2 Koritia 6:1 - Godoni vuʼa maiuʼina

¹ Nú Godi pu'úmo ahuma kaukara vejujihuna'e nú jarirame 'waravujaho ja paki'eje Godira maiji vwihaniajaho majikari apene tau'avara.

2 Koritia 6:1 ပူးပေါင်းရင်းမြစ်များ

Matiu 23:37

Jerusaremi ore Jerusaremi ore jara Poropetia ka'ene Na irechamiume joni vu'ajijahija 'aniume kwamasahare 'ee ea 'aho'aka maijijahija muni 'aniume kwamasahara. Na'iaka mapokakikano Na ura ja nianaa roe rira kwinu irechami'irono areri 'u'orapo 'u'uhwaha'e nianaa roe puni sarapariji irechame ahuma hijuja'ina'e ve'iro vejujaho ja niho'o ura parenaura.

Akisi 11:23

'Enarena hu ijí va'e'uji'i Godoni maiji vwihaniiniji kamajaho niho'o teamama parajume hu pu ni'ajihe ijá 'iama Natohwiji nimaa roji'i hi'avara 'iamana.

Akisi 14:3

Pu no'o 'aha jora ijino hine paju'ika'i najahume Natohwijara ni'ajihe Hura maiji vwihaniaji najaharena aacha 'ee uneunecha ani ani'ina ka'ene ea areri pavehunijaho vajihume pu vejume rejara.

Romani 12:1

Vwehu nune na ja jariravi'i 'waravukúne. Godira ja numiramani vajijino joni hahijaho mai'o hine akuavi'ine 'ee swasa ka'ene Godi teamahuni ja'ina'e vene ma'avara. Ijaho raka mamaa ka'ene núra Godi oja mahe venahunijina.

1 Koritia 3:9

'Enajihuna'e nú Godi'i pu'úmo ahuma kaukara veji'ina. 'Eju'e ja Godoni juara 'ee Godoni ara.

2 Koritia 10:1

Na Porura onuno ja 'ejahie Keriso oni ajuarana masuani hijura vajijino 'waravu. Na vea ka'ene ja pu'úmo ura varira kakaravujaho ajuasina'e rejura kaivo na karaa ani hijujaho na niho'o ira kisina'e jonuna'a 'waravura.

Karesia 2:21

'Enajihuna'e na Godoni maiji vwihani'inijaho pakarano ranavura. Ijihuni maijaho varapa tamana 'arariha'areje ariramaa rehuna'e re'ipisa Kerisora kwamajaho maa pa'ana'e reja'a.

Karesia 3:4

A uneunecha mapoka vajijino sisei hinajaho maa pana raka? Ijija maa pa'ana'e re'avajaho nimaa'e maa pa'ana.

1 Tesaronia 3:5

Ijihunihahi na areri pakairahuna'e henarejo joni nimaa roijí he'i 'ahiu'e ranavu'e vu'u. Ijihuni maijaho na oja hianimujaho vejuro'i pisivisavi'inijara pisimiakame núra kaukara ka'ene vejajaho maa pa'ana'e rena ve'amarono ranavu'e vu'u.

Taitasi 2:11

Ijihuni maijaho Godira maiji vwihanúajara ea maho'o maranihuna apena roana.

Hipuru 12:15

Ja ea 'aho pu'úmo ni'ajara'irakúne Godoni mavwihani'inijaho pu paasina'avara. Ea sename temukame ajinavakame 'uraarahuni ira ea 'warahunijaho 'ajoara'avara. Ija'inijara reju'e ea mapoka siseraniura.

Hipuru 12:25

Godi ka'ene ja 'waramu jihuni ira hena ve'avara. Isureri ora pu Mosisi oni ira hene pavejajaho eha sisea apejara. Mosisi Hu mwe'a ke'ura vo nú akúpa huni Godiji túchaha'avajaho ja vwihajujaho nú eha paapehuna.

Hipuru 4:1

Nú va'e 'ojuta hwehunijaho Godi nahama 'waramana'omo majama ija'ina namu. Ijihuni maijaho ja ea 'ahopo ijí pavahuni jihuna'e tea junumuna.

1 Pita 4:10

Ea kwinu kwino swara ani ani'ina ea 'aho'a ni'ajihuna'e 'ekajihuna'e Godoni maiji vwihanúajaho 'unama ani ani'inijino naja'avara.