2 Pita 3:14 - Godoni vuʼa maiuʼina

¹⁴ 'Enajihuna'e ehu nuna ka'ene na ja oja mihi'ine ja ura ijihi kihuna ura renaukúne harura vene hijakame Hura roe ja ki'amajaho ja mataume hine 'ee sisea pa'ana 'ee ea ja sisea panamahi'ina ki'amana.

2 Pita 3:14 ပူးပေါင်းရင်းမြစ်များ

Matiu 24:26

'Enajihuna'e ea 'ahopo ika 'iava he'avajaho Hu karohu nechi'ina 'iava he'avajaho niho'o pava ka'avara. 'Ene kare sea vajina 'iava he'avajaho niho'o panimai ro'avara.

Matiu 25:7

'Ejume 'asúra mapoka kajija 'urimarame puni naheha amairiara.

Ruku 12:43

'Enareje pwea irara kaukaraa kaji hine veji'i hi'eje vea ka'ene huni natohwijara ro ka'amajaho hu merajahuna.

Ruku 2:29

Hu ika'ina 'waramana Natohwe iviamaa Ara Oni ira vaji nahama 'warumajaho renu. 'Enakúne A Oni pwea veje matauma va'ama.

1 Koritia 1:8

Hura ja 'u'o 'uninamie kisina'e rena va'e vea túchamai 'e'une 'ee núni Natohwa Jesu Keriso oni veijaho panamúhuna.

1 Koritia 15:58

'Enajihuni hahi vwehu nune na ja oja mihi'ine kikisima'ura'e rene nami'avara. 'Ene pavarivarivi'ina'e re'avara. 'Enakaivo na'ia mapoka Natohwi jihuni kaukara asisame huri ve'avara. Ijihuni maijaho jara Natohwi jihuni vaji kaukara ka'ene vejujaho maa rukima'ura.

Piripai 1:10

'Enajihuna'e na ura reniujaho ja uneunecha nimaijija hami vwihane hena kivi'i mamaaru vejakame ea ja panama'eje hina va'e Kerisora ro'amani veijino use'avara.

Piripai 2:15

'Ejakame ja Godi oni harihija ka'ene sisea pa'ane sisea paveji'ina 'ee sisea panamahi'inijihi rene ike ea ka'ene arira pave'i kaivo ani ani veju kihipuni vajijaho ira puna'e rene mwe'i hana'avara.

Piripai 3:20

'Enakaivo nú akúpa huni ehija'omo núni Ni'ajúhi'ina ka'ene Natohwa Jesu Kerisora ijí rene rohuniji nú teamanu'eju'e 'ajaha hiju.

1 Tesaronia 3:13

'Ene Hu ja vena'e joni oja Godi ka'ene núni Omijihuni una'i ariramaa rene panama'eje núni Natohwa Jesuho 'ee Huni ea ariramaijipo Hu hu'úmo roavari veijaho matauma namihuna.

1 Tesaronia 5:23

'Ene ivi'a Godia ka'ene matauvi'inijara maho'o venae arimaa'e rene 'ee joni 'avena 'ee joni oja 'ee joni haha maho'o 'ajohakame vea ka'ene núni Natohwa Jesu Kerisora ro'amajaho niho'o panamu'amana.

1 Timoti 6:14

'Enakúne ike vu'a ikija sisea titana rukina rone ea panamahe 'wara'eje a ija kisi 'unama va'e núni Natohwa Jesu Kerisora ro'amajino 'e'u'amana.

Hipuru 9:28

Ijihuni hahi Kerisoho ea maho'o kehipuni sisei jihuna'e 'aha kwinu kwamana. 'Ena'omo Hu kú'o ro'amajaho sisehuna pakwa'i ro'ena vo ea ka'ene Hu 'ajaha ura rena para'eju'e hijujipo marani'avarono rohuna.

Jemisi 1:27

'Ejume 'unama arira mamaa 'ee sisea pa'amaa ka'ene nú vejukame nuni Godi Omijara ura renujaho ikehina. 'Oja 'ee amuna ka'ene pivusahi'i hijujija 'ajohae 'ee mwe'a kehuni siseijaho tatumihi'i va'akame parenuhuna.

1 Pita 1:7

'Ene joni nimairoa ijara korutia asimana'omo korutia ka'ene siserane 'ee pa'arehunijija veni vena kivuja'ina'e joni nimairoa vena kive roe areri rena parahuna. Jesu Kerisora ro'amani veijino ja ta'arorahe joni pinana veje 'urine 'ee joni iha ichutoi rehuna.

2 Pita 3:1

Ehu nuna ka'ene na ja oja mihi'inakije ikaho nuni asura amurijihuni roriji veju. 'Enare'e joni vwiha ijí venae kú'o vwiha'avarono veju.

2 Pita 3:16

'Ene hu 'u'o huni asura vajijija ikija vene 'warumana. 'Enakaivo ijí hena kahuna 'aho'a kisina 'ee ea ka'ene panajahume hejara 'ee pakirasahe nami'i kaivo vu'a 'eke arohi'inijija pura Godoni ira 'aho'a 'eke ta'arohe ani ani puni ura ijino ruarahe 'waravujara reju'e pu eha sisea apehuna.

1 Joni 3:3

'Enajihuna'e ea irara ike nimaaroakaho Huni vaji namujihuna'e hu ori'ini vejume arira maa renana. Areri Hu arira maija'ina renuna.