2 Koritia 2:14 - Godoni vuʼa maiuʼina

¹⁴ 'Enakaivo Godi teimani 'wavujaho Keriso oni vaji Hura na'ia mapoka venue uneunecha asitaha paraju. 'Ene nuni vaji Huni henaka mamaijaho kwaa ara mapokakino najahu'e pu areri amua maa'e 'uvuja'ina.

2 Koritia 2:14 ပူးပေါင်းရင်းမြစ်များ

Joni 16:33

Na uneunecha mapoka ikija ja ni'waravu jihuna'e ja Nuni vaji matauvi'ina apehuna. Ja iki mwe'i hijujaho ja sisei hiju kaivo ata kairasa'avara. Ijihuni maijaho mwe'akaho Nara ni asivuta 'iamana.

Romani 1:8

Na nimaraku ijaho Keriso oni vaji jonijihuna'e núni Godiji teimani 'wavu. Ijihuni maijaho jara nimaa rojuji kwaa ara mapokakaho maho'o ijí 'wama apene oju.

Romani 15:19

Godoni 'Aveni jihuni harura vajijino aacha ani ani ea areri pavehunijija vejuta. 'Enajihuna'e Jerusaremi rena va'e Iririkami na Keriso oni vu'a maa maiu'ina maho'o najahuta.

Romani 6:17

'Enakaivo Godi teimani 'waha. Ijihuni maijaho ja sisei jihuni pwehija rejara kaivo ja joni oja vaji 'unama ka'ene najahuke hene vejara.

Romani 8:37

'Enakaivo Hura nú oja múhani vajijino nú uneunecha ikija maho'o asitaha parajara.

1 Koritia 12:8

Ijihuna'e Hu ea pina 'Avena vajijino vu'a ka'ene vwiha mavarasa'iniji vajahuna. 'Ene vu ea pina vu'a ka'ene henaka ijí 'Avena nikwisu'ina kajara vajahuna.

1 Koritia 15:37

Ara raka ka'ene 'onujaho maa ka'ene ichá'ina'e rehunijaho pa'onuna kaivo a 'inaru 'onuna. Ijí 'ina kajaho 'witia'ina ho 'ina 'aho'a.

1 Koritia 15:57

'Enakaivo nú Godi teimani 'wahuna. Ijihuni maijaho Jesu Keriso oni vajijino kwamasahuniji asihuni harurijaho múhana.

2 Koritia 1:11

'Ene ja 'u'o ni'ajúhe núni siporua 'onuhu. 'Ene ea mapokijihi siporua eha vene núnuna'i mamaa ka'ene venajihuna'e teimani 'wa'avara.

2 Koritia 8:16

'Enakaivo Godi teimani 'wavu. Hura Taitasi oni oja vaji vwiha nikwisu'ina ka'ene nara jona vwihaju ja'ina'e huni vaja ranamana.

2 Koritia 9:15

Godira Huni swara mamaa ka'ene niho'o iri ta'arohe amairie 'warahuna areri pa'ana ka'ene múhajihuna'e teimani 'waha.

Epasasi 5:2

'Ene Kerisora ja oja mihaja'ina'e oja 'ekaravi'i o'avara. 'Ene Hu Huhusu nú múharena areri swara vene swasa Godona'e amua 'u'amarono venana.

Epasasi 5:20

Na'ia mapoka núni Natohwa Jesu Keriso oni ihijihuni vaji Godi Omijaho teimani 'wa'avara.

Piripai 4:18

'Enakaivo uneunecha maho'o areri 'ekuta. 'Enareno ijipo mapoka'e areri renihara. 'Ene jara Ipapirotaitasina'i irechavajija na ni 'ekuta. Ijija swara mamaa ka'ene amua mamaa Godi teamama parahunijihi vejara.

Korasia 1:23

'Enakúne ike nimaaroakaho hena vene 'ee ija kisi 'uname namiha. 'Ene ja paki'eje vu'a maiu'ina kara iraka ka'ene rehuna 'waravume hejaji raname arema va'ava. Ijihuni maijaho ike vu'a mamaa maiu'inakaho kwaa ara mapoka ka'ene ike akúpa hari navukipo he'avarono 'waravara. 'Enajihuna'e na Poruho ijí ve'urono iji pijihana.

Korasia 1:6

Ijí vu'a maiu'ina kajara joni roaja'ina'e 'u'o 'e'une kwaa ararakino va'e hine majaa 'ina renu 'ee rausahe emarenu. 'Ene ni areri vea ka'ene ja Godoni maiji vwihanie ijihuni nimaiji hene kavume renaja'ina'e renu.

Korasia 2:15

Hura 'ajoha'ina 'ee harura mama'ina sisesa ijija Huni vaji korosia 'ahi eriri samaumai túa vetie venaume harura pa'arenaana.

1 Tesaronia 1:8

'Ena'omo iviamaa Natohwi jihuni vu'ijaho joni rene rausahe va'e Masatonia 'ee Akaiaru pava'ara vo kwaaka mapokaki va'ana. Jara Godi nimaa nimaa rojujaho pu nihe parajara. Ijihunihahi nú pu areri unenu 'aho'a pa'warahuna.

1 Tesaronia 3:9

Nú ichá'ina'e jonijihuna'e Godi teimani 'wa'eja? Ijihuni maijaho núra temara ka'ene jonuna'i 'ekajihuni hahi nú Godoni una'i jonijihuna'e temarasahura.

1 Timoti 2:8

'Enajihuna'e na ura reniujaho parua ka'ene kwaa arakino hijujija 'urine akuavi'i ija ahasirime siporua ka'ene 'o'avajaho paajiname 'ee paninakaravi'i 'o'avara.

2 Timoti 2:2

'Ene iraka ka'ene a he'eme na eriri ea mapoka puni una'i 'waravujaho ara ea ka'ene uchaha pa'ajihi vajihe 'warave pura areri ea 'aho'a 'u'o najahe 'wara'avara.

Revaresiani 7:12

Nimaa! Merajihi'ina ta'arohi'ina henaka nimaijina temaravi'ina iha ta'arohi'ina harura 'ee ajira ijaho majamano núni Godijihuna. Ameni! 'wavara.