2 Koritia 12:15 - Godoni vuʼa maiuʼina

¹⁵ 'Ene na teamani'eju'e joni 'aveniji marani'avarono nuni uneunecha 'ee nuni haha maho'o ato'uruve pa'arehuna. Na niho'o oja ni'ima'ura'e mihu kaivo ja na oja ma'uako mihuna raka?

2 Koritia 12:15 ပူးပေါင်းရင်းမြစ်များ

Romani 9:3

Nara iviamaa tinia ka'ene Keriso oni ea rene hijuji rana'ika'i kwahuni tinijino ruva'ujara veje vwehu nuna 'ee ehu nuna Keriso nimaa rohuna'e re'ipisa na ija'ina'e veju'u.

2 Koritia 1:14

Jara areri pwinana'a hena kúvaja'ina'e nú joni maijihuna'e nú núni Natohwa Jesuni veijaho mari'uve ja 'u'o núnijihuna'e mari'uhuna.

2 Koritia 1:6

'Enakaivo nú ahija 'ee varapa piunivujaho ijara reju'e ja hami hene 'ee ijara ni'ajihuna. 'Ene nú sonahúujara reju'e ja sonahiu. 'Ejakame ijaho ja masuani ajuarasahe ahija nikwisu'ina ka'ene núra siseisei hijujaho kirasahe vahuna.

2 Koritia 11:11

Irakijihuna'e? Ijihuni maijaho na ja oja pamihura raka? Nara ja oja ka'ene mihujaho Godira hena kimu.

2 Koritia 12:14

'Ene na ivi'a 'aha no'upisu ijí ja vu'e ki'irono amairiaravu. 'Ene na paveje jonuna'a ahija renahuna. Ijihuni maijaho na joni kukuiji 'eka'irono avahuna pana kaivo ja 'eka'irono avaju. Ijihuna'e sesahwapo emahwa puni uneunecha patamuvanihura kaivo emahwapo sesahwa puna tamuvaniura.

2 Koritia 12:9

'Ejume Hu ijá 'wima Nuni maiji vwihanii'inijara venau'e a hu'úmo niareri renau. Ijihuni maijaho a harura pa'arenaujino Nuni harurijara venau'e a areri renauna 'wamana. 'Enajihuna'e na harura pa'areniujino mari'ume kehi kehi oju'ukame Keriso oni harurijaho nuni vaji namuna.

2 Koritia 2:3

Ike uneka kehuni hahi na joni asura vejuta. 'Ene vejuro'i vea ka'ene na vu'ujaho ea ka'ene na venie teamanihunijija paveje na temuki'avarono avajuta. Ijihuni maijaho na ja maho'o nimaa vetiu jihuna'e nuni temarijaho ja maho'o joni temara'e rehuna.

2 Koritia 4:12

'Ena'omo nú kwamasahunijino hijukame majama hihunijaho joni vaji kaukara venu.

2 Koritia 7:2

'Ene núni ruha joni oja vaji aremu'avara. Nú ea pina pasise'i 'ahaara 'ee pavenaume sisea vejara. 'Ene ea pina papisimie unenu 'aho'a hununa'a 'ekara.

2 Koritia 7:3

Ja namahe 'warahuna pana. Na nimarako 'waravu ja'ina'e ja nuni oja vaji navujihuna'e nú kwamasahuna ho mai'o hihuna kaivo nú ja pu'úmo ahuma ni'ajaravi'i hihuna.

Karesia 4:10

Ja vea masapa juara 'ee vea vutua kwinu kwino puni veijihi hine akuma 'ararihiu.

Piripai 2:17

'Enakaivo na toa ijuri swasa puna'i vene joni nimaa roiji ni'ajihuna'e usekuniara. 'Ena'omo na mari'ume teamani'eju'e nuni temarijaho ja pu'úmo 'wame nasaravu.

Korasia 1:24

Na teamanimu jihuni maijaho na jonijihuna'e haha hianimu. 'Ene Kerisora Huni haha ka'ene sosijihuna'e sisei hinajihuni pwina ijaho nara sisei hiju'e pa'arenu.

1 Tesaronia 2:8

Nú ja niho'o oja miha paraja jihuna'e nú Godoni vu'a maiu'inijiru pamihara kaivo nú niho'o ura renua para'eme núni hia 'u'o ja vajihara.

2 Timoti 2:10

Ijihuni hahi uneunecha mapoka ani ani'ina nuni una'i rejujija na ijihipuni vaja kajino kirane va'ura. Ijihuni maijaho ea ka'ene iji pijihajihi punijihuna'e avajura. 'Ejakame pu 'u'o roe Jesu Keriso oni vaji ni'ajihi'inijaho apene 'ee pinana ka'ene majama nahuniji 'u'o ape'avarono avajura.

Hipuru 13:17

Joni sosi 'ajohi'ini jihipuni ira hena vene 'ee puni hura ve'avara. Ijihuni maijaho pu joni 'avena 'ajohe 'ee pura raka ka'ene vejujija Godi 'waravi'i vejura. 'Enakúne ja puni ira heji'ina rejakame pu patemuka'eje puni kaukara hami veji'ina re'avara. Pu temuka'eje ve'avajaho hami pani'ajihuna.