2 Koritia 8:6 - Godoni vuʼa maiuʼina

⁶ 'Enavo nú Taitasi 'ejahaume hura nimarako aneja venana. 'Ena'omo hura kú'o joni vaji kaukara mavarasa'ina kaho vena va'e urisahuna.

2 Koritia 8:6 ပူးပေါင်းရင်းမြစ်များ

Akisi 24:17

'Ejume juara 'aho'a pa'are'eme na swara 'eke nuni ara kwaa kú'o nuni ehija'e vaji'irono routa.

Romani 15:25

'Enakaivo na iviamaja Jerusaremi va'e Godoni ea 'aho'a ka'ene ijí hijujihi naja'irono va'u.

2 Koritia 12:18

'Ena na Taitasi 'ejahaume va'eme vweijaho ranavume hu hu'úmo vu'ana. 'Enakaivo Taitasiho jonuna'a unenu 'aho'a pa'ekahuna sa'inijaho 'ekana raka? 'Ú nú ja pu'úmo kara nikwinu rene vejara raka? 'Ene kara kwinu parene 'unama ura kwinu parene vejara raka?

2 Koritia 2:13

'Ene na mai'o Taitasi ka'ene nuni vweijaho papiuname nuni oja mai'o paarihe asuma namana. 'Eju'e na pu irechami'i kaivo Masatonia va'uta.

2 Koritia 8:10

'Ene vajihuri 'unamijaho nuni vwiha ichá'ina ka'ene ni'ajihunijaho ike 'waravu. 'Ene juara pina ka'ene nipa'arenajaho ja amuraru pavajihara kaivo 'u'o ija'ina vehuna ura renaara.

2 Koritia 8:19

'Ene ijiru pana kaivo sosi hu nú pu'úmo 'uraha ohuna'e iji pijahara. Ike kaukara maiu'inakaho núra 'ajohi'i Natohwiji ta'arohe 'ee jara ni'ajarahuniji najahe avaju.

2 Koritia 8:23

'Ene Taitasina'ijaho hu nuni napure 'ee nú hu'úmo joni vaji kaukara veji'ina. 'Enakaivo vwehu núpuna'ijaho pu sosi puni ona'e 'eke ojura 'ee pu ea ka'ene veju'e Kerisoho teamavi'inijina.

2 Koritia 8:4

'Ene pu ea ka'ene akuavi'inijihi ni'aji'irono ura renaume 'ejahúe puni pwinana'e re'avarono jarirume 'waruvara.

2 Koritia 9:5

'Ene na vwehu nuna 'ejahie irechamiume urasahe joni vu'e ki'eje swara ni'ima'ura ka'ene jara vajihuna'e nahama 'waravaji 'eke amairie irecha'avarono 'iavume vu'ara. 'Enakaivo na ura reniujaho swara ni'ina kajaho ja'e itunavujara reje 'aho'a ura renahuna pana kaivo maho'o icha'ina'e vajihuna'e amairiaravajaho niija'ina'e ihene vaji'avara.

Piripai 4:18

'Enakaivo uneunecha maho'o areri 'ekuta. 'Enareno ijipo mapoka'e areri renihara. 'Ene jara Ipapirotaitasina'i irechavajija na ni 'ekuta. Ijija swara mamaa ka'ene amua mamaa Godi teamama parahunijihi vejara.

1 Pita 4:10

Ea kwinu kwino swara ani ani'ina ea 'aho'a ni'ajihuna'e 'ekajihuna'e Godoni maiji vwihanúajaho 'unama ani ani'inijino naja'avara.