2 Koritia 5:1 - Godoni vuʼa maiuʼina

¹ 'Ene nú nihena kavu. Ike mwe'i ara ka'ene vejara ka'ene núni sea kara tira'usahe ari'amajaho nú ara Godina'i namuji apehuna. Ijí ara kajaho ija pavejara kaivo ijí majama akúpa 'ahi navu.

2 Koritia 5:1 ပူးပေါင်းရင်းမြစ်များ

Maka 14:58

Nú hejuma Hu ijá 'waramana Temiporukaho emaapo vejara'omo Na veje tira'usuna'ira'omo na'ia no'opisu pa'are'eje Na pina veje ma'ori rena nami'ena 'wavara.

Akisi 7:48

'Enakaivo Natohwa ka'ene ichuto maijaho emaapo ara ka'ene iji vejujaho pahinuna. Areri poropetijara 'waramajina.

1 Koritia 3:9

'Enajihuna'e nú Godi'i pu'úmo ahuma kaukara veji'ina. 'Eju'e ja Godoni juara 'ee Godoni ara.

2 Koritia 4:7

'Eju'e nú ike vu'a mamaakaho mwe'a huni haha vajakino ranavu'e namu. 'Enajihuna'e harura natohwa ka'ene areri mina pavehunijaho Godoni rena roana kahuna kaivo núna parene roana.

2 Koritia 5:4

Ijihuna'e nimaa'e nú haha ikehunikino hijuri vajakaho nú hahuna vene 'ee ahija piunivu. Ijihuni maijaho nú haha pa'ana hihuna ura parenúu kaivo nú haha rukina rehuna ura renúu. 'Ejakame ike kwamasahukaho majama hihunijara rarene parahuna.

Korasia 2:11

'Ene Huni vaji ja 'u'o sisa 'uhuahara. Sisa ka'ene emaapo iji 'uhuahuja'ina pana kaivo sisa ka'ene Kerisora 'uhuahajaho sisei jihuni kara ijí 'uhuana.

2 Timoti 1:12

Ijihuni hahi na 'u'o ike uneunecha kehi punijihuna'e na sisei hijuta kaivo na pajunimu. Ijihuni maijaho na irá nimaa rojujaho na nihena kavu 'ee na nimaa rojujaho Hu nara raka ka'ene Hu ve'amaro mahujaho hu areri 'ajo'eje va'e vea kajaho apehuna.

Hipuru 11:10

Eparahamira ija'ina venajihuni maijaho ara natohwa ka'ene Godira Huni iji mina vene kuteja same 'ee ara natohwa maa ka'ene vena ajimaji sama avanana.

Hipuru 9:11

'Enakaivo 'unama maa mavarasa'ina maiu'inaka Godira múhajaho Kerisoho Ni'ajihi'ina Natohwa renana. 'Ene harai ara nimaa nimaa mavarasa'ina ka'ene kahi akúpa 'ahi namujaho emaa ija pavene 'ee mwe'a kehuna pana vo Hu ijí va'e arumana.

Hipuru 9:24

Ijihuni hahi Kerisora Arira Maijihuni Ruha ka'ene matesaramareja ijí vejari ruhijaho pava'ana kaivo Hu ruha ka'ene Ariramaa Nimaa Nimaiji akúpa 'ahi núnijihuna'e Godoni una'i va'ana.

1 Pita 1:4

'Ene aachi'a ka'ene 'ekahunijija papa'arehune sisea pane 'ee pasakarahunijija kahi akúpa 'ahi jona 'ajohau'e navu.

2 Pita 3:11

Ijihuni maijaho uneunecha ikija maho'o hirama arihe pa'arehuni jihuna'e ivi'a ja ea ichá'ina rehuna'e vwihajo? Joni kara ariramaa'e rene 'ee Godi ura renu ja'ina'e hi'avara.

1 Joni 3:14

Nú nihejujaho nú maraku ijaho nikwamasahara vaji hijara vo nú iviamaa kú'o 'urina hiju. Ijihuni maijaho nú vwehu núna oja mihujihuna'e. 'Enakaivo ea irara ea 'aho'a oja pamihujaho hu majaa kwamasahuri vaji hinu.

1 Joni 3:19

Ijihuna'e nú niheju nú nimaa nimai ijihuna. 'Enajihuna'e Huni una'i paju'ika'i namihuna.

1 Joni 3:2

Ehu nuna ka'ene na ja oja mihi'inakije nú iviamaa Godoni harihija'omo nú ichá'ina'e rehunijaho mai'o pakavi'ina. 'Enakaivo nú niheju Hura ro'amajaho nú Hua ka'ava jihuna'e Hua'ina rehuna.