2 Pita 3:15 - Godoni vuʼa maiuʼina

¹⁵ 'Enakaivo vwiha'avara. Natohwijara masuani vivinui 'ajúha va'ujihuni maijaho emaa ni'ajihe marani'amarono avanu areri núni vwea Poru ka'ene nú oja mahi'iniji vwiha mamaa ka'ene vajahume joni asura vene 'waramajaho vwiha'avara.

2 Pita 3:15 ပူးပေါင်းရင်းမြစ်များ

Ruku 21:15

Ijihuni maijaho Nara vu'a ka'ene ara 'warahuna vajahakame oni naka ara vu'a ka'ene 'wara'amajaho hene pu areri patanu'urahe 'ee pu niho'o unenu'u pina areri pa'warahuna.

Akisi 15:25

'Enajihuna'e nú ahuma hine 'wama amairiu'e mamaa reju'e ea iji pijihe irechamiu'e Panapasi'o Porui pu'úmo joni vu'u.

Akisi 7:10

Hu sisei hinajaho Godira ni'ajahana. 'Ejume Godira vejume Josapi vwiha maa vwihaji'ina rejume Perora Josapi ura renajihuna'e Ijipiti opuni 'ajohi'ina re'amarono Pero iji pijahana. 'Enareje Perora oni sei uneunecha mapoka ka'ene navuji 'ajohi'ina re'amarono iji pijahana.

Akisi 9:17

'Ejume Ananaiasi sea kajino va'e arumana. 'Enarena huni ija haha 'ahi ranamahi'i ijá 'wama Soru vwea nunakera. Jesu Natohwa ka'ene ara 'unamutoi kamajara na ranamiume routa'omo a kú'o nia niri'ena. 'Eje Godoni 'Avena oni oja vaja ruha apena parahuna 'wamana.

Romani 2:4

'Ú Godira ja hami 'ahi'i kaivo Hu eha marako pamihe 'ee makivi'i hinujaho ja senavo? Godi ja hami 'ahiu jihuni maijaho ja joni sisea are'i kaivo ta'arohe ro'avarono avanujaho ja vi hena kavo?

1 Koritia 12:8

Ijihuna'e Hu ea pina 'Avena vajijino vu'a ka'ene vwiha mavarasa'iniji vajahuna. 'Ene vu ea pina vu'a ka'ene henaka ijí 'Avena nikwisu'ina kajara vajahuna.

1 Koritia 2:13

Uneunecha ka'ene Godira vajúhaji nú ja najahu kaivo emaapuni vwiha mamaiji rone 'warahuna pana kaivo 'Avenijara najuhajihi najahu. Nú Godoni 'Aveni jihuni vwiha 'ee 'Avena huni iriji'i ahuvi'i 'waravu.

1 Koritia 3:10

Godi oni maiji vwihani'inijaho na mihana. Na anesurijina'omo vwiha mamaiji vwihaji'i tukeja savuta. 'Eju'e ea pina ijihuni toi ara vena ajimu. 'Enakaivo veje ea kwinu kwino tukeja 'aha kajino ara ka'ene vena ajimujaho hami kavi'i vena aji'amana.

Epasasi 3:3

Hema ka'ene vejume núnuna'a samaumaa renajaho na ni marako ma'uako vene 'waravujina.

1 Timoti 1:16

Ikehuni hahi na numirivakame nuni vaji ea 'aho'a ka'ene niho'o sisee maijija Jesu Keriso oni masuani ajuarane 'ajiha hinujaho ea ka'ene Hu nimaa rone majama hihuna'e apehunijihi naja'i 'ahaume avanana.

Jemisi 1:5

'Enakaivo ja ea irara vwiha mamaiji pa'ana'e rena'amajaho maka'eje hu Godi ka'ene iswasiniji jarivakame Hu teama'eje ma'amana.

Jemisi 3:17

'Enakaivo mamaa ka'ene ichutoi rena roujija ikehina. Amurijaho ariramaa'e matauvi'ine masuani ajuaravi'ine hami vwihaji'ine numisarai rarena paraji'ine kara mamaa'e 'ee karokaha paveji'ina. 'Enakúne pa'aro'aroti namine choichoi pameji'ina'e re'avara.

1 Pita 3:20

Ijija maraku'ijaho vuataa paheji'ina'omo Noa oni veijino Godiho makivi'i vivinui 'ajiha hi'eju'e sisima venana. 'Ene ea iropu no'opisu toa 'aha kajino aherame roana.

2 Pita 3:2

'Ejakame ja nitama poropetia ka'ene akuavi'inijihipo vu'a ka'ene 'waravara 'ee Natohwa ka'ene ni'ajúhi'ini jihuni tamana ka'ene apasoruepo 'waravajija vwihahuni jihuna'e veju.

2 Pita 3:9

Natohwijaho iraka ka'ene Hura nahama 'waramajaho marako pavenu rone ea 'aho'a ija'ina'e vwihaju kaivo Hu ja masuani 'ajiha avanu. Ijihuni maijaho nú eha sisea apehunijaho Hu ura parenu vo ea maho'o 'unama ta'arohe rohuna'e ura renu.