2 Koritia 6:5 - Godoni vuʼa maiuʼina

⁵ nú hijúhura vaja 'ee tipurai irechamúari vaja 'ee 'uraara vaja 'ee kaukara kisina vejara vaja 'ee nia panotuara vaja 'ee matuna vaji hijara.

2 Koritia 6:5 ပူးပေါင်းရင်းမြစ်များ

Matiu 14:10

'Ejume hu ea irechamiume va'e Joni oni húmata'e tipura ari vaji 'uhuara.

Matiu 14:3

Herotira Joniho kamoma ranavume tipurai hinana. Hu ija'ina ka'ene venajihuni maijaho Herotiasiho Piripu ka'ene Heroti oni 'u'uijihuni napara'omo ijí 'waravumakame tipurai ranamana.

Matiu 9:15

'Ejume Hu ijá 'iama 'Ú ei pini napasi ne'i 'aha'eje hu ehwa pu'úmo hi'ipisa ijihuna'e chora hija raka? Niho'o pana. 'Enakaivo ea ka'ene ijí napasi nena kaji apena va'e hu kú'o pu pu'úmo pahija kamareje iji'a pu 'aura arehuna.

Akisi 13:3

'Ejume pu 'iruma aura areme 'ee siporua 'onareja pu 'urine puni ija húmata 'ahi irechamiume pu no'o va'ara.

Akisi 14:19

'E'eme Jua 'aho'a ka'ene Enitioki 'ee Aikoniami rene roajipo roe ea mapoka 'waravume pu ni'aha kwino muni 'eke Poruho 'anaara. 'Ene nikwamu ro'ika'i pu tairia apene va'e ara uri ranavara.

Akisi 14:23

Pu sosia kwinu kwinu puni eruta pijihume paarejumakivi'i 'iruma 'aura areme 'ee siporu 'ojume paarejume 'eke Natohwa ka'ene pura nimaa rojujihuni ija tahi irechamiara.

Akisi 17:5

'Enakaivo Jua pu niho'o senavumakame pu maketi ea sisea aherame ahuma hina ara vaja kajaho karokaha vejara. 'Ene Jesani oni sei pu sarame aherame emaapuni va'irono roara.

Akisi 20:31

'Enajihuna'e 'aiha veji'i vwiha'avara. Juara no'opiso vajijino na'i veiri'a nituiji'i ihajinaname ea kwinu kwino nimaiji najahe 'waravuta.

Akisi 23:10

'Ejumakame pu niho'o ni'ima'ura nakaravume Poru ija 'unave haha puachama usehuna'e kimarena ea natohwijaho tea juvume huni sorutia irechamiume pu haruri vene apene puni tinii va'ara.

Akisi 23:35

'Ejume hu ijá 'wama Namahi'inijipo ro use'avaji'a na oni vu'a he'eju 'wamana. 'Ejume hu 'waravume pu Heroti oni sei raname 'ajoha hijara.

Akisi 24:27

'E'eme juara no'o pa'arejume Posiasi Pesitasira Pirikisi oni tinijaho apenana. 'E'eme Pirikisiho Jua teamana'avarono hu Poru tipurai rana'ika'i va'ana.

Akisi 26:10

Ikaho iraka ka'ene Jerusaremi nara vejujina. Na ea ka'ene nimaa roji'inijija tipurai samahunaru pana kaivo pirisitia mama'inapo harura mihume ea 'aho'a 'aniume kwamasahajaho na 'u'o nimaa vene 'waravuta.

Akisi 26:29

'Ejume Porura ijá 'wama Ike senia ka'ene nuni haha 'ahi namujina vo Na vea tu'ua 'wara'eju 'uho jora 'wara'ujaho nijina. Na Godi jarivu jihuna'e na ura a'asu pana vo ja ea mapoka ka'ene hina nuni vu'a iviamaa heju kijahija nara rejuja'ina'e ja rehuna 'wamana.

Akisi 28:30

'E'eme hu juara no'ohe'i sea ka'ene hura 'imenajino hinana. 'Enare'e erapo hu ka'i roujaho hu 'ajorama nirisamuna.

Akisi 5:18

'Ejumakame pu 'urine apasorua 'unirame 'eke va'e tipurai irechamiara.

