2 Koritia 6:8 - Godoni vuʼa maiuʼina

⁸ 'Ene ta'aroruhe hura pavenuhura 'ee sisea ronuhe 'wavura 'ee mamaa ronuhe 'wavura 'ee pisimisavi'ina 'wavura vo nú majano nimaa veji'ina.

2 Koritia 6:8 ပူးပေါင်းရင်းမြစ်များ

Matiu 10:25

'Enakaivo tisaiporu ijara huni tisa ijí vare'ina'e re'ipisa areri reje 'ee pweijara huni natohwiji vare'ina'e re'ipisa areri reja'a. 'Enakaivo pu ijí sea anesura kajaho Pierisiparu 'wa'avajaho pu ijí sea kaji hijujija 'u'o ni'aha kwino sisea 'wava'a.

Matiu 22:16

'Enareje pu puni pwehija 'ee Heroti oni pwehijijihi pu'úmo irechamiume Jesuni va'areja pu ijá 'wava Najuhi'ine nú nihena kavu A vu'a nimaaru 'waramuna. 'Ene Godoni 'unama ka'ene aririjiru ea mapoka najahuna. 'Ene A ea kwinuru pavwihanuna. 'Ene eaka mapokijija ira nikwinu 'waramuna.

Matiu 27:63

'Enareja pu Pairati ijá 'wava Natohwe nú ivi'a vwihaju. Hu pakwa'ika'i mai'o hinani veijino pisivisavi'inakara ijá 'úmane Na'ia no'opisu pa'are'eje Na kú'o 'uri'eju 'úmana 'wavara.

Maka 12:14

Pu va'ajimareja ijá 'wava Najuhi'ine nú niheju A nimaa nimaa. A eakaho natohwa 'ee eakaho ma'u'ua ija'ina paronu jihuna'e A ea mapoka areri kwinu'wi kaivo A Godoni 'unamaru arira najuhuna. Nú unenu'u pina aporavu. 'Ú nú Sisa takisi vaja'avajaho areri re'ena 'aho pane?

Joni 7:12

Ea mapoka Hunijihuna'e rone natohwa su'arama apene ojara. 'Ejumakivi'i ea 'aho'a ijá 'iava Hu ea maa maa 'iavara. 'Ejume ea 'aho'a ijá 'wava Pana Hu ea mapoka'e aherame pisivie ani va'u 'iavara.

Akisi 10:22

'Ejume pu hu ijá 'wava Koniriasiho amia puni natohwa'omo hu ea arira 'ee Godi juhamuna. 'Eju'ukame Jua mapoka hu ta'arohura'omo Godoni 'ona oji'ina natohwijara nahumakame nú roe a aherama huni sei va'e ara vua'e 'warave hu he'irono 'waruvume nú roara 'wavara.

Akisi 16:39

'Ejume pu temukavume va'e 'ajorame nirisamu va'ume irechamiume pu ma'ahi va'ara. 'Ejume pu ijá 'iava Nijinakúne va'ajiha 'iavara.

Akisi 22:12

'Ejume ea pina huni iha Ananaiasiho puni tamana hami hami vejukame Jua maho'o ka'ene ijino hijujija hua ea mamaa 'wavura.

Akisi 24:5

Nú kavujaho eakaho niho'o ani ani vene 'ee ruaruhuna. 'Eju'e Poruho veju'e Juaka mapoka ka'ene kwaaka mapokakino hina apenojujijahija ajinama parajura. Hu ea sisea ka'ene Nasareti 'wavujihipuni húmatijina.

Akisi 28:22

Nú ea ikihi puni vu'a ani'ina'e 'wamape ojukame nú ura oni vwiha ijí he'i 'ahúu 'wavara.

Akisi 4:21

'Ejume emaa kajipo pu no'o juvu vu'a ira ajira 'waramareja irechamiume va'ara. Ea ka'ene mapokijaho pura raka ka'ene vejaji kame Godi ta'aroha jihuna'e pura pua'e sise'i 'ahihuni 'unama pa'arenana.

