2 Koritia 4:4 - Godoni vuʼa maiuʼina

⁴ Mwe'a kehuni Godijara ea ka'ene panimaa roji'ini jihipuni vwiha ijija tanu'urihu'e puruva retiu. 'Eju'e vu'a maa maiu'ini jihuni hanaji'inijaho 'ee Keriso oni mamaijaho pahena pakavu. Hu Godi arerina.

2 Koritia 4:4 ပူးပေါင်းရင်းမြစ်များ

Matiu 13:22

'Ene 'ina ka'ene ija sisea vaji arihajaho ea hu Godoni vu'a henu kaivo uneunecha ka'ene mwe'a kehunijiru vwihane 'ee monia 'ekahuni 'unamijara pisiviu'e Godoni vu'a kajaho veurahu'e maa parenuna.

Joni 1:14

'Ejume Irijaho roe haha apene nú pu'úmo ahuma hijume nú Huni hanaji'ina kavara 'ee Huni Hariha nikwinu'wi maa kajihuni hanaji'inijaho Amo ka'ene maiji vwihanúe 'ee nimaijihuni rena roana.

Joni 1:18

Vei pini emai Godi kahuna niho'o pana kaivo Huni Hariha nikwinu'wi ka'ene Omahoni vaji hinujara Hu kame ea 'aho'a najahe 'waramuna 'iamana.

Joni 12:31

Iviamaakaho vea ka'ene mwe'a kehuni 'otua vehuni vei nirenu. Iviamai mwe'a kehuni natohwijaho pi'onahuna vei renu.

Joni 12:35

'Ejume Jesu pu ijá 'iama Hanaji'inijaho ja pu'úmo 'aha josu'a pahihuna. Iviamai hananukino 'urahe o'avara. 'E'irakúne nututijaho ja areri pana'irati'amana. Ijihuna'e ea irara nutuvi'ini 'urahonujaho hura 'unama ka'ene ichá vahunijaho puruva renu.

Joni 12:40

Hu puni nia supamahana 'ee Hu puni oja vejume kisima'ura'e renana. Vejuro'i pu puni niiji kime 'ee puni ojijino vwihane nimaa roje Nara veje maranihuni jihuna'e avajuta 'iamana. Noin

Joni 12:45

Ea irara Na kimujaho hu Godi ka'ene Na ranamiume rouji kamu.

Joni 14:30

Na 'aha josu'a ja pu'úmo vu'a pa'wahuna. Ijihuni maijaho mwe'a kehuni natohwa rou. 'Enakaivo huni harura pina Nuni vaja pa'ana.

Joni 15:24

Na puni una'i ike ea areri pavehuni ja'ina ka'ene vejujaho Na ija'ina pave'ipisa pu sisea paveja'a. 'Enakaivo pu ki'eme Na ijí vejujihuna'e pu Na sename 'ee Nuni Omiji 'u'o senavu.

Joni 16:11

'Otua vehuniji najahuni jihuni maijaho mwe'a kehuni natohwijaho ni'otua vetiara.

Joni 8:12

Jesu kú'o ijá 'iama Na mwe'a kehuni hanaji'ina. 'Ena'omo ea irara Na 'ararihi'amajaho hu nututa niho'o areri paohuna. 'Enakaivo hu ira ka'ene majama hihunijaho apehuna 'iamana.

Akisi 26:18

'Ejakame a veje puni nia jaraahuna. 'Ene pu nututi hijujaho are'i kaivo ta'arohe hanaji'iniji roajihuna 'ee Setani oni harura hari hijujaho are'ika'i Godoni rohuna. 'Ejakamareje sisea vwihanie arevujaho apene 'ee ea ka'ene nimaa rojajihuna Na iji pijihujipo aachia ka'ene 'ekahunijaho pu 'u'o ijihuni vaji 'ekahuna 'wimana.

Akisi 26:23

Pu ika'ina 'waravara. Kerisoho Hu sise'i 'ahae kwamareje kú'o 'urihuna kaivo Jua 'ee Jenitaru Hura amura'e vu'a ka'ene hanaji'iniji najahe 'wara'ena 'iamana.

1 Koritia 10:20

Pana. 'Enakaivo na Jenitaruepo uneka ka'ene 'eke swasa vejujaho pu 'avena sisea puna'e venahura kaivo Godona pavenahura. Ijihuna'e ja 'avena sisea puni pwinana'a parehuna ura reniu.

2 Koritia 2:11

'Ene nú ija'ina'e vejakame Setaniho núnuna'i vehuna ija pa'are'amana. Ijihuni maijaho hura ira'ata ka'ene pisimisamuni 'unamijaho nú mai'o papuruva retúu.

2 Koritia 2:12

'Ena'omo vea ka'ene Keriso oni vu'a maa maiu'ini jihuna'e Toroasi roujaho Natohwi jihuni vaji nuni vwicha jaraana.

2 Koritia 3:11

'Enajihuna'e ijí pujaha va'ajara niho'o hanaji'ina'e renana'e re'amajaho ivi'a ike majama nama vahuna kara hananujara maraku orijaho asima paranana.

