2 Koritia 8:23 - Godoni vuʼa maiuʼina

²³ 'Ene Taitasina'ijaho hu nuni napure 'ee nú hu'úmo joni vaji kaukara veji'ina. 'Enakaivo vwehu núpuna'ijaho pu sosi puni ona'e 'eke ojura 'ee pu ea ka'ene veju'e Kerisoho teamavi'inijina.

2 Koritia 8:23 ပူးပေါင်းရင်းမြစ်များ

Ruku 5:10

Saimani oni napuhija Joni'o Jemisi ka'ene Jepati oni harihija no'o 'u'o oja hwa'usahara. 'Ejume Jesura Saimani ijá 'wama Tea junamujaho arema. Iviamaikano rene a emaa sirirahuna 'wamana.

Ruku 5:7

'Ejume pu napuhwaha ka'ene sisima pina 'ahi hijajija 'umenaume pu roe ni'ajihara. Pu roajime puni sisima no'ohe'i vejume itusahe sisima kajija aneja vene tusa'i vejara.

Joni 13:16

Na nimaa nimai ja 'waravujaho pwea huni Natohwiji'i areri pana. 'Ena'omo ea ka'ene ranavu'e roujaho ea ka'ene hua'e ranavume roajaho paasimuna.

1 Koritia 11:7

'Enajihuna'e paruijaho huni húmata isúa pahwa'amana. Ijihuni maijaho hu Godi vare'ina 'ee Huni temarijina. 'Enakaivo naparijaho paruijihuni temarijina.

2 Koritia 12:18

'Ena na Taitasi 'ejahaume va'eme vweijaho ranavume hu hu'úmo vu'ana. 'Enakaivo Taitasiho jonuna'a unenu 'aho'a pa'ekahuna sa'inijaho 'ekana raka? 'Ú nú ja pu'úmo kara nikwinu rene vejara raka? 'Ene kara kwinu parene 'unama ura kwinu parene vejara raka?

2 Koritia 7:6

'Enakaivo Godi ka'ene ea ija'ina temuka apeji'ina venau'e oja sonahiujara Taitasi ranavume roume oja sonahúana.

2 Koritia 8:16

'Enakaivo Godi teimani 'wavu. Hura Taitasi oni oja vaji vwiha nikwisu'ina ka'ene nara jona vwihaju ja'ina'e huni vaja ranamana.

2 Koritia 8:18

'Ene nú vwea pina ka'ene huni pinana ike vu'a maa maiu'ina ikehuni sosia vaji 'wama apene ojujaho ranavu'e hu hu'úmo vu'u.

2 Koritia 8:19

'Ene ijiru pana kaivo sosi hu nú pu'úmo 'uraha ohuna'e iji pijahara. Ike kaukara maiu'inakaho núra 'ajohi'i Natohwiji ta'arohe 'ee jara ni'ajarahuniji najahe avaju.

2 Koritia 8:22

'Ena'omo nú núni vwea pu pu'úmo ranavu'e vu'u. Nú hu vena kavajaho hu uneunecha mapoka vajijaho hu ea nimaa ura reji'ina'e kavara. 'Enakaivo iviamaa hu majano ura rena paranu. Ijihuni maijaho hu ni'ima'ura ja nimaa vetiu.

2 Koritia 8:6

'Enavo nú Taitasi 'ejahaume hura nimarako aneja venana. 'Ena'omo hura kú'o joni vaji kaukara mavarasa'ina kaho vena va'e urisahuna.

Piripai 2:25

'Enakaivo na vwihajujaho maijaho na Ipapirotaitasi vwea nuna ka'ene nú pu pu'úmo kaukara veji'ina ka'ene nuni sorutia pina vo 'u'o joni 'ona oji'ina'e nuni ura ijija ni'ajihi'ina'omo ranave vuhuna.

Piripai 4:3

Ehu nune nuni napura nimaa nimaa'e na a jariravujaho naparakija ni'aji'amana. Pura vu'a maa maiu'ini jihuna'e na hu'úmo vea kisina apeji'inakúne ni'aji'amana. 'Ene Karemeniti 'u'o ni'ajahe 'ee pu nuni ehija 'aho'a ka'ene na pu pu'úmo kaukara veji'ina ka'ene puni iha majama hihuni puka vaji navujija ni'ajihara.

Korasia 1:7

'Ene ja Epaporasi na'i vu'a kajaho hene kavara. Hu nú pu'úmo kaukara veji'ine 'ee ea pina ka'ene nú oja mahujina. Hu Keriso oni pwea pina ka'ene núni ijihuna'e pauchavi'inijina.

1 Tesaronia 2:2

Ja niheja ja'ina'e nú nimarako Piripai sise'i 'ahúume haha hianumana kaivo nú núni Godijihuni vaji harura ape'ika'i ja Godoni vu'a maiu'ina ijí ninakaraa renana vajijaho 'waravara.

2 Timoti 4:10

Ijihuni maijaho Timasiho iviamaa ikehuni mwe'a ike oja maharena na ranamie Tesaronaikai va'ana. 'Ejume Kuresianisiho Karesia va'ana. 'Ejume Taitasiho Taramesiai va'ana.

Taitasi 1:4

Taitasi nuni hariha nimaa ka'ene núni nimaaroa nikwinu'ini jihuna'e veju. 'Ene maiji vwihanúana 'ee matauvi'ina ka'ene Godi Amoho 'ee Jesu Keriso ka'ene núni Ni'ajúhi'inijaho a hu'úmuna.

Pairimani 1:17

'Enajihuna'e a nuni napura re'amajaho areri nara vu'akame a naa'e ahe'ama ja'ina'e hu ahaamana.

Pairimani 1:24

'Ene Maka ho Arisitakasi ho Timasi ho 'ee Ruku ka'ene nú pu'úmo kaukara veji'inijipo 'ajoravu.

3 Joni 1:8

Ijihuna'e nú 'u'o ea ija'inijija ni'ajihuna. 'Ejakame nú pu pu'úmo ahume nimaijihuni kaukara veji'ina'e rehuna.