2 Pita 2:10 - Godoni vuʼa maiuʼina

¹⁰ Hu ea ka'ene puni hahijara sisea ka'ene ura renauji vene 'ee ea mama'inijihi kima senavujija ijihuni eha namu. 'Ene paju'i kaivo puni ura ijí vene 'ee patea juna'eju'e 'ona oji'ina puni mama'ina ira sisea 'waravura.

2 Pita 2:10 ပူးပေါင်းရင်းမြစ်များ

Ruku 11:25

'Enare'e hu ijá rohune Na kú'o 'unama va'e ruha ka'ene nara hijujino va'uma. Hu 'unama vai'i kavu'e ruha kajaho ea pahiju kaivo túa 'anae amairiana.

Ruku 19:14

'E'eme huni aea hura puni natohwa'e rehunijaho senavume pu ea irechamiume ona'e apena va'e ijá 'wava Nú ara núni natohwa'e rehunijaho senumu 'wa'i 'ahiume va'ajivara.

Akisi 23:5

'Ejume Porura ijá 'iama Vwehu nune hu pirisiti natohwijaho na pahejuta. 'Enakaivo Godira Huni ira vaji 'warumajaho nú ira sisea ea 'ajoha'ina pa'wara'avarono 'warumana 'iamana.

Romani 8:1

'Enajihuna'e ea ka'ene Jesu Keriso oni vaji hijujija niho'o panama'ena.

1 Koritia 6:9

'Ú ea ka'ene arira pahijujija Godoni ara areri pavahunijaho ja vi hena kavo? Ja paki'eje emaapo pisimi'ava. Ijihuni maijaho 'asúra kivasa ka'ene 'uasa veji'inijija 'ee ea ka'ene godia ira'ata'e oja mihi'ina 'ee ea 'ahopuni napara 'ee parua aherame oji'ina 'ee parua ka'ene puni haha 'eke monia 'imena'ina 'ee parua parua'e aherame 'oju'e 'ee napara napara aherame oji'inijija areria Godoni ara pavahuna.

2 Koritia 10:3

Nú haha vaji oju vo nú haha huni 'unamijaho nana pa'ejura.

Epasasi 4:19

'Ene pu niho'o roe kisina'e rejara. 'Ene 'unama ka'ene 'uasa vejujara pu niho'o hivahimana. 'Ene 'unama sisemaa ka'ene pu vene 'ee pupusu vwihajujara pu niitunavume pa'arenana.

Epasasi 5:5

Ijihuni maijaho ja nimaa hene kavuja'ina'e ea ka'ene 'uasa vene huricharavura. 'Ene ea ka'ene epuni kukua kime ituname ura rena'inijija ea ija'inijija godi ira'atijihi oja mihi'ina. Godi'o Keriso'o Kinia rene hihuni kwaijaho pahihuna.

Korasia 3:5

Ijihuna'e joni haha pwinana'a vaji 'uasa vehuni 'unama 'ee huricharame 'ee sisea vehuna ura renae ituname 'ee jajaso uneunecha rukina'e rehuna itunavura ka'ene joni vaji navujija 'anie kwamasa'avara. Ijipuhipo joni godi ira'atijaho rejukúne 'ania kwamasaha!

1 Tesaronia 4:7

Ijihuni maijaho Godira nú 'umenuajaho nú 'unama sisea ka'ene 'uasa ve'avarono ija pijúhuna pana kaivo nú ariramaa rehuni jihuna'e iji pijúhana.

2 Timoti 3:2

'Enareje emaa pupusumaru oja ma'arahuna 'ee moniaru oja mihuna 'ee kehi kehi ohune 'ee jarika rene 'ee Godina'i ira sisea 'wahune 'ee emahwa puni ira pahene veji'ina rehuna 'ee patemarasahi'ina rehune 'ee ea paakumahi'ina'e rehuna.

Taitasi 1:7

Ea ka'ene 'ajoha'inijaho Godoni kaukara hami 'ajohare'e niho'o arira'e 'uraha onuna. 'Ene hu jarika parene 'ee maraku'a pa'ajime 'ee toa sisea huni harura hara pahine 'ee ea majikari pa'anie 'ee monia 'unama sisei jihunijaho pa'ekahuna.

Hipuru 13:4

'Ene ja napasi nene 'ee parui nejajihuni hura vene 'ee ijaho paruarahareje napara paturame 'ee parua patura'avara. 'Asúra kivasi 'uasa paveje 'ee napasina paruina pura parui nene 'ee napasi nejajaho paruarahe patura'avara. Ea ija'ina veji'inijija Godira eha sisea mihuna.

2 Pita 3:3

Ja marako ikaho hena ka'avara. Vea túchamaa ea 'ijahi'inijipo roe 'ijahi'i puni hahijipo ura renaujiru vehuna.

Juta 1:10

'Enakaivo ea ikija uneunecha ka'ene pu pahena pakivujija ronahe 'ee siripavura 'ee areri 'ua maha puna'i puni vwihaijino vene 'ee pura uneunecha ija'ina ka'ene vejujipo pu ruarahiura.

Juta 1:16

Ea ikija sui'ine 'ee ea nama'irono puni sisea sarame 'ee sisea iraka'e pu ura renaujaho ma ijí vejura. Pu ira toa rukina'omo pu ea pisimi'i pununa'i uneunecha maa ijí 'eka'iro avajura.

Juta 1:18

Pu ja ijá 'iavare Vea túchamaa re'eje ea matihi'ina mapoka'e puni hahijara sisea ka'ene itunavujiru veji'i hihuna 'iavara.

Juta 1:4

Ijihuni maijaho ea 'aho'a iviamaa ja paki'eju'e nisareri joni vaji vu'e ijá 'iavo Godira nú vwihanúe aremu jihuna'e nú 'unama sisea veji'i hihuna 'iavu. Ea kajija nitama iji pijihareja 'otua vetihuna'e 'waramana. Pu ea sisea'omo Godoni maiji vwihanúajaho ta'arohe apene 'uname sisea 'uasa vene 'ee núni Natohwa ka'ene Jesu Kerisoho hemahu.