Akisi 5:13

'Eju'ukame panimaa roji'ina 'aho'a paroe pu pu'úmo hiju kaivo pu apasorua kajihipuni pinana hena 'ee pu ta'arorahara.

Akisi 6:3

'Enakúne vwehu núne joni vaja kajino ea iropu no'o ea ka'ene Godoni 'Aveni ruha apena paraji'ina 'ee iha mamaa 'ee hami hami vwihaji'inijino pijihakame ijipo ike kaukara ikaho 'ajo'avara.

Romani 3:8

Ea 'ahopo nú hana'i irechamúe núra 'waravara 'wavi'i ijá 'wavura Roe sisea vejakame mamaapo roa 'wavura. 'Enajihuna'e puni eha sisea ijaho niho'o arimaa apehuna.

2 Koritia 1:18

'Enakaivo areri Godi pauchavi'ini ja'ina'e núni vu'ijaho i'a 'iavujaho i'a 'ee pana 'iavujaho pana.

2 Koritia 11:21

'Ene na niho'o juni'eju'e 'waravu kaivo nú manura vene kúvajaho nú niho'o harura pa'ana. Na kú'o vwiha pa'apo 'waravu ja'ina'e 'waravu. Pu 'unama iraka sa'inijino harusina'e rejaja'ina'e núni harura 'u'o ija'ina.

2 Koritia 12:16

'Enakaivo areri ija'ina'e rehuna vo na pavejume jonuna'a ahija renahana. 'Ene na ea ka'ene 'unama ani ani'ini pisivisavi'ina 'wavura. 'Ene na ja papisimisamareno 'ekauta 'wahuna.

2 Koritia 4:2

'Enakaivo nú uneunecha ka'ene hemijija junuhuni jihuna'e niarevara. 'Ene nú ea papisimisame 'urahoju. 'Ene Godoni irijaho unenu 'aho'a ijí pu'úmo ahuvi'i 'warahuna pana kaivo nimaijino epuni una'a vene 'ee Godoni una'a 'u'o 'waravura.

1 Tesaronia 2:3

Núra ja 'waravajaho puruvare'e 'warahuna pana 'ee 'unama siseijino 'warahuna pana 'ee pisivisame 'warahuna pana.

1 Timoti 3:7

Hu ea ka'ene sosia paaru'ika'i samai hijujihi puni una'ijaho huni kara mamaa'e re'ama jihuna'e ea huni vu'a pa'wavakame hu 'avena sisei jihuni kwavaha paaruhuna.

1 Timoti 4:10

Ijihuni maijaho nú ikehuni hahi kaukara harura vene haha heju. Ijihuni maijaho núni nimaa roijaho Godi ka'ene majama hiji'ina ka'ene ea maho'o puni Ni'ajihi'ini jihuni toi namu. 'Enavo Hu nimaa hu ea ka'ene nimaa roji'ina kehipuni Ni'ajúhi'ina.

Hipuru 13:13

Ijihuni hahi roe nú Huni va'e ara huni samai Hura juha ka'ene apena ja'ina'e nú 'u'o apeja.

1 Pita 4:14

'Enajihuna'e Jesuni ihijihuna'e sise'i 'ahie 'wara'avajaho ja teamana'avara. Ijihuni maijaho 'Avena ka'ene pinana rukinijaho 'ee Godoni 'Avena ja pu'úmo hinu.

3 Joni 1:12

Ea mapoka Timitiriasi ta'arohe hina 'wavura. Nú Timitiriasira raka ka'ene venuji nú kama hejuji 'u'o 'waravura. 'Eju'ukame ja niheju núra raka ka'ene 'waravujija nimaa nimaa.

Revaresiani 3:9

Ike heha! Ea ka'ene Setani oni sinakoku vaji hijujijahija pu ika'ina 'waravu Nú Jua. 'Enakaivo pu ira'ata veju. Ike heha! Nara veje pu roe joni una'i nitupari same Nara ja oja mihujaho pu ijí hena kahuna.