2 Pita 1:16 - Godoni vuʼa maiuʼina

¹⁶ Ijihuni maijaho vea ka'ene núni Natohwa Jesu Keriso oni harura 'ee Hura rohuniji rone 'waravajaho nú ea ka'ene hena kama paraji'inijipo mamiha vu'a 'wara'ira'omo ijí 'ararihae 'warahuna pana kaivo nú núni nii Huni harura ka'ene kavaji rona 'waravara.

2 Pita 1:16 ပူးပေါင်းရင်းမြစ်များ

Matiu 16:27

Ema Puni Harihijara ro'amajaho Amoni hanaji'ina 'ee Huni ona oji'ina pu'úmo rohuna. 'Ene ea kwinu kwino pura iraka ka'ene vejujaho eha ija'ina apehuna.

Matiu 16:28

Emaa Puni Hariha Hura 'ajohuni kwaijaho ea ka'ene ike namiju kijahija mai'o pakwamasa'eje roe kahuna 'iamana.

Matiu 17:1

Na'ia iropu kwinu pa'are'eme Jesura Pitane 'ee Jemisine 'ee huni 'u'ua Joni ijá pupusu aherame huri'a jopatu'ura 'ahi ajima va'ara.

Matiu 24:27

'Enakaivo vea ka'ene Ema Puni Harihijara ro'amani veijaho aresi vei ajimuja'i pi'ime va'e vea 'onuja'i 'e'unuja'ina'e rehuna.

Matiu 24:3

'E'ikaivo pu va'e Arivi huri'i hi'eme Huni tisaiporu pupusu roe Hu ijá 'wava Vea vecha ijá kajaho re'ena? Mwe'akara pa'are'iro ve'amani urijaho marako'a iraki rejakame nú kamareje A ivi'a ro'iro venu 'wa'eje A ro'ena 'wavara.

Matiu 28:18

'Ejumakame Jesura puni roarena Hu pu ijá 'iama Harura ka'ene mwe'akaki namuna 'ee kahi akúpi 'ahi namuna ijaho ni'aha kwinu Na mihana.

Maka 13:26

'E'eje pu Emaa Puni Hariha ka'eje Hu 'imitia vaji harura ni'ima'ura niho'o hanana para'eje rohuna.

Maka 14:62

Jesu ijá 'wama I'a Na ijina. Ema Puni Harihijaho ka'eje harura rukima'uri jihuni mana'inija'i asuma hi'eje ichutoi 'imitiji'i rena rohuna.

Ruku 1:2

Nú raka ka'ene pu 'waravaji pu heha 'ahi vejare 'ee raka ka'ene nitama aneji ea 'ahopo puni nii ki'eme rejaji 'waravara'omo pu heha 'ahi vejare 'ee raka ka'ene vu'a 'waravi'inijipo 'waravaji pu heha 'ahi vena apena roara.

Ruku 9:43

Ea kajipo ijí Godoni harura natohwa kaji kavajaho oja hwa'usahana. Pu ea mapoka ijí Hura uneunechaka mapoka ka'ene venaji kamareja oja hwa'usaha'eme Hu Huni tisaiporua ijá 'iama

Joni 1:14

'Ejume Irijaho roe haha apene nú pu'úmo ahuma hijume nú Huni hanaji'ina kavara 'ee Huni Hariha nikwinu'wi maa kajihuni hanaji'inijaho Amo ka'ene maiji vwihanúe 'ee nimaijihuni rena roana.

Joni 17:2

A Hu harura ea mapoka asitahuna mahana. 'Enajihuna'e A ea ka'ene Hu vajahajija Hu pu majama hihuna mihuna.

Romani 1:4

'Avena ka'ene arimaijara 'warumajaho Hu Godoni Hariha ka'ene haruriji'i kwama 'urinajine 'ee Hu Jesu Keriso ka'ene núni Natohwijina.

1 Koritia 1:17

Ijihuni maijaho Kerisoho na ea toi sama'urono ranamihuna pana kaivo vu'a maa maiu'ina'e naja'urono ranamiana. 'Enakaivo na emaapuni vwiha ijino 'wara'ipisa Keriso oni korosijihuni vu'ijaho maa pa'ana'e reja'a.

1 Koritia 1:23

'Enakaivo núra najahujaho Kerisora korosia 'ahi kwamaji najahe 'waravura. 'Enakaivo ike vu'akaho Jua puna'ijaho ijara venau'e amaaresume arihujina. 'Enakaivo Jenitaru puna'ijaho ike vu'akaho maa pa'ana.

1 Koritia 1:7

'Enajihuna'e núni Natohwa Jesu Kerisora rohuni veiji 'ajahuri vajakaho Godoni swara papivusahuna.