1 Koritia 15:10

'Enakaivo Godoni maiji vwihani'inijara renajihuna'e na iviamai ea irakijaho reju. 'Ene Huni maiji vwihani'ina ka'ene nununa'i venajara maa pa'ana'e rehuna pana kaivo nara kaukara ni'ima'ura ka'ene vejujara ea 'aho'ijija asitahuta. 'Enavo ijaho na pana kaivo Godoni maiji vwihani'ina ka'ene na hu'úmo namujarana.

1 Koritia 4:11

'Ene ike iviamaa veakaho nú matunume 'ee toa hunume 'ee kukua maa pasame 'ee siseisei 'ahúe 'ee ara pa'ana'e renúu.

1 Koritia 7:5

'Enakúne ja paki'eje tanu'ara'avara. 'Enakaivo vea ka'ene ja siporua'e 'o'irono ve'avajino ja no'o nimaa ve'ika'i tanu'avara. 'Enakaivo siporua 'oja pa'are'avajaho mako roe ahu'avara vejuro'i ja ojono pakairasa'avajaho Setanira ja vena kima ve'enakúne.

2 Koritia 11:27

Na niho'o kaukara kisina'e vene 'ee 'unama kisinijino hijuta. Na na'ia mapoka'e na'ia nia panejuta 'ee matunime 'ee toa huani'eju'e 'iruma pai ojura 'ee niho'o atuati'eju'e na'ia ateha paraane nejura.

Epasasi 3:1

Ikehuni hahi na Poruho ja Jenitarue punijihuna'e Jesu Keriso oni tipurea.

Piripai 1:13

'Enajihuna'e sorutia ka'ene kavana ijihuni ara 'ajohi'inijija nara Keriso unijihuna'e tipurai hijujaho ea maho'o nihejume paranana.

1 Tesaronia 2:9

Vwehu núne ja mavwihaha. Nú joni vaji hijari veijaho nú ja ahija mihuna senuvume nú onúno harura vene na'ia veiri'a kaukara veji'i Godoni vu'a maa maiu'ina ja 'waravara.

1 Timoti 4:10

Ijihuni maijaho nú ikehuni hahi kaukara harura vene haha heju. Ijihuni maijaho núni nimaa roijaho Godi ka'ene majama hiji'ina ka'ene ea maho'o puni Ni'ajihi'ini jihuni toi namu. 'Enavo Hu nimaa hu ea ka'ene nimaa roji'ina kehipuni Ni'ajúhi'ina.

2 Timoti 1:8

'Enajihuna'e núni Natohwiji rone 'warahunijaho paju'amana. 'Ee nara Hunijihuna'e tipura hijujihuna'e pajuna'amana kaivo roe ja pu'úmo Godira harura ka'ene múhana vajijino ahuma Huni vu'a maiu'ini jihuna'e sisei hija.

2 Timoti 2:9

Ijihuna'e na siseisei ea sisea puna'i tipurai hiju. 'Enakaivo Godoni Irijaho tipura panamu.

2 Timoti 4:5

'Enakaivo uneunecha maho'o hami 'ajoara'amana. 'Ene 'unama kisinijija kairane namine ivenijarisi huni kaukara ijaho ve'amana. 'Enakaivo oni kaukara ka'ene Godira mahajaho ve para'amana.

Hipuru 11:36

'Ene ea 'aho'a sisei matihe 'ee ajiaki hijihaume túpa puama vajame 'ee ea 'aho'a seni kamorame tipurai vaji ato'arumaara.

Hipuru 13:17

Joni sosi 'ajohi'ini jihipuni ira hena vene 'ee puni hura ve'avara. Ijihuni maijaho pu joni 'avena 'ajohe 'ee pura raka ka'ene vejujija Godi 'waravi'i vejura. 'Enakúne ja puni ira heji'ina rejakame pu patemuka'eje puni kaukara hami veji'ina re'avara. Pu temuka'eje ve'avajaho hami pani'ajihuna.

Hipuru 13:23

Na ja hehuna ka'ene 'waravujaho núni vwea Timotiho tipura ni'e'una roana. 'Ena'omo hu marako iki ru'e'u'amajaho na aheme nú hu'úmo vu'e ja kihuna.

Revaresiani 2:10

'Enakúne jara sisea ka'ene piunihunijija niho'o pajuha'avara. Ike heha! Setaniho ja ea 'aho'a vena kime tipura samahuna 'ee na'ia iropu ropu ja ruarahe sise'i 'ahihuna. 'Ene hu ja sise'i 'ahie 'ania kwamasa'i ve'avajaho ja Na niho'o patúchahi'avara. 'Eje Nara ja majama hihuni koraunu vajihuna.