4

'Ú Godira ja hami 'ahi'i kaivo Hu eha marako pamihe 'ee makivi'i hinujaho ja senavo? Godi ja hami 'ahiu jihuni maijaho ja joni sisea are'i kaivo ta'arohe ro'avarono avanujaho ja vi hena kavo?

Romani 9:22

'Enajihuna'e Godiho Huni harura 'ee 'otua vetihuniji ea najahuna'e ura re'amajaho ijaho Huni ura. 'Ene Hu ura ea ka'ene 'otua vetie 'ee veje pa'arehunijihi masuani makivi'i 'ajiha hihuna'e ura re'amajaho Huni ura.

1 Timoti 1:16

Ikehuni hahi na numirivakame nuni vaji ea 'aho'a ka'ene niho'o sisee maijija Jesu Keriso oni masuani ajuarane 'ajiha hinujaho ea ka'ene Hu nimaa rone majama hihuna'e apehunijihi naja'i 'ahaume avanana.

1 Timoti 2:4

Hu ura renujaho ea maho'o roe nimaiji hena kame 'ee maranihuna'e ura renu.

Hipuru 10:37

Ea ka'ene rohunaka 'wavujara rohuni vea samatu'u renuna'omo Hu paasinahuna.

1 Pita 3:20

Ijija maraku'ijaho vuataa paheji'ina'omo Noa oni veijino Godiho makivi'i vivinui 'ajiha hi'eju'e sisima venana. 'Ene ea iropu no'opisu toa 'aha kajino aherame roana.

2 Pita 1:4

Ikehuni hahi Hu Huni uneunecha mavarasa'ina nahama 'waramana. 'Ejakame ja ijihuni vaji mamaa huni pwina rene 'ee mwe'a ka'ene siseijara veju'e siseranujaho juhame karaa usema va'u.

2 Pita 3:15

'Enakaivo vwiha'avara. Natohwijara masuani vivinui 'ajúha va'ujihuni maijaho emaa ni'ajihe marani'amarono avanu areri núni vwea Poru ka'ene nú oja mahi'iniji vwiha mamaa ka'ene vajahume joni asura vene 'waramajaho vwiha'avara.

Revaresiani 2:21

Na hura 'uasa venuji hu vwihane túchaha'amarono Na hu vea nimahuta kaivo hu ura parenana.