1 Koritia 2:1

Vwehu nune vea ka'ene na joni roe Godi rone najahe 'waravujaho na ira ka'ene ja pahehuni ira ho vwiha mama'ina ka'ene ja pahehunijaho paahuvi'i 'waravuta.

1 Koritia 2:4

Nuni vu'a ka'ene nara najahujaho ira ka'ene ja oja 'urinahuni irijaho pana kaivo 'Avenijara ori Huni irijaho vejume harura'e re'eme na najahuta.

1 Koritia 5:4

Ja núni Natohwa Jesu Keriso oni iha 'ahi roe vea ka'ene ahu'avajaho na 'avena vajijaho ja pu'úmuna. 'Ene nuni Natohwa Jesu Keriso oni haruriji'i ijina.

2 Koritia 2:17

'Ene ea 'ahopo vejuja'ina'e Godoni irijaho paapene monia vene oju. 'Enakaivo nú Godoni irijaho nimaa Keriso oni vaji 'waravu'e Godi ka'ene nú irechamúume roajihuni una'i 'waravu.

2 Koritia 4:2

'Enakaivo nú uneunecha ka'ene hemijija junuhuni jihuna'e niarevara. 'Ene nú ea papisimisame 'urahoju. 'Ene Godoni irijaho unenu 'aho'a ijí pu'úmo ahuvi'i 'warahuna pana kaivo nimaijino epuni una'a vene 'ee Godoni una'a 'u'o 'waravura.

Epasasi 4:14

'Ene ijara reje nú sesamaa puna'a parehuna areri vúrui amena 'anúa ato'urumue haeme ojuja'ina'e pavehuna. 'Ene emaapuni nimairoa ira'atijija panimaa vetihuna 'ee 'unama ira'atijino pisivisave niho'o nimaa puna'i rehuna.

Piripai 3:21

Hura núni haha harura pa'ana ka'ene kwamasahuni hahakaho veje arohe Huni haha ka'ene hanaji'ini ja'ina'e rehuna. 'Ene Huni harura kajara reje uneunecha maho'o roe Huni harura hari nahuna.

1 Tesaronia 2:19

Núni nimaa roijaho irahije 'ee núni eha maa ka'ene núa'e ta'aroruhe vajúhunijaho irahije? Núni Natohwa Jesura ro'amani veijino jara Huni una'i namihunijina.

2 Tesaronia 2:9

Ea kajaho Setani oni harura vaji aacha ira'ata 'ee uneunecha ka'ene ea areri pavehunijaho vehuna.

1 Timoti 1:4

'Enakúne 'waravakame mamiha sisea 'ee amuja nirisaravujaho areva. Ijihuni maijaho ijipo veju'e nakaravi'i hijura. 'Ene ijipo venau'e Godoni kaukara ka'ene nimaaroijaho pani'ajahu'e emarenuna.

1 Timoti 4:7

'Ene na'ia mapoka'e nimaaroa 'ee vu'a mamaa ka'ene ara 'ararihae roajihuni 'ahi hina rouni eiji rehuna.

Taitasi 1:14

'E'irakúne Jua puni mamiha 'ee emaapuni tamana ani ani'inijija ataa paapúsa'avara. Ea ka'ene nimaa nimaiji pataaro'ika'i ani va'ajihipuni vu'a ataa paapúsa'avara.

2 Pita 2:3

'Ene pu pusumano vwihajujara reje 'unama ira'atijino pisivi'i joni kukua 'ekahuna. 'Enakaivo puni eha ka'ene nitama mihajaho mai'o pama namu 'ee pua'e siseranihunijaho ni'urine areri rene namu.

1 Joni 4:14

Amora Huni Hariha ranavume mwe'a kehuni Ni'ajihi'ina'e re'i roajaho nú núni nii kavaji ea 'waravara.

Juta 1:14

'Ene ike 'unama nikwinu'ina ka'ina'e Inakira Atamu oni amuhija iropu no'o pa'are'eme iraka ka'ene túna'i rehuniji kime ijá 'iama Kaha! Natohwijaho Huni ehija ka'ene arira maijihi pu'úmo ea niho'o mapoka mapoka asisame roara.

Revaresiani 1:7

Ike kaha! Hura ro'amajaho Hu akúpa 'ahi 'imitiji'i rohuna. 'E'eje ea mapoka Hu nii mai kahuna. 'Eje ea ka'ene Hua'e 'anaa pijahajija 'u'o Hu kahuna. 'Ejakame araraka mapokakaho eaka mapoka ka'ene hijujija pu puni niijikano maho'o kamareje niho'o temukave niramaruhuna. Nara raka ka'ene iviamaja ja 'waravukaho niho'o nimaa. Ameni.