2 Koritia 3:14

'Enakaivo puni vwiha ijija tanume kisima'ura rena roe iviasi veakino usevu. Ijihuni maijaho pu vu'a sahasiji tahujaho ijí ateha ka'ene urania vahinamia savu kajaho majaa pa'ekaru va'eju'e navu. Ijihuna'e Keriso oni vaji ijija 'ekaru va'ana.

2 Koritia 3:18

'Enakaivo nú maho'o núni Godi urania unenu'u 'aho'a pavahúnamúu'e navujihuna'e nú areri mane'a'e ahanihu ja'ina'e Natohwi jihuni hanaji'inijaho núni vaji majama ahanihuna. 'Ene nú ta'arohe Hu vare'ina'e rena apene ajima vai'i nahuna. 'Ene hahaji'ina kajaho Natohwa ka'ene 'Aveni jihuni vaji rouna.

2 Koritia 4:6

Ijihuna'e Godira ija'ina'e 'waramana. Ira nututa vajijino hanahuna 'iamana. Ijaho Hura núni oja vaja veju'e hanavu'e Godoni henaka ijihuni mamaijaho Keriso oni urania vaji kahuna.

Karesia 1:4

Hu núni sisei jihuna'e kwamana 'ee areri Godi ka'ene núni Omijara Huni ura ijino niamariarama ja'ina'e ike mwe'a sisea vajakino ni'ajúhe siriruma ruva'ana.

Epasasi 2:2

Ja nimako ijaho ike mwe'a kehuni 'unamijino 'urahe ojara. 'Ene 'avena sisea ka'ene ichutoa 'ajohu jihuni harura hari ojara 'ee hu ea ka'ene vu'ataa paheji'ini jihipuni vaji iviamaa kaukara venujina.

Epasasi 6:12

Ijihuni maijaho nú ea haha rukina 'ee 'aa rukina pu'úmo nana pa'eju. 'Enakaivo 'ajoha'ina 'ee harura 'ee harura nutuvi'ina ka'ene iki mwe'i hijura 'ee 'avena sisesa ka'ene ichutoi hijujihi pu'úmo nana'eju.

Piripai 2:6

Hu Godi kaivo Godi Huni tinia ranamana.

Korasia 1:15

'Ene Hu Godia ka'ene nia pakavi'inijihu vare'ine 'ee mai'o uneunecha maho'o re'avarono Hu amura'e ijí hinajina.

Korasia 1:27

Ijihuni maijaho Godoni ura ijaho uneunecha mamaa ka'ene ike hema vaji navujija veje Jenitaru hena kahuna. Ijí hema kajaho Keriso ka'ene joni vaji hinujina. 'Ene nimaa roji'inijija. Huni mamaijaho túna'i 'ekahuna.

1 Timoti 1:11

'Ene Godi ka'ene merajúhi'inijara vu'a mavarasa'ina ikaho nara naja'urono mihana.

Taitasi 2:13

'Ena'omo nú vea ka'ene Hura rohuni vea mamaa kaji 'ajaha hine 'ee núni Godia ka'ene ni'ima'urijaho 'ee núni Ni'ajúhi'ina Jesu Kerisora eajarame roa arihuniji 'ajaha hiju.

Hipuru 1:3

Godi Hu ichá'inijaho Hariaha ija'ina'omo Hu najuhana. Hariahijara raka ka'ene venajaho Godi ija'ina venuna. 'Ene Huni harurijino uneunecha mapoka ka'ene maira 'wara'eme rejajija Hu 'uninamiu'e puni tiniji navura. 'Enavo Hu kwama núni sisea sovume paranajaho akúpa huni Godi ni'ima'uri jihuni ija mana'inija'i tinia ka'ene Hu ta'arohuniji asuma hinana.

Hipuru 6:4

Ikaho ea ka'ene hanaji'ina nihena kavajihipuni vu'a. Pu akúpa huni swara mamaijaho niapene 'ee Godoni 'Avena apejara.

2 Pita 1:19

Ijihuna'e nú niheju. Poropeti epuni ira vaji 'waramajaho roe nimaa'e renana. 'Ena'omo ja puni iriji hene ve'avajaho ja mamaa'e vehuna. Puni vu'a kajaho areri nahehai nututi hana'eju'e vea nitumu ja'ina. 'Ene areri moroi joni oja vaji roe ajimu ja'ina.

1 Joni 2:11

'Enakaivo ea irara vweaha kama semujaho hu nutuvi'ini hine 'ee nututi 'urahe onu. 'Eju'e hu ichá ruvahuna puruva renu. Ijihuni maijaho nututa kajara nia supatiana.

1 Joni 2:8

'Enakaivo na tamana maiu'ina jona'e veju. Tamanakaho Huni vaja nimaa reju'e 'ee joni vaja 'u'o nimaa renu. Ijihuni maijaho nututijaho pa'arene va'eju'e Ira nimaijaho ivi'a hanamana.

1 Joni 5:19

Nú niheju. Nú Godona kaivo mwe'akaho maho'o 'avena sisei jihuni harura hari